ثـــائـــر,
هلا برجوعك يا صديقي...
شهادتك بتهمني وبعتز فيها وأسئلتك قد ما كانت كتير بحبها
لأنو فيها تحليل كبير وفيها تقصي وفيها كتير أشياء بيعجز الكتير على انو يسألها..
Quote:
وين هالغيبة صرلك زمان ما اجيت عالمعهد ؟؟؟؟؟
والله مرضان ومالي خلق
إي بس هيك راح عليك كتير.. ورح تروح الشهر عليك ؟؟؟؟
ولك يا ستي 20 سنة راحو هيك... خليهن 20 سنة وشهر
1- كلنا بنعرف طموح أحمد الدالي يلي ما بيوقف عند حد و بنعرف تطلعاتو المستقبلية يلي مافي اتنين بيختلفو عليها و هلأ سؤالي هو انو معقول أحمد الدالي معتبر انو صرلو عايش 20 سنة بدون فائدة و لا معنى و معقول 20 سنة من عمرو معتبرهم و لا شي و مضوا بدون ما يحقق شي بحياتو .. هل عقلو و لاشعورو و شعورو بيسمحوا بهالجملة هاي ؟؟
أول شي هاي يومها كنت مسجل بمعهد وكن تبعان من مشكلة صارت معي وغبت كم يوم..فسألتني زميلتي وكان جوابي متل ما شفت...
ولازم تاخد بعين الاعتبار انو كانت هاي الجملة بموضوع الهلوسة
وهي ردة فعل قمت فيها لأني ماكنت رايق وقت يألتني هالسؤال..
وأنا بصراحة لليوم بحس حالي اني ما عملت اي انجاز حقيقي من يلي أنا بحبو
عملت انجازات باعالم الافتراضي وهاي عطتني دافع كبير كتير لتطبيقها بالأمر الواقع...وهالشي ما بتنازل عنو...وكمان ما بحس حالي اني نقطة عالشمال..
هو أنا ماني راضي عن هالجملة بس هاي الحقيقة يلي أنا مقتنع فيها..
وان شاء الله رح يكون في شي ملموس بالمستقبل..
Quote:
الحياة حلوة بس ما لازم نفهمها
2- مواضيعك و ردودك و أفكارك بتدل على انك فهمان الحياة صح و عرفان قيمتها و عرفان كيف تعيشها و خصوصا بالحلقات يلي كنت انت الربان تبعها في آرتين بس و انا عم اتصفح ردوك لقيت هالجملة و صرت فكر و قول انو معقول تعب احمد و يأسو في بعض اللحظات هو نتيجة فهمو للحياة صح بس انا بعرف انو الإنسان لما بيفهم الحياة بصير يعرف كيف يتأقلم معها و يعيشها و يخليها هي يلي تمشي وراه مو العكس .. يا ريت توضحلي أكتر ؟؟
دائما بتخطر ببالي هالجملة وبتتردد على اسماعي..
ومتل ما قلتلك على العالم الافتراضي عملت انجازات وعشت فيها متل ما بحب أنو كون...
مشكلتي بالحياة اني ما بطنش فورا ...لازم وقف ويمكن بعدها طنش بس بدون ما اقتنع بقاعدة الطناش...
كل رفقاتي يلي حواليي بقولولي كلمة طنش طنش طنش...بس عبس
هالشي ما بعتبروا يأس أبدا...بس بعتربوا عدم الرضا...
لذلك بشعر انو اذا بدنا نفهم الحياة مزبوط لازم نوقف عند كل نقطة..واذا وقفت عند كل نقطة بدك تتعب وما رح توصل لدرجة الرضا يلي بدك ياها وهالشي رح ياخد وقت طويل من عمرك...
أما اذا طنشت كل شي بالحياة وما فهمتها رح تلاقي الحياة حلوة بس بالنسبة الك...بس من قبل الأشخاص الأخرين رح تكون نظرتهن الك غير مرضية...
في كتير عالم عاملين السبعةو وذمتها ومبسطوطين بحياتهن بس نظرة المجتمع الهن سلبية...
Quote:
إذا أغلقت الشتاء أبواب بيتك
وحاصرتك تلال الجليد من كل مكان
فانتظر قدوم الربيع وافتح نوافذك لنسمات الهواء النقي
وانظر بعيدا فسوف ترى أسراب الطيور وقد عادت تغني
وسوف ترى الشمس وهي تلقي خيوطها الذهبيه فوق أغصان الشجر
لتصنع لك عمراً جديداً وحلماً جديداً وقلباً جديداً
3- هادا كلامك بإحدى قصائد أنس الدالي و يلي بيلفت النظر انو لقيتو متل الضو الساطع بين ردود يملأها الظلام و السواد يلي بتدل على غضبك و عدم رضاك عن هالحياة و كلها استهزاء و في منها وصل لحد اليأس ... يا ترى انت كتبت هالجملة مشان ترفع معنويات أنس و تأثر فيه بما انو غالي عليك كتير ...؟ او في جواتك مساحة كبيرة من الامل و التفاؤل بس ما بيظهروا إلا لما بدك تنصح الناس و تأثر فيهم و تخليهم يحبو الحياة ؟؟
بكل تأكيد وقتها كان أنس بوقت وذروة اليأس وكان يكتب هيك نوع من الخواطر..
كان بدي أعطيه أي ملمس ينهض من وراه لأنو غالي عليي وبهمني..
وهالجانب من الأمل والتفائل ما بحسن اني أعطيه لنفسي ابدا..بحب كل يلي حواليي يكونوا مبسوطين ولو اني من جوا ماني مبسطو.....وبعمل أي شي بقدر عليه وهدا واجبي ...
Quote:
4- الناس ما بتوصل لنجاح بدون المرور بمراحل فشل متلاحقة و أحيانا قاسية و طبعا رح يوقفو عند محطات من اليأس و الإحباط بس القوي و ذو الإرادة القوية هو يلي بيتجاوزها و بكمل ... يا ترى أحمد الدالي جرب الفشل المحبط و القاسي ؟ و إذا كان جوابك نعم يا ترى قدرت انو تتجازو و شو هو الإنجاز يلي حققتو بعدها ؟
أنا لليوم بصراع مع الفشل وأحيانا بشعر بالهزيمة..بس ما وقفت وتراجعت ..العكس دائما بسعى للتقدم...لهلق ما حققت يلي بدي يا من انجازات على ارض الواقع بترضيني..
Quote:
5- الحياة مراحل و كل مرحلة من مراحل العمر الها طعم مختلف .. يا ترى شو هو أحلى مرحلة مرت على أحمد الدالي خلال مسيرة حياتو لحد هاللحظة ( يعني مثلا إذا بتعطيني سنتين مميزات عندك ) و شو هي أسوأ مرحلة مرت بحياة أحمد الدالي ؟؟؟
سنتين مميزات مافي..في سنة وحدة وهي السنة الماضية...
عشت فيها أحلى أيام عمري..بس دفعت تمنها كتير..بس ما بندم..
لأني كنت عايش مع الإنسانة يلي بحبها عام دراسي كامل..
أسوأ مرحلة كانت هي مرحلة الطفولة لأني ما بعتبر حالي أخدت حقي بهالمرحلة ولا 1%.....ما كنت بعرف شي عن الحياة..بس وقتها يمكن كنت مبسوط
بس لما اختلف عليي الجو..اختلفت طريقة تفكيري..وصرت بعالم تاني..مشان هيك بعتبرها مرحلة جهل كبيرة كنت عايش فيها
Quote:
6- بمجتمعنا العربي في كتير أقوال و أمثال شعبية بتردد على مسامعنا و منتشرة بين الناس بكثرة .... يا ترى في مقولة بتسمعها و مانك راضي عنها أو لقيتها غير منطقية و مانها مقبولة ..؟؟؟
فاقد الشي يعطيه××××× بعتبرها مغلوطة كتير...مشان هيك عندي بديل عنها
فاقد الشيء يعطيه وبشدة
Quote:
7- من خلال ردودك حسيت انو المال يعتبر مشكلة بالنسبة الك من خلال نقصانو و طبعا انت عبرت عن هالشي بطريقة المزح و الفكاهة ... يا ترى المقولة المصرية يلي بتقول ( اجري يا بني آدم جري الوحوش غير رزقك مش حتحوش ) شو رأيك فيها ؟؟
المال ما عندي يا مشكلة...بس المشكلة فيي يمكن..بصرف كتير بس مابزعل على يلي بصرفو ابدا لأني مافيني صمد مصاري ابدا ابدا..لأني بحسب اذا بدي صمد ..بدي وقت كتير ليصير المبلغ محرز...مشان هيك ما بتعب حالي وهيك مبسوط...
بالنسبة للقول المصري من لهجتو مبين مغلوط...لأنو ممكن الانسان بدون ما يجري كتير يوصل لياخد تعب غيرو...
بس اذا بدو يجري بطريق سليم وشرعي أكيد ما بحوش غير رزقتو...
Quote:
8- كلنا بنعرف انو أحمد الدالي فنان بالتصميم و بالفوتوشوب ... طيب هلأ سؤالي الك هو ... إذا عطيتك ورقة و قلم و شوية ألوان و قلتلك بدي ترسملي لوحة بتمثل العالم العربي في مخيلتك و حالتو بالوقت الحاضر شو ممكن ترسم ؟
أنا بالرسم كتير فاشل..بس بالأفكار عندي كتير وبحب ارسم كاركاتير بس ما بيطلع بإيدي...
واذا خيروني ارسم الواقع العربي...
برسم قلم مكسور
Quote:
9- إذا خيروك أنو تكون رئيس لإحدى الدول العربية ... شو هي الدولة يلي بتختارها و ليش ؟
ولا دولة...
ولو كنت بطمح لهدا الشي..كنت بختار جمهورية مصر..لأنها من أكتر الدول العربية فيها بلاوي واختلاف الطبقات...ولأنها أكتر دولة عربية فيها عدد سكان كبير..لذلك بسعى للتغيير
Quote:
11- كل إنسان بمر بلحظات قاسية بحياتو و أحيانا بتكون مدمرة .. بدي تخبرني عن لحظات بحياتك حسيت فيها انو العالم كله ما عم يفهمك ؟؟
أنا بالأحوال العادية غالبا ما حدا بيفهمني ولا حدا بيتقبل طريقة تفكيري
بس مافي شي محدد لليوم سببلي عوائق بسبب عدم الفهم.. لأنو ما كتير بهمني فهم غيري الي اذا كنت على صح ومقتنع بالشي يلي بدي اعملو...
وأنا من الأشخاص يلي ما في حدا بيمنعني من فعل اي شي بدي يا. Quote:
12- رح اعطيك ثلاثة صناديق و بدي قلك انو تختار واحد منهم ..
الصندوق الاول : حظ
الصندوق الثاني : حب
الصندوق الثالث : مال
يا ترى شو بكون اختيار أحمد الدالي و ليش ؟
الحظ ما بآمن فيه ...والمال ما كتير بيعنيلي
أما الحب هو اختياري لأنو ما بيجي لا بالحظ ولا بالمال Quote:
13 - و أخيرا رح اسألك السؤال الأخير لهاليوم و هو انو بدي أعطيك صفات بشرية و نماذج و بدي منك تعطيني جملة لكل واحد منهم و بدي منك تتخيل انو عم يسمعك و توجه الكلام الو ...
الإنسان المتعالي .....لوين بدك توصل..رح تقع غصب عنك
الإنسان المثقف ...... ثابر على علمك ولو على حساب المال..بالعلم بتشتري المال بس ما بصير العكس....
الإنسان المحترم .... رح تكون انسان ناجح على جميع الأصعدة...
الإنسان الجاهل .... الجهل ما بيجي بالفطرة كلو من تحت ايدك..فاشل ولو شو ما عملتالإنسان الطموح .... رح تتعزب كتير بالحياة بس لا تتخلى عن طموحاتك وأهدافك
و أخيرا المجنون ... . يمكن تكون مبسوط بحياتك...بس بتضل مجنون..
ثـــائـــر,
استمتعت كتير بأسئلتك وناطر القافلة التانية منك