السلام عليكم :
أندلسية,
اقتباس:
ويعتبر التعلم في الصغر من أفضل سبل تطوير عمل الدماغ، فعندما يبدأ الطفل في تعلم اللغة تزداد قدرة المادة (السنجابية) في الدماغ على التمدد للتعامل مع مفرداتها، وبالتالي تزداد قدرة الطفل على إستيعاب معلومات جديدة من حيث حفظ الكلمات وطريقة نطقها، وهنا يبدأ الدماغ بمقارنة مفردات لغته الأُم مع مفردات اللغة الجديدة فيتسع أفق تفكيره بشكل كبير
رغم اني ما كنت كتير بأيد تعلم الطفل لعدة لغات من الصغر , و طبعاً لسبب هوي انو بكون صعب عليه و عالاهل
إلا إذا انوضع منهاج مدروس بناسب قدرات تعلم الطفل ووقته وبراعي صغرو .
لأن بصراحة ضد هالمناهج اللي عم شوفا من حيث الضخامة , يعني شوبدو العقل يستوعب ليستوعب .
بفضل نعطي مساحة للطفل حتى يلعب و ينمي جوانب تانية مهمة و ضرورية بنموه و نمو قدرة استيعابو للحياة
بتذكر - من بعض المقربين - وقت يبعتو ولادن الزغار عالمدرسة
بفرنسا يروحو يقضو تلات رباع الوقت لعب والربع الاخير للتعليم وحتى شي اسمو وظيفة بالبيت مافي , كلو هنيك بنعمل - يعني مراعيين تكوين الطفل بهالسن و شو اللي بدعمو و بينفعو .
مو كتب كتب و مناهج واقعود ادروس - بصراحة هيك بصفي التعليم و المدرسة للاولاد كابوس من كتر الضغط
بتمنى ما كون خرجت عن لب الموضوع بس ماني مع تعليم الاولاد لعدة لغات
مالم يتوفر طريقة و اسلوب مريحين الهم و للاهل .
و
اقتباس:
قال الباحثون إنّه عند الترجمة من لغة إلى أخرى يقوم الدماغ بعمليات معقدة جدّاً، إذ يستمع إلى الجُمل التي تصل إليه بلغة (أ) مثلاً وينقلها بذات معناها إلى اللغة (ب) ويتخذ قراراً بالكلمات المناسبة، وكل ذلك يتم في جزء من الثانية تكون الأجهزة العصبية فيها في أعلى نشاط، وكذلك الحال بالنسبة إلى الخلايا الدماغية.
الحقيقة الترجمة متعة اذا تعلمنا كيفيتا , وفعلاً هي مو عملية هينة و بتطلب محاكمات عقلية حتى الواحد يعرف يعبر بالكلمات و الجمل عن المقصود باللغة الأخرى .
اقتباس:
وخلص الباحثون إلى القول إن معرفة شيء ولو بسيطاً من لغة غير لغتك هي في حد ذاتها عاملاً إيجابياً.. فعدا عن كونها تنشط الخلايا الدماغية والأجهزة العصبية فإن مجرد إحساسك بمعرفة لغة أخرى يجعلك تشعر بالسعادة الداخلية، وهذا عنصر إيجابي.
معناها يا فرحنا وهنانا جماعة دارسي اللغات و طلاب الآداب بأقسام اللغة غير الام
عمقول لحالي هالذكاء اللي عنا فريد من نوعو عن بقية طلاب الكليات التاني
و
بصدق أقولها : انني ومنذ زمن أرى ان طريقة استيعاب طالب الأدب الانكليزي- او طالب الآداب بشكل عام - للامور بتختلف عن الآخرين .
هلأ و بعد ما قريت هالمقال العلمي شعرت انو ممكن يكون هاد هوي السبب
أندلسية أشكرك على موضوعك القيم