بنحط الطحين وبنفركه بالسمنة والزيت لحتى ياخد كل الطحين الدهنة ( هالخطوة بتعطي نتيجة اطيب واحلى), بعدين بنحط السكر والوباقي المواد (إلا الحليب) نخلطهم منيح يبقى مرحلة العجن, هون بنضيف حليب ونعجن لحتى تتماسك معنا العجينة بشكل منيح وتكون طرية (بنفس الوقت طبيعتها قوية يعني مو متل عجينة المعمول أو البتيفور وهالفزلكات الصغيرة )
ممكن نستغني عن الحليب بالمي وبس لكن الطعمة بالحليب أكيد أحلى, طبعا الخميرة بتجي قبل الحليب او معو مافي مشكلة, والتخمير تقريبا 6 ساعات او اكتر, مثلا بنعجنها بالـ 10 المسا وبنخبزها الصبح, وممكن بالصيف تاخد فترة اقل
ممكن نضيف حفنة جوز الهند للطحين, كمان ممكن نضيف جوز ناعم شوي بين العجين, سمسم, زبيب, كلو بيعطي نتائج روووعة
التقطيع: إلها قوالب خاصة بالسوق سواء بلاستيك أو خشب, ممكن نقطعها بالشكل اللي بنريدو, سواء كعكات أو بالقالب أو بالسكين, طبعا جبت كم صورة لقوالبها من النت
فينا نحشيها تمر, جوز, تمر مع جوز, شو ما بدنا بس أساسها تمر
هلا بترككم مع كم صورة, وصصحتين
قوالب
الفرق بين الصورتين هو لون الكعكة, الأولى مدهونة بيض عادي (بنخفق بيضة ونرشلها رشة فانيلا وندهن فيها الكعكة) وإذا بدنا اللون اغمق متل مو بالتانية, بنضيف صفار او صفارين للبيضة
كاسة ونص سكر مطحون كاسة ونص نشا كاستين سمنة 4 بيضات ظرف بيكم بودر ظرف فانيلا طحين حسب الحاجة
بنذوب السمنة ونضيفلها السكر والنشا, نخلطهم منيح بعدين بنحط البيكم بودر والفانيلا, نخلطهم, بنضيف البيض (يفضل نخفقو قبل ما نضيفو), بنضيف طحين لحتى يتماسك العجين, طبعا لازم يكون طري شوي يفضل أول مرة ينعمل إنو نعمل صينية ونشوف إذا ساحت الكعكة كتير معناها العجين ناقصو طيحن, بنزيد طحين ونشتغل طبيعي
ممكن ناخد نص كمية العجين قبل ما نضيف طحين ونخلط معها كاكاو,
طبعا التقطيع بنعمل منها حبات صغيرة متل اللي بالصورة بناخد حبة بيضة وحبة شوكولا ونلزقهم بالمربى (اطيب شي) او بالكريما, وبعدين بنضغطهم على فستق ناعم او جوز الهند بيمشي الحال ممكن نستبدل المربى بشوكولا سائل
وصحتييين[/size]
_________________
Dernière édition par Golden RoSe le Dim Sep 05, 2010 11:07 pm, édité 1 fois au total.
Vous ne pouvez pas publier de nouveaux sujets dans ce forum Vous ne pouvez pas répondre aux sujets dans ce forum Vous ne pouvez pas éditer vos messages dans ce forum Vous ne pouvez pas supprimer vos messages dans ce forum Vous ne pouvez pas insérer de pièces jointes dans ce forum
You can register from here to get free full access . We highly appreciate any participation from teachers and professors 
Connexion
Mobile
FAQ
Rechercher
::
::
