..: محل ما ضيع القرد ابنه:..

أحمد الدالي · **Publié:** Jeu Août 19, 2010 4:47 am

دمشق القديمة

من الجميل أنك ذاهب لمكان تعرف أنك ستضيع فيه، والأجمل أنك ستحب هذا الضياع، متاهات عشقية بزخرفة تراثية، ما إن تتواجد في هذا المكان، حتى تستفزك أزقته بالمضي قدماً، حاول ألا تستنجد بسؤال أحد الأهالي القاطنين هنا، جرب أن تمتص دهشتك، واستمتع بعالم الدهاليز.

"مكان ما ضيع القرد ابنه"، لقب طريف بعض الشيء لإحدى حارات "دمشق" القديمة، وتحديداً "باب السلام"، تدفعتنا لرحلة بطلتها المغامرة.

هذه الحارة ضمن سور "دمشق القديمة"، وتسميتها كانت نتيجة تشعبها وانقسامها لأزقة ضيقة جداً، ومتشابهة ومتداخلة ببعضها البعض، فالغريب عنها لا يستطيع الخروج منها إلا بعد مضي وقت وهو يبحث عن المخرج، ومنهم من يقول أن لا وجود لمثل هذه الحارة وإنما هي أسطورة أو مثل شعبي قديم»

هذه التسمية صالحة لكل حارات الشام القديمة، من حارات "باب توما" إلى "القيمرية" إلى "باب السلام" إلى "ستي زيتونة" إلى "العقيبة"».

وعندما تسأل البعض عن سر التسمية تكون الاجابة «الآن أنت هنا، هل تعرف كيف ستخرج؟».

إذاً حارات "دمشق"، تحتفظ بأسماء قديمة لها أو جديدة، وكثيرة هي الأزقة التي تحتفظ بألقاب متداولة بين العوام، حتى اقتنع الزقاق ولبس لبوس هذا الاسم، ولا سيما أنه لا يملك غير أن يتأقلم معه.

والمثير للاهتمام أن أبناء المنطقة اعتادوا على مصادقة هذه الوجوه المتفاجئة دوماً، مخفين ابتساماتهم عن أشخاص غرباء عن حارتهم، .

ساحة "باب توما"، بناء على الاتفاق الذي نعقده قبل بدء هذه المغامرة، حيث نحدد مكاناً ثابتاً نلتقي فيه في حال ضعنا كما ضاع القرد في حارته.

اسال وماتضيع

الاطفال حفظوها عن ظهر قلب

جميع ازقة الحاره متشابهه تماما

مع أجمل التحيات الشامية لكم جميعاً...

فــلـك · **Publié:** Dim Août 22, 2010 9:13 pm

أحمد الدالي,
يعني بس بدي افهم لش كل هاد طاير عقلكن بالشام...
والله نحنا عنا محلات اذا ضاع الواحد مابيطلع منها...
يعني الشام حلوة ما اختلفنا....بس انا مابحبها..
عجقة كتير...وزحمة...وشوب...
يمكن مايعجبك كلامي... بس بحصة بتمي وبدي احكيها..
تقبل مروري..

ornament-z · **Publié:** Dim Août 22, 2010 9:43 pm

والله الشام حلووووووة وعم تغلي غلي هو مظبوت فيها عجقة وزحمة بس فيها حياة وحركة :wink:

أخي أحمد ياريت تنزلنا موضوع عن جبل قاسيون مع الصور إذا مافيها سئلة

أحمد الدالي · **Publié:** Lun Août 23, 2010 3:32 am

فــلـك,

Citer:

يعني بس بدي افهم لش كل هاد طاير عقلكن بالشام...

أمر طبيعي جداً :wink:

Citer:

والله نحنا عنا محلات اذا ضاع الواحد مابيطلع منها...

هون الاختلاف.. :wink:

...عنّا إذا ضاع بيطلع منها :mrgreen:

Citer:

يعني الشام حلوة ما اختلفنا....بس انا مابحبها..

مشكلتك

Citer:

عجقة كتير...وزحمة...وشوب...

أحلى ما فيها....

Citer:

يمكن مايعجبك كلامي... بس بحصة بتمي وبدي احكيها..

لا عادي جداً...بيعجبني وعلى العين والراس..المحبة مو بالغصب... :wink:

Citer:

تقبل مروري..

بكل سرور...نورتي...بس ما فيني ما كمل عن الشام..زلسا المسرة طويلة
ومبارح قاعدين((كبار شخصيات آرتين)) بباب توما..جنب توقيعي :mrgreen:

وكنا عمنحكي بموضوع رح نجددو عن الشام لأنو هداك مفصل من زقاق الجن ل محل ما ضيع القرد ابنه .. :mrgreen:

ornament-z,

مية مرحبا فيكي...

...ومشان موضوع قاسيون هو جاهز:
ان شاء الله يعجبك...

Désolé, vous devez vous inscrire pour voir le lien Si vous êtes membre, il suffit de signer po

فــلـك · **Publié:** Lun Août 23, 2010 9:14 pm

أحمد الدالي,

Citer:

هون الاختلاف.. ...عنّا إذا ضاع بيطلع منها

عن جد ضحكتني...

Citer:

ومبارح قاعدين((كبار شخصيات آرتين)) بباب توما..جنب توقيعي وكنا عمنحكي بموضوع رح نجددو عن الشام

ييي ماشاء الله عنكم...
حاسة حالي بمسلسل باب الحار...وكبار شخصيات وعضاوات..
بس مع هيك...
مابحبها...

فادي · **Publié:** Lun Août 23, 2010 10:24 pm

فــلـك,

انتي الخسرانة لانو الي ما بيحب الشام بيخسر كتير

واسألي الشاعر الكبير نزار قباني " الله يرحمو " بقلك :

هَذي دِمَشْقُ.. وهَذي الكَأْسُ والـرَّاحُ
إنّي أحبُّ... وبَعْـضُ الحُـبِّ ذَبَّـاحُ

أنا الدمَشْـقِيُّ .. لَوْ شَرَّحْتُمُ جَسَـدِي
لَسَـالَ مِنْـهُ عَنَـاقِيـدٌ.. وَتُـفَّـاحُ

وَلَـوْ فَتَحْـتُمْ شَـرَايينِي بِمِدْيَـتِكُـمْ
سَـمِعْتُمُ فِي دَمِي أَصْوَاتَ مَنْ رَاحُوا

زِرَاعَةُ القَلْبِ تَشْفِي بَعْضَ مَنْ عَشِقُوا
وَمَا لِقَلْبِي ـ إذا أحْبَبْـتُ ـ جَـرَّاحُ

عاشقة العربية · **Publié:** Mer Août 25, 2010 12:38 am

رح يصير انقلاب حمصي شامي هون

ع كلٍ أنا بتفق مع فلك بهالموضوع، وبلاقي حموصتنا أروق وأحلى
والشام على عيني وراسي بس حومصتي بقلبي

منرجع للقرد اللي ما لقى ابنو
ما كنت بعرف انو في هيك شي وبعتبر حالي عرفت معلومة جديدة

هلأ يمكن بحمص بحارات باب تدمر وباب الدريب يلتقى هيك شي بس ما بعرف إذا بيلتقى ابنو للقرد ولا لأ

تحياتي للجميع شامياً كان أم حمصياً