مرحبا
أكيد من كل قلبي بتمنى ما يكون حدا حامل النقد سنة تالتة لأني نادرا لأحمل شي مادة وهالنقد ما عم تطلع ....
حدا يقلي كيف بدي ادرسها ... واخبرت إنو الدكتور رح يغير نمط الأسئلة ..إذا حدا بيعرف ...بليييييييييييييييييييييييييييييز يخبرني
ومشكورين كتير...

Diana,
في موضوع بهاد القسم اسمو استفسارات عن النقد الادبي كاتبين فيه كل شي بالتفصيل...
موفقة

Diana,

أول شي الدكتور ما بيحب يبسطها
قال لأنو بيحب الناس تشتغل والأتمتة عم تخللي الناس تنجح بسهولة

أنا رح أقلك شو لازم تشتغلي
1- مادة النقد سـ3 تعتبر مدخل لمفهوم النقد بشكل عام
يعني مبادىء النقد

2- الدكتور شرح أصول النقد كما هو ممثل بأرسطو وأفلاطون وبعدين شلون تطور مفهوم النقد حسب المدارس الأدبية

3- بدك تلحقي كل مدرسة أو ناقد وتشوفي شو هي النقاط الرئيسة

4- جمعي هالنقاط ورتبيها على شكل مقالة وارتبطي بالشي اللي قاله الدكتور

5- في نوع تاني من الأسئلة واللي هو التعاليق
هادا النوع من الأسئلة سهل ومو سهل
الدكتور رح يطرح فقرة من الكتاب وعليك انتي تعلقي بسطر أو سطرين حسب المفهوم الوارد في الفقرة وتدلى على أثر هالمفهوم عند الناقد علماً إنو الدكتور ما رح يذكر مين هو الناقد. الفقرة رح تحتوي عنوان المفهوم صراحة متل (Nature) أو (Realism) وانتي عليك تربطي هالشي بناقده

6- أخيرا بنصحك تجيبي أسئلة الدورات وتتطلعي عنمط الأسئلة (طبعا غير دورات الأتمتة) لأنو الدكتور رح يعتمد أسلوب مقارب جدا