عن جد محذوف يا هدى !!! ياااااااااريت ..

مرحبا يا أعضاء منتداي المفضل .. واللي عن جد إلو فضل كتير كبير عليي ( أكيد من بعد الله سبحانه وتعالى ) بشغلة إني أعرف تقريباً كلشي عم يصير بالجامعة يلي عن جد اشتقتلها كتير ...
يمكن تستغربوا كلامي وشو كاتبة .. بس هي الحقيقة ... من بعد ما تزوجت ورح صير إم صرلي فترة طويلة ما عم إقدر إطلع عالجامعة .. وطبعا عقبال عند الكل ( قصدي تصيروا إمهات ، أو يمكن أحسن قول يلي حابات ومتمنيات بس ) لأنو بعد بكير يمكن يقول البعض ...
المهم هلأ وبلا طول سيرة ... أنا قريت مبارح مشاركة أو بالأحرى موضوع من الأخ ( x181141x ) ويلي عنوانه هو : ( استفسار مجنني بمادة النقد 1 وياريت حدا ينجدني .. ) ورابط الموضوع هو :
http://www.art-en.com/forum/viewtopic.php?f=20&t=9752" onclick="window.open(this.href);return false;
المهم وبعد ما قريت كمان رد المتميزة هدى عليه ... وبعد ما انبسطت من الشي يلي شفتوا واللي فهمتو من رد هدى على الموضوع ( عن جد شكرا إلك كتير يا هدى ) ... المهم لقيت إنو بعض البنات عم يقولوا إنو ( الفارابي ) محذوف أكيد بس ( ابن قتيبة ) ما نو محذوف من قسم الأعلام بمادة النقد 1 ... وهادا شي حيرني ..
بس بيني وبين حالي قلت إنو هدى أكيد بتعرف عن جد شو صاير ومشان هيك كاتبة إنو محذوف .... بس رجعت وأنا عم إتصفح محاضراتي لقيت إنو في محاضرة - من عند مكتبة الجزيرة جايبتها ، وعلى فكرة أنا حاملة المادة من هديك السنة - المهم محطوط جنب فقرة :
منزلته في النقد الأدبي ( وقصدي بقسم ابن قتيبة ) كاتبين أو يعني موضحين إنها مهمة ... وبعض البنات هيك عم يقولوا ...
وهون خفت ... وقلت مالي إلا اكتبلي شي رد أو موضوع وشوف شو الجواب النهائي والشافي ...
ومشان هيك ما كذبت خبر وكتبت هالموضوع .. ويا ريت ولو بس بكلمة وحدة تأكديلي يا هدى إنو محذوف عن جد أو لأ ( قصدي ابن قتيبة كمان محذوف ومو بس الفارابي ) ..... وياااااااااااااااااريت يكون عن جد محذوف وأنا مالي خبر .... يااااااااااااااااريت ...


وكمان مشان العثماني في شغلة غريبة لاحظتها وهي إنو بالمحاضرات يلي من عند مكتبة وضاح مافي إلا 3 شعراء ومحطوطين بــ 7 محاضرات بس ، وهنن :
عبد الغني النابلسي ، ابن النقيب الحسيني ، منجك باشا اليوسفي
أما بالمحضرات يلي من عند مكتبة الجزيرة ( ويلي عددهون 9 صار ) فموجود 5 شعراء متل ما حضرتك يا هدى تفضلتي ... يعني بالإضافة للشعراء الــ 3 السابقين في كمان :
ابن معتوق الموسوي و شهاب الدين الخفاجي
بقى شو بدي أعمل وشو بدي إدرس ومن أنو محاضرات وأنو شعراء .... والله احترت كتير وحاسة حالي رح طق .....
( لا حدا يستغرب ... جوزي بيروح على هالجامعة وبجبلي معو كلشي في محاضرات من كل المكتبات وبقلي إنتي نقي وشوفي يلي بيعجبك ودرسيه ... لك والله عم ضيع كتير بهالقصة .. كل مرة بقلو جيب من مكتبة وحدة وبس .. بقوم بقلي إيه وماشي ومتل ما بدك .. بس لما بيرجع بلاقيه جايبلي كلشي وجاية .. لأ ومبسوط بحالو كمان !!!! ) ....

عن جد آسفة كتير إني طولت عليكون وكتبت شغلات يمكن ما كان لازم إكتبها ... بس هادا الشي يلي صاير .. ويمكن كنت حابة فش خلقي شوي لأني متل الكل رح طق من هالفترة ومن هالفحص ومن هالمواد ... بقى تحملوني .....

وبالنهاية .. إلكون مني أطيب تحية وكل التقدير إلكون ولجهودكون ( بصراحة يمكن لازم قول مني ومن جوزي لأنو كل الوقت كان قاعد جنبي وعم يضحك عليي ) .....

تمنياتي للجميع بالتوفيق والنجاح ، وبمعدلات انشالله ...

فعلاً خبرية روووووووووووووعة من مشرفة أروع وأروع .....

شكراً كتير كتير كتير إلك يا هدى على هالرد اللي بياخد العقل ...

ومشان شغلة إني داوم فيمكن أو ليش يمكن .. يا ستي معك حق وكل الحق .... بس ...

ولا يهمك .. مو مشكلة ... المهم إنو عن جد زحتي عني هم دراسة ابن قتيبة ... لأني ما بخفيكي قبل ما شوف ردك الأولاني كنت مبلشة من قبل ( من 10 الشهر تقريباً ) بابن قتيبة ودرست حوالي 9 أو 10 صفحات منو وبس .. والحمد لله ما صرلي إدرس أكتر من هيك ....

موفقة بموادك ياهدى وانشالله إنتي كمان بتطالعيهون كلون كلون وبمعدلات .....