الرجل الحمش

بروين · **Publié:** Mer Fév 09, 2011 1:02 am

الحمش كلمة كتير منسمعها عن الرجل والها معاني كتير كبيرة يعني ممكن يقولو

   * اذا رجل عصبي كتير وايدو والضرب بقولو عنو شو حمش واذا كان بغار من النسمة على حبيبتو او خطيبتو او .................... بقولو عنه حمش
   * واذا كان بخاف على حبيبتو او خطيبتو او ....................بقولو عنه حمش
   * واذا كان بصرخ على الطالعة والنازلة بقولو عنو حمش
   * واذا كان لازم يكون السي سيد او انو المرأة هي عبد عنده او هي الشخص يلي لازم يطيع دائما بدون ما تقول هيك او هيك

1- برأي كل الشباب شو برأيكون الرجل الحمش او شو التعريف لهي الكلمة ؟؟؟
2- وهل هي شي صح او لا غلط كمصطلح او حتى كفعل وكتسمية؟؟
3- وسؤال للشباب بشكل خاص المراة شو هي بالنسبة لإلك او كيف اذا بدك تعبر عن البنت كصفات؟؟
4- وسؤال للبنات شو رأيك بالشب الحمش ومين هو بنظرك ؟؟؟
5- وبتلاقي هالشي صح او غلط؟؟
6- وشو هو تعريف الحمش بالنسبة للبنات؟؟
7- وشو هي صفات الرجل بنظرك ؟؟

rehab · **Inscrit le:** 07 Octobre 2009

بروين,

أولاً أنا بكره هالكلمة كتير
تانياً أعتقد معناها سيء يعني حمش الخلق أي سيء الخلق
ويعتقد بيقولوها عن الرجل اللي ايدو الضرب والعصبي واللي على اساس بيغار وووووووو
باختصار عزيزتي
الرجل اللي بيضرب ما بعتقد فيني سميه رجل

والرجل برأيي هو الانسان المتفهم المنطقي الانسان اللي بيناقش وغير متسلط
ممكن يكون عصبي بس هاد ما بيخليه يكون مجنون
بيحب وبيغار وبيخاف على عرضوا أكيد لأنو انسان بس ما بيتصرف برعونة وبيحل أي مشكلة بعقل

لا تقولي ما في هيك رح قلك في

بتمنى كون جاوبت على أسئلتك

دمت بود

الملاك · **Publié:** Sam Fév 12, 2011 7:53 am

rehab,
رغم كل المنطق اللي بيحملو ردك.... بس مع ذلك نظرتك للحياة رومنسية *sla

الله يبعتلك رجل الأحلام اللي ببالك...وبهالصفاة الحلوة اللي متمنيتيا

بروين,
يا حبيبتي يا بروين بعتقد التعريفات اللي حطيتيا للرجل الحمش كتير جائرة وظالمة ومبالغ فيا :roll:

لأنو هالكلمة إيجابية... وهي صفة ضروري وجودا بالرجل ليكون رجل...أما الأشيا اللي أنتي ذكرتيا فبتنطبق عالرجل اللي ممكن نوصفو"شوارعي- قاسي- عصبي- إلخ..."

لأنو تعي لقلك شغلة
ميزة رجال الغرب اللي تربو بثقافة الغرب وأكلو من أكلو وشربو من ميتو... أنن بغاروا :arrow:

بس مانن حمشين :idea:

لأشرحلك كيف:
يعني وقت رجل بشوف مرتو مع واحد تاني... بغار وبينزعج وأنو أنا شو ناقصني لتروح لعند واحد تاني.... بينما ما بفكر أنو عرضو انتهك وشرفو اتدنس وما بعصب "التعصيبة الضرورية لتمنع وترعب المرأة أمام المعصية" :arrow:

لأنو الله قال بالقرآن "الزانية والزاني" وقدم الزانية على الزاني لكثرة احتمالية المرأة بارتكاب المعصية :arrow:

وهادا دليل ضعف المرأة... وأحياناً وقت ما بخوفا الله وعقابو والآخرة
ممكن تخاف من قسوة المجتمع :arrow:

وهادا شي كتير ضروري.... ولو نوجدت بمجتمع فاسد بيسكت عن الإمرأة الناشز لخربت الدنيا

بس لو كانت متزوجة...صعب يكتشفا المجتمع... لهيك لازم تخاف من زوجا... ولازم تعرف أنو هو حمش وناطرا عذاب مرير لو نشزت :arrow:

وإلا كمان بتخرب الدنيا

وكلمة حمش هادا معناها... أنو بعاقب زوجتو عقاب مرير وعسير لو نشزت... ما بالضرورة الزنا... يكفي تعدد العلاقات :idea:

... وهالشي فيه صيانة للمجتمع وطهارة الأسرة
"طبعاً وجود الرجل الحمش هو رد فعل على وجود نساء ضعيفات دينياً أو أخلاقياً... "

أما لو إمرأة سوية... فحتى الرجل الحمش بعاملا بكل لطف ورقة... لأنو :!:

ما معنى كلمة حمش :عصبي وبيضرب وبسبسب و و و و
هي فقط مقترنة بشدة وعنف ردة الفعل في حال نشوز المرأة "أخلاقياً"...فقط :arrow:

بقا
اللي بغار عحبيبتو اسمو غيور :mrgreen:

ما حمش

بروين · **Publié:** Dim Fév 13, 2011 10:53 pm

شكرا [color=#FF3399]الملاك, لتواجدك بالموضوع وانا معك بكل كلمة قلتيها والفكرة اكيد فيها مبالغة انا ما بنكر هالشي بس هدا ما بيعني اني معها او بأيدها بس هي مجرد فكرة والموضوع فكرتو هي انو انت كيف برأيك الرجل الحمش مو شرط يكون هو وحدة من هي الصفات يلي فوق بس هي الصفات هي ناس بيعرفو الرجل الحمش انو هيك او هي مقدمة للموضوع بس بالضرورة انها صح ابدا
بشكرك على وجودك وعلى ردك وانا معك بكل كلمة وبالعكس الرجل هو يلي بكون رجل بكل ما تدله الكلمة من معنى وبنفس الوقت هو يلي بكون حنون وقلبو كتير كبير بمواقف
وبشكرك rehab, على تواجدك معنا ونورتي الصفحة[/color]

الملاك · **Publié:** Lun Fév 14, 2011 9:26 am

بروين,
فرحتيني :mrgreen:

لأنو بالعادة البنات عندن تعصب لأي شي بوقف قدام حريتن ... أحياناً قبل التفكير بمدى الحرية ونوع التقليد :arrow:

وأغلبنا منوقف ضد فكرة "الرجل " بحد ذاتو..... "سواء حمش أو لأ :mrgreen:

فكيف إذا نضافت لصفاتو صفة رجولة إضافية :roll:

طبعاً بالنهاية الصح أنو الرجل يعبي مركزو.... سواء رضينا أو لأ

لهيك أنا بحب الرجل الحمش *ورود

وشكراً إلك

rehab · **Inscrit le:** 07 Octobre 2009

الملاك,

اذا كان معنى كلمة حمش بالعربية متل ما قلتي فممكن غير رأيي فيها وحبها
لأني كنت بظن أنها مو حلوة
لازم دور على معناها *ممم

وبالنسبة لدعوتك اللي برجل الأحلام متل ما بدي

فالحمد لله الله بعتلي اياه من زمان :wink:

دمت بود

سيرين · **Publié:** Lun Fév 14, 2011 6:29 pm

بروين,

كلمة " حمش " سمعتها كتير قبل سنتين و لحد هلأ بسمعها كتير من وحدة من رفقاتي ... كنت كتير ابتسم وقت اسمع هالكلمة منها و رفيقتي وقت كانت تقولها كانت تقولها بطريقة محببة و حلوة كتير ... و كانت تردد دائماً أنها بتحب الشب " الحمش " *sla

و كانت توصف الشب الحمش بأنو الشب القبضاي , بس مو القبضاي ألي عقلو بإيدوا ها :mrgreen:

, المحترم كتييييير و ألي بغار على عرضو و بخاف على أهل بيتو , صاحب النخوة , و كانت تضيف صفة و هي " الشب الممتلئ الجسم قليلاً *sla

" ... و أنا من وقتها و حتى من قبل ما كنت أستهجن هالكلمة بالعكس كان وقعها عادي بالنسبة لألي :idea:

و الحلو أنو رفيقتي وقت ارتبطت قالتلي بأنو الحمد لله شب حمش متل ما بحب :mrgreen:

الملاك,

Citer:

طبعاً بالنهاية الصح أنو الرجل يعبي مركزو.... سواء رضينا أو لأ

حلو الكلام *ورود

شكراً كتير ل عزيزتنا بروين, على الموضوع الحلو *ورود

Lina · **Inscrit le:** 29 Mars 2007

بروين,
بظن انك ما عرفانة شو معناة كلمة حمش وعم تخلطيا مع صفات تانية :roll:

Citer:

* واذا كان بصرخ على الطالعة والنازلة بقولو عنو حمش

هادا أنا بسميه مبوجأ :mrgreen:

طبعا الحمش مالو علاقة بالصريخ نهااااااااااااااااااااائيا
الحمش هو اللي بتكون ردة فعلة قوية وغالبا نتيجة الغيرة وأنا هدول بموت فيون *sla

وعندي العائلة الكريمة كلون هيك *---

يعني في عندي أخوي الصغير اللي أصغر مني بشي 8 سنين وقت بعصب مني اني ضحكت بالشارع أو هيك شي بطير عقلي فيه وبحسو هو اللي اكبر مين ب8 سنين *sla

Citer:

واذا كان لازم يكون السي سيد او انو المرأة هي عبد عنده او هي الشخص يلي لازم يطيع دائما بدون ما تقول هيك او هيك

هادا للأسف مانو حمش :evil:

بعرف هيك نماذج وهدول أبعد ما يكونو عن الحمشية :mrgreen:

لأنو الحمش بالعرف عنا هو اللي بكون غيور كتير وطبعا أكتر من 95 رجال مجتمعنا هيك ولله الحمد بس هادا النوع تبع اللي بدو يتحكم فيا عالطالعة والنازلة ويتدخل بأدق تفاصيل حياتا فهادا بكون معو مرض نفسي اسمو (سي السيد) ويللي بينظر للمرأة نظرة على انها كائن أقل منو مرتبة ولازم ما يكون الها كلمة ولا حتى نفس تتنفسو الا بأذن حضرتو

Citer:

وشو هي صفات الرجل بنظرك ؟؟

انو ما يكون بحبني

Latest Posts

Règles du forum

الرجل الحمش