وين المشرفين , ليش ما عم يردو , الاستفسار كتير ضروري عن مفاضلة الماجستير و الدبلوم التخصصي

Equilibrium · **Posted:** Thu Oct 27, 2011 12:54 am

يا شباب لا تواخذوني أكيد تقلت دمي كتير بس عنجد هالموضوع مصيري شوي بالنسبة إلي
بدي إجابة تكون مية بالمية صحيحة
هل صار فحص معياري و ليش ما حطو إعلانات عاموقع الجامعة و ليش نتائج المفاضلة ما طلعت
يعني والله ما بعرف الرجاء الرد لأنو ردولي خبر إنو صار فحص معياري ب 25 الشهر يعني راح عليي
حسب حكي أحدى الزميلات فياريت حدى من المشرفين يقلنا و يأكدلنا الأخبار رجاءً لأني فتحت عاموقع الجامعة الرسمي بس ما في أي خبر ولا من شهر عن الفحص المعياري أو عن نتائج مفاضلة الماجستير و الدبلوم التخصصي
رجاءً ردو و لكم كل الشكر سلفاً

عاشقة العربية · **Posted:** Thu Oct 27, 2011 1:16 am

الامتحان كان بـ 25 الشهر، وعادة نتائج المفاضلة بتطلع بعد بأسبوعين، هيك صار بالسنة الماضية.

أما نتائج الفحص بتطلع قبل هالأسبوعين، بحيث بتنجمع العلامة مع المعدل وبتتقسم ع 2 ليتكون معدل التفاضل.

موقع الجامعة، نايم شوي :arrow:

عوضك ع الله .
يعني بدك تستنى للنشوف لو رح ينزل شي.

بالتوفيق.

reham.katmah · **Posted:** Thu Oct 27, 2011 5:44 am

الاعلان عن موعد الامتحان نزل بالاعلان الرسمي مع شروط التفاضل وهل قصص بس يظهر انك ماقريت الاعلان للاخر

Wissam · **Posted:** Thu Oct 27, 2011 2:34 pm

Equilibrium,
أخي الكريم بإعلان المفاضلة اللي صدر من حوالي 20 يوم كان في بند عن موعد الامتحان المعياري اللي صار ب 24 الشهر الجاري وبعدو ب 25 الشهر صار امتحان ماجستير التأهيل والتخصصبس بجوز انت ما انتبهت وما قرأت الإعلان مزبوط.
بالنسبة للنتائج ف عالأغلب هالسنة ما رح يطالعو نتائج الفحص ورح تطلع نتائج القبول مباشرة على موقع الجامعة بآخر الأسبوع الجاي والله أعلم (حسب حكي موظف بالادارة المركزية).
عوضك ع الله وانشالله بكون الك خير ب شي تاني

Equilibrium · **Posted:** Fri Oct 28, 2011 12:00 am

هلق إذا فيني قدمو السني الجاي مو مشكلة
بس أنا عتبان عليكن كتير لأنكن خيبتولي أملي يعني أنا ما انتبهت
عاقصة الإمتحان و أنا من خارج حمص و إلي حوال اسبوع بسأل بالموقع و ما حدى رد عليي
يالله يمكن نصيبي ما قدم عالماجستير هالسنة و خلص راحت عليي على ما أظن لأني أكيد صار بدي أخدم جيش
فما رح يصحلي قدم ماجستير لأا السنة الجاي ولا اللي بعدا
حسبنا الله و نعم الوكيل
يالله شو الواحد بدو يعمل يعني أقسم بالله يا شباب أني قريت الإعلان شي عشر مرات بس صدقوني
ما شفت أي شي عن الفحص و كأنو كان معمي عا قلبي
شكراً

الملاك · **Posted:** Fri Oct 28, 2011 1:05 am

Equilibrium,
والله انزعجت عليك .... وما قدرانة ما رد
بس يا أخي فعلاً متل ما أنت عم تقول ... الله اللي ما كاتبلك نصيب تسجل بالماستر وإلا كنت انتبهت عالإعلان اللي كان بين إيديك

أنا ما بزعل من قضى الله بس والله الواحد بينقهر كيف الشي كان قدام عيونو وما شافو

الحمد لله على كل حال
الله يعوضك بالأحسن انشالله... وعنجد عم قلك اياها ... لأني طالبة ماجستير وسدقني بعد وصلتلو اكتشفت أنو مانو هالشي الرائع وخسارة سنين من العمر

Wissam · **Posted:** Fri Oct 28, 2011 1:51 pm

Equilibrium,
أخي الكريم كلنا أكيد منحب الخير لجميع الزملاء وزعلانين إنو ما عرفت بقصة الفحص وما قدمتو بس من بعد إذنك شغلة إنو خيبنا أملك لأنو ما ردينا هي بدك تسمحلي فيا لأنك غلطان وهلأ رح أثبتلك هالشي:
أولا موضوع الفحص المعياري بالذات إلو أكتر من شهر ونص بينحكى في بالموقع وهي مشاركة من الأخت منارة عم تسأل في عن الفحص المعياري وكان سؤالا بتاريخ 20 / 9
منارة wrote:
يا جماعة يلي قدم الفحص المعياري السنة الماضية و نجح يخبرني شو درس و ع شو اعتمد بدراستو
الفحص قرب و بقولو لاأسئلة صعبة كتتتتير

و كمان يلي بيتذكر أي شي من الأسئلة ضروررررررررري يشارك ومشكورين سلف

كان ممكن ببساطة تسأل شو هادا الفحص المعياري؟ على كل هادا دليل ضعيف ما مشكلة.

يوم الجمعة بتاريخ 21 / 11 حضرتك طرحت هادا الموضوع
Sorry, you have to register to see the link If you are a member, just sign in
قلت في إنك سجلت بالمفاضلة على ماجستير الدراسات العليا والتأهيل والتخصص وسألت في عن إنو إذا إلن فحوص أو لأ وإجاك بدل الجواب 2
الأول كان من زميلتنا عاشقة العربية بنفس اليوم
عاشقة العربية wrote:
عزيزتي الامتحانين في إلهم امتحانات مأتمتة ..
بيزيد التأهيل والتخصص بالامتحان الشفوي.

أوقات هالامتحانات بتتحدد فيما بعد وبيعلنو عنها.
وما بتطلع نتيجة المفاضلة لتطلع نتائج هالامتحانات.

بالتوفيق.

والتاني واضح ومفصل جدا من الزميلة زمرة باليوم اللي بعدو
زمردة wrote:

[b]paradise,
وعليكم السلام ورحمة الله وبركاته
بضيف على اللي تفضلت فيه عاشقة العربية إنه موعد الامتحان الكتابي لماجستير التأهيل والتخصص هوي الساعة 11 صباحا يوم الثلاثاء 25/10/2011 والامتحان الشفهي يومي الخميس 27/10 والأحد 30/10 بس لسا ما تحدد المكان ...

امتحان اللغة الانكليزية للقيد في درجة الماجستير صار من تاريخ 2/10 بالإضافة للامتحان المعياري يوم التنين بتاريخ 24/10/2011 الساعة 11 حسب ما ماوارد بالإعلان

بالتوفيق إن شاء الله

ولسا بعدو رد واضح أكتر كمان من الزميلة زمردة الله يجزيها الخير:
زمردة wrote:

[b]paradise,
الامتحان المعياري للدراسات العليا ... ومجرد ما تكوني حاطة رغبة من رغباتك ماجستير دراسات عليا بيندرج اسمك ضمن قوائم المتقدمين لهالامتحان ...
الأسئلة كلها مؤتمتة ...
لسا ما تحدد مكان الامتحان بيتحدد قبل بيوم أو يومين وبيتزل أسماء الطلاب ... وعلى الأغلب بنزلوهم عالنت ...

لو حاطة برغباتك ماجستير تأهيل وتخصص لازم تقدمي على الامتحان الخاص فيه وكذلك الأمر بالنسبة للدراسات العليا ..

بالموضوع التالي في تفاصيل بتفيد لنمط الامتحانات
Sorry, you have to register to see the link If you are a member, just sign in

وهي روابط الإعلان:
Sorry, you have to register to see the link If you are a member, just sign in
Sorry, you have to register to see the link If you are a member, just sign in

بالتوفيق إن شاء الله

[/b]

بما معناه إنو الردين إجوك قبل الفحص المعياري بيومين...

رجعت حضرتك سألت يوم الأحد ب 23 \ 11 بهادا الموضوع
Sorry, you have to register to see the link If you are a member, just sign in
إنو إيمت بتطلع النتائج؟
جاوبتك الأخت رهام بنفس اليوم الساعة 1 صباحا (يعني ليلة الاثنين اللي هوي يوم تقديم الفحص المعياري) التالي:
reham.katmah wrote:
نتائج المفاضلة بعد الفحص المعياري طبعا لان المعدل النهائي هو علامة الفحص+المعدل العام للاربع سنوات تقسيم 2.....والله يستر من علامة الامتحان...دعولنااااا

بقا ببساطة كان ممكن تسأل شو هادا الفحص المعياري وإيمتا؟

هادا طبعا غير إنو مكتوب بالإعلان تبع المفاضلة ببند واضح جدا.

أخي الكريم كتير من الأعضاء بيسألو ما بحبو يتعزبو ويدورو بمواضيع معينة عن شغلات بتهمن بقا هالشغلة ما يتكون مسؤوليتنا نحنا لأنو اللي بدو شغلة أنا بعرف إنو لازم يدير بالو وينتبه على كل شاردة وواردة بتخض موضوعو.

ممكن تكون ما اتبهت عكل هالشغلات وبالتالي هادا نصيبك وهيك بدو رب العالمين بس إنو تجي وتحط الحق علينا بعد كل هالشي ف هي شغلة معلش بدي ناقشك فيا وإذا أنا غلطت قلي هالشي

على كل الله يوفقك وبجوز سبحانه وتعالى شايفلك الخير بشي غير الماجستير.
بالتوفيق انشالله وتقبل مداخلتي

Odysseus · **Posted:** Fri Oct 28, 2011 9:29 pm

Equilibrium

أخي العزيز .. رد الزميل وسامو كان كافي بظن .. بس مع ذلك بدي أكدلك على شغلة ..

أنو المشرف اسمو مشرف لأن شغلتو يشرف عالقسم بشكل عام .. يعني هاد ما بيعني انو هو مسؤول عن كل الإستفسارات بالمنتدى .. ممكن يكون ما بيعرف الجواب على سؤالك .. و ممكن يكون مشغول لأنو هو طالب متلو متلك .. المنتدى هو لكل الطلاب .. يعني مسؤولية الجميع .. كلنا بنتساعد مشرفين و اعضاء .. بقا شلي هالفكرة هي من راسك الله يرضى عليك ..

و ان شاء الله خيرا بغيرا .. اذا ما زبطت معك هي السنة بركي السنة الجاي بتزبط .. بتمنالك التوفيق

Bright Diamonds · **Posted:** Fri Oct 28, 2011 9:46 pm

Equilibrium
لا تزعل."عسى أن تكرهوا شيئا وهو خير لكم"
لا تيأس ولا تستسلم,في كتير حلول منها مثلا فيك تسجل بالتعليم المفتوح
أو ,انا سمعت انو في بكلية العلوم تسجيل تابع للجامعة الخاصة للدراسات العليا
وكتييير حلول فكر شوي :wink:

Equilibrium · **Posted:** Fri Oct 28, 2011 11:41 pm

لا تواخزوني بس أنتو مانكن حاسين فيي و شو صار فيي يعني عنجد انجلطت
و حكيي كان يمكن نتيجة انزعاج شديد عاللي راح عليي و أكيد انتو بتساعدو الناس بس هادا اللي صار
أنا سجلت بمفاضلة التعليم المفتوح حرصا على أنو إذا ما طلعلي ماجستير يكون فيني قدم عالتعليم المفتوح و هالشي صار بس رحت لجيب شهادة البكلوريا من الشؤون بس قالولي تعا بعدين و يمكن حاسس ما رح يعطوني ياها و إذا هالشي صار فعالأغلب ما رح فيني سجل تعليم مفتوح
أكيد أزعجتكم بالحكي و أنا بكرر أسفي عالشي إذا كان فيه أي نوع من الإهانة إلكن
بس حطو حالكن محلي كيف رح تحسو هل بتنبسطو ولا بتنزعجو بس هيك
شكراً جزيلاً و بكرر أسفي

Latest Posts

Forum rules

وين المشرفين , ليش ما عم يردو , الاستفسار كتير ضروري عن مفاضلة الماجستير و الدبلوم التخصصي