لاااااااااااااااااء ماني معترض .. دخيلك
أنا معك بهل الموضوع بس بدي اسألك أوركيدا في ناس بيقولولك إنو هذا علم يعني ليس تجبر أو تطاول على معرفة رب العالمين طبعا يلي لا مقارنة بين الرب و العبد .. سبحانه عما يصفون
فشو رأيك بموضوع إنو علم .

أوركيدا,
شو هالموضوع الحلو وشو هالطرح الذكي

بس ما فهمت ليه بدك تحطي رأيك بقوة السيف يعني

أكيد أنا من مؤيدين ما ذكر آنفاً..وبستسخف عقول المصدقين وخاصةً المبهورين باللي زبط معن لهلأ
وكأنو عقلن ما استوعب المية كذبة وسدق الشغلة الوحيدة اللي زبطت

.husam., معقول يكذبوا كذبة كبيرة عالقد وما يدّعوا انو علم
طبعاً هي حجتن
حتى انن بلاقوا شاهد من القرآن
"والسماء ذات البروج"

هي أكتر شغلة بتضحكني

عالعموم مهما رسموا رسمات وحطوا خطوط طول وعرض وبيانات وقواعد وأساسات
بضل "وشهد شاهد منهم"
مافي تنين منن بيتفقوا

والغريب أنو سبب العمل بحياتنا هو جهلنا بالغيب..فكيف بحاولو يكسوا أكبر حكمة بالوجود ما بعرف

أوركيدا,
كلامك صحيح عزيزتي...هي الظاهرة كتير منتشرة هي الأيام...الجوزاء صفاتو هيك مابناسبو هاد البرج لأنو التاني هيك وهيك
وييييييي بلاوي...الكل اهتمامو صاير بقراءة الأبراج مشان يعرفو شو رح يصير اليوم أو خلال الشهر...

والله شي بضحك فعلا ولأ شو كتير ناس بتسدق من كل عقلها
الله يجيرنا
موضعك ظريف يسلمو ايديكي بس رح انقلك ياه للقسم الأنسب
في رحاب الله..

الموضوع مو موضوع إيمان أو تكذيب
يعني ممكن الشخص يتسائل ليش حركة هالكواكب في مدراتها بتتغير ب أوقات معينة من السنة يعني ببساطة مافينا ننكر علم الفلك كلو
ولكن من جهة تانية انا ما بصدق الفلكيين ولا المنجمين ولا غيرهن...أنا بتصور أنو الإنسان يصنع قدره بيده مو أكتر من هيك
ولكن الموضوع موضوع لعب عالنفسية يعني الأنسان بزمنا بيصدق أي شيء ممكن يكون بيفائله ممكن حتى هوي يعرف أنو هاد الحكي دجل بس.... يعني الواحد متل المثل الشعبي" بدون دق عم يرقص " بدو أي شيء يعطي دفعة نحو الامام فما بالك بشخص بيقلّو أنو نهارك اليوم سعيد ومليء بالحيوية والنشاط وأنت إنسان محظوظ اليوم, لح يفوت ع اليوم متفائل مع انو ما في أي سبب يدعو للتفائل سوى الحديث اللي سمعو الصبح....
آسف ع الإطالة....

شكرا عالموضوع الحلو
بالفعل صارت هالشغلة متغلغلة بمجتمعنا بشكل فظيع
و الغانم بيقد بيعمل حالو فهمان فيا و بيالفو كتب مشان تعرف شو حظك بهالسنة الجاية و شو حظك بكل يوم لحالو
و اللي بيضحك انو كلن بيكونو متل بعض
عغوا هي الشغلة مزبوطة و مثبتة علميا
بس متل ما قلتي هي الشغلة شي و العلم بالغيب و التكهن شي تاني

شكرا الك مرة تانية و بتمنالك التوفيق

أوركيدا, أوركيدا, كلام من ذهب يسلمون يارب


ويا ريت كل اعضاء تقرا موضوعك

فافي, وأنا متلك .هههههه


نرجس حبيبتي بشكرك أول شي وكنت بدي قول ( كذب المنجمون ولو صدقو )

بقا هاد لا علم ولا شي وإنما تنجيم وأقاويل باطة لا أساس لها من الصحة واللي بيمشي عكلام المنجمين فهاد ليش فقط قلة عقل بل وضعف إيمان كمان