مرحبا...
يمكن كون غليظ بهالطلب... بس على كل حال انا كنت مسافر واستنفذت من السنة التانية وهلأ سجلت وعندي خمس مواد وهم
1 لغة 3
2 لغة 4
3 نثر 2
4 ترجمة 4
5 مدخل إلى النثر
ولكن لا أعرف شيء عن المقررات ولا أي معلومة عن أي دكتور وأنا جيت على سوريا مشان اترفع وارجع سافر ع نيوزيلاندا...
فهل من متبرع بس يشرحلي شو قصة هالمواد رجاء سواء كان ع الماسنجر أو وش لوش....
مع الف شكر

أهلين
يمكن ما فيني فيدك كتير بس اهم شي لازم تجيب المحاضرات من مكتبة وضاح تقريبا هي احسن مكتبة وبيكون بالمحاضرات محددين شو بدون الدكاترة مثلا اللغة بيحدد الدكتور تشابترات من الكتاب ولازم تجيب الكتاب والترجمة من المحاضرات بيكفي تقرا المادة والنثر ومدخل الى النثر محدد روايات بتجيب الروايات ولازم تقراهون مع المحاضرات لان بيحدد بكل رواية شو بدو
و موفق انشالله

من بعد الشكر على ردك اخت رغدة ....
بخاف تضربيني بعد ما احكي ....
بس المشكلة أنا كنت بجامعة حلب ونقلت على حمص وما بعرف شي بحمص وبعد ما قدمت فحص سافرت وهيك استنفذت... يعني وين هي مكتبة وضاح؟؟!!!!
تاني شي بس انا بدي من الشباب هون حدا يحكيلي على اساليب الدكاترة كمان وأسمائهن على الاقل....
مرة تانية شكرا كتير اخت رغدة على الرد....

مرسي كتير سنا
بس انا وضاح ما بعرفو حتى اعرف عبادة هههههههه
على كل حال كتير شكرا وانا انشالله بنزل ع حمص عن قريب
شكرا

لا عبادة لسا ما وسع مجالو ليفتح مكتبة..

مكتبة وضاح بالنفق

عبادة عضو بآرتين غني عن التعريف ومراقب عام كمان بعتلو رسالة خاصة..

يعني لسا ما نزلت على حمص كيف بدك تلحق تدرس؟

ههههههههههه لا ما أنا هلأ بحلب بس يعني لازم لحق ادرس لسببين
يعني أظن لغتي عامل كتير مساعد وتاني شي يعني اذا لاحظتي انو المواد سهلين يعني ما بدهن حفظ كتير
ولا انت ناوية تهبطيلي معناوياتي؟؟!!! هههه
وكمان شغلة انو أنا موادي لسا بعيدة يعني مو بأول الفحص ورح روح عند الأستاذ وضاح ويبقى بعطي رأيي بمحاضراتو
وبعدها بعطي رأيي بالدكتور وبعدها بعطي رأيي بدلتكن اذا كانت صح ولا لأ وبعد هادا كلو بعطي رأيي بالشخص اللي نصحني انقل جامعتي من حلب لحمص...
وعلى فكرة سؤال خارج نطاق الدراسة...
أنا بتذكر انو كان في محل فطاير بالنفق كنت آكل عندو فاطاير فليفلة المعروفة بحمص باسم (حرحورة)... هادا شو سوا في الزمان لساتو عايش؟؟؟؟؟؟

عطيل,

شلشتني
أكيد إذا بتجيب محاضرات من عند وضاح رح تعرف كل شي وحتى الطريقة أحيانا" إذا كانت مختلفة عن الطريقة المعتادة بيكتبوها و إذا لاء فيك تجيب أسئلة الدورات و تقراهن بس ان كانت لغتك قوية و بتعرف قواعد منيح خلص انشالله نجاحك مأمن بس ما تقوم هلأ ما تدرس

بالتوفييييق

شكرا كتير لاهتمامكن عن جد
صار عندي فضول شوف وضاح قد ما سمعت عنو
بس ممكن تقلولي كيف بروح من الكراج للجامعة؟؟ ههههه عم امزح اكيد
بس كمان سؤال...
يعني ليش انا مو مسموحلي ابعت رسائل خاصة؟