اليـــــــــوم الـمــــــديـــر فــــارس الــنــــائـــــــب في مـطبـــخ آرتـيـــن...^^

فــلـك · **Posted:** Wed Aug 11, 2010 3:03 am

أول شي كل رمضان وانتو بألف خير.... وان شاء الله كل سنة وأنتو سالمين ياارب..

بما انو هلأ اجى رمضان...يعني رجعت السفر الرمضانية المليانة بالمقبلات والأكلات واللحوم والعصائر.....الخ..

وبما انو نحنا بأرتين...عيلة وحدة...فمن الضروري يكون النا مطبخنا الخاص....

فكرة الموضوع:

1-كل يوم رح نستضيف شيف جديد...سواءاً عضو..او عضوة..مشرف او مشرفة...مراقبة عامة...او مدير...

2-مهمة الشيف انو يطبخلنا طبخة جديدة... والشرط انهامو معمولة سابقاً... وطبعا هي الطبخة بدها تكون من ابداعو الخاص... يعني مابدنا موضوع نسخ لصق..

3-بعد ما يطبخلنا الشيف هالأكلة...نحنا مهمتنا ندوق.. .ونكتب اذا عجبتنا هالطبخة وحبيناها او لاء ...وطبعا مابدنا مجاملة ابداااا...

واليوم ....

رح نفتتح مطبخنا مع شيفتنا الشهيرة.......

لــجــــــــــــــــــــــــــــــين.....

يلا يا ام اللول.....فرجينا مهاراتك بالطبخ....وخلينا نشوف اذا بتصلحي تكوني ربة منزل ....ام مراقب عام فقط...

أحمد الدالي · **Posted:** Wed Aug 11, 2010 3:08 am

أنا بحب هالحكي....

يلا بانتظار الطبخة من مراقبتنا الكريمة..الجوع هلكنا

Mazen Aloush · **Posted:** Wed Aug 11, 2010 3:13 am

موضوع حلو والله :mrgreen:

وخصوصاً برمضان بس أنا برأيي يصير بعد الإفطار منشان ما نشتهي كتير عالأكلة ونضطر نفطر *خوف

لجين · **Posted:** Wed Aug 11, 2010 3:27 am

صباح الخير جميعا وينعاد عليكن بالخير والبركة يارب....بما انو بكرة اول يوم رمضان فحابة آكل أكلة بحبا...وبدي ياكم انتو كمان تجربوها...هي مو غريبة بس بتختلف طريقة التحضير من شخص لآخر :mrgreen:

ماشاء الله المطبخ واسع ومريح وفيه كل التجهيزات الله يعطيكي العافية فلك...وهلأ رح نبلش ركزوا معي منيح وجهزوا ورقة وقلم *hh

نبدأ المواد اللازمة :

شرائح عجينة معكرونة اللازانيا المصنوعة من سميد القمح القاسي
جبنه صفرة مبشورة
زبدة لدهن الصينية

مكونات صلصة اللحمة :

أربع ملاعق كبيرة زيت زيتون
حبة بصل مفرومة ناعماً
نصف ملعقة صغيرة ثوم
حبة فليفله خضراء مفرومة ناعماً
حبة فليفله حمراء مفرومة ناعماً
حبة جزر مبشورة
فطر شرحات
نصف كيلو لحمة مفرومة
أربع حبات بندورة وسط مقشرة و مفرومة ناعماً
مكعبان ماجي
ملعقة صغيرة بهارات مشكلة
نصف ملعقة صغيرة قرفة
ملعقتان طعام معجون الطماطم
نصف ملعقة صغيرة دبس
فليفلة

مكونات صلصة البيشاميل :

ستة أكواب حليب
ستة ملاعق طحين أبيض
ملح و فلفل أبيض
ثلاث ملاعق زبدة

تحضير صلصة اللحمة :
- نقلب البصل و الثوم بالزيت ثم نضيف الجزر و الفليفلة و الفطر و نقلب . ...يممممم مأطيب الريحة...سمايل يضحك..

- نضيف اللحمة و نقلب حتى تتلون و يصبح لون اللحم بني ويختفي اللون الأحمر و نتبل بالبهار و القرفة ثم نضيف البندورة و ماجي و الدبس و شوية ماء و ندعها على نار هادئة مدة ربع إلى نصف ساعة حتى تجف نوعاً ما

- نرفعها عن النار^^

تحضير صلصة البشاميل :

لما بتكون صلصة اللحمة على النار بتستغلو الوقت بما انو وقتكم ثمين جدااا.. وبتعملو شو يا حزركم؟؟؟؟ بتعملو البشامييييل.. .

- نخفق كوبان من الحليب مع الطحين حتى تختفي كتل الطحين.. .

- نغلي باقي الحليب مع البهارات حتى تمتزج المواد بشكل جيد .

ياااخ الريحة فظييييعة..^^

- نضيف مزيج الطحين للحليب بشكل تدريجي مع التحريك المستمر حتى يغلي الصوص و يبدأ المزيج بالسمك و ندعه مدة 5 دقائق على نار هادئة.
لاتنسوه...مشان مايحترق لانو بيلزق بسررعة..

- نضيف الزبدة و نحرك و تصبح الصلصة جاهزة .

- أو يمكن أن نعمل البيشاميل بالطريقة العادية و هي أن نحمص الطحين بالزبدة ثم نضيف الحليب بالتدريج ....هي اسهل..^^

تطبيق الوصفة :

- نستخدم أوراق اللازانيا بدون سلق .

- ندهن صينية بيركس بالزبدة و نغطي قاعها بالبيشاميل ونصف فوقه ورق اللازانيا و نغطيها بصلصة اللحمة و فوقه صلصة البيشاميل و نرش الجبنة و نكرر العملية

- ثم نغطي الوجه بأوراق اللازانيا و بعده صلصة البيشاميل و أخيرا نرش الوجه بالجبنة المبشورة

- تخبز في فرن 180 في الطبقة الوسطى من الفرن مدة 30 - 45 دقيقة حتى تنضج .

أما أسرار نجاح اللازانيا : وهي سر...يعني ماتقولوه لحدا..

أهم سر نترك اللزانيا كم ساعة قبل وضعها بالفرن , و إذا عملناها قبل بيوم بيكون كتير منيح لأنو ورق اللازانيا بيشرب من الصلصة و بتكون النكهة أطيب

ثاني سر : لاااازم ندهن الصينية بالزبدة و الثوم المدقوق كمان بيعطيها نكهة طييييبة..

السر الثالث : منرش على وجه الصينية كعك مطحون ( بقسماط ) لإضافة القرمشة على اللازانيا .

ورمضان كريم ^^

سحر · **Posted:** Wed Aug 11, 2010 4:19 am

اييييييييييييييييه شو هاد يا معلم عم قول ريحة اللازنيا فايحة بآرتين من أول ما وصلت تاري الشيف المراقب عم يطبخ
مافي داعي تعزمني ماني غربية
يسملو ايديكي

ميرا · **Posted:** Wed Aug 11, 2010 10:33 am

شو طيبة يسلم ايديكي *Hi

العربية · **Posted:** Wed Aug 11, 2010 2:24 pm

فــلـك,
شو هالموضوع الحلووووووووووو حبيتو كتير
بس أنا برأيي نعززو بالصور ...يعني مثلا صورة المطبخ وصورة الطبخة
حتى نندمج أكتر ويستقطب الموضوع مشاهدين أكتر لأنو ممكن حدا يحط طبخة
ماتكون مألوفة كتير ولو تكون الصورة مأخودة من النت

لجين,
بتجنن
أما ولامرة عملتا للازانيا بعمل مكرونة بالبشميل
بس بدي آخد مقاديرك وجربا
شكرا شيف لجين عالوصفة ...مزوووووووقة بانتقائا
وأكيد كل الصبايا بحبو المكرونة