بعتزر عالتأخير
أنس الدالي,
اقتباس:
أول شي وقبل ما أبدأ بوضع أسئلتي الصعبة بحب قدملك فنجان شاي مشان تجاوبي عليها وأنت رايقة ونسيانة بطىء النت الي عندك الي دايمآ بكونك متوترة منو
اي والله بدا فنجان قهوة .... ريتن يسلمو هالديات والله
رح اشرب القهوة وبلش .. باسم الله نبدأ ...
اقتباس:
-أي شعر بتحبي الحديث ولا القديم ولو طلبت منك تقيمي أشعار نزار قباني
بشكل عام شو بتحكيلنا عنها
لكل نوع طابعه ... لكن للشعر القديم جماليته وطابعته وتأثيره الخاص
أما عن شعر نزار قباني ... نزار شاعر كبير له شعره ودواوينه ومحبيه أيضا ... فلا أنا ولا أنت من نقيم نزار
أما عن رأيي فلست من عشاق نزار ... وهذا لايعني أني لا أقرأ له شيئا ...ولكن لا أحب وصفه للمرأة ولا الاباحية الزائدة في شعره ولا تطاوله ...
اقتباس:
2- معظم ردودك هون بالمنتدى بأرتين كافيه شو سر أعجابك بهالقسم ومحبتك لألو ..؟
من اسمه ..كافيه
فرفشة وضحك وفشة خلق
بس هاد ما بيعني انو اكتر قسم بحبو
اقتباس:
- بتابعي قسم بوح المشاعر لكل من يكتب به ولا أوقات من بتشوفي الاسم بتهربي وشو هي أحلى خاطرة مرت عليكي ولمين..؟
أبدا أنا مو من هالنوع اللي بشوف الاسم فبينقر عالموضوع ..... وبالنسبة لبوح المشاعر بتابع كل شي فيه تقريبا ... أما أحلى خاطرة : فهناك العديد من الخواطر الرائعة
"قمر وبحر" "امرأة شرقية" وغيرها ....
اقتباس:
- أذكري أرتينية هون بالمنتدى بتحبي كتاباتها بمجال الشعر وليش..؟
في أكتر من آرتينية ... إما لأن كتاباتهن تنقل واقع أو مشاعر صادقة أو موزونة تعبر عن شخص متمكن بالكتابة
هدى ...صفا .... مون لايت .... تيماء....
(شوبدي عد لعد )
اقتباس:
وأرتيني كمان بتحبي كتاباتوا هون بالمنتدى وشو سبب محبتك لألها ..؟
كمان في كتير آرتينيين موهوبين
لهم كتابات أكثر من رائعة ...
ابراهيم ... شادي... أنس... أحمد الدالي ... صفوة ....سليمان ...
( هدول اللي متزكرتن )
اقتباس:
5- مين بتفضلي أكتر الخواطر الحزينة الي بتنكتب من وراء جرح بالقلب ولا خواطر الغزل والوصف للحبيب ..؟
الحزينة ... ولدينا ببوح المشاعر شاعر يكتب أشجى المشاعر واللي هوي شادي
كتاباتو راااائعة
اقتباس:
لهون بكفي اليوم وأكيد النا رجعة تانية مع أسئلة في مجال الحياة
ميييييييييية هلا
Habooosh,
يــــــــــــــــا هلا والله
اقتباس:
بدي تخبريني عن موقف صار معك خلال عملك هي السنة بمجال التعليم
مممممممم ..... صار معي مواقف خيرات الله
مابعرف عن شو بدك احكي بالزبط .... اسمعي هالقصة ...
بيوم من الأيام عم أعطي درس عند صف سابع ولاد فتطرقنا لموضوع التدخين ... وحكينا عالمضار وهيك شغلات ...اجيت سألت الطلاب حدا فيكن يا شباب بدخن
.. قالوا لاء ... أكيد يا شباب
... قام نط واحد من هالعفاريت وقال ... مس أنا بعرف مين بدخن من اولاد الصف ...بس انا ما بخون رفقاتي وبحكي
قلتلو لا تخاف ما بحكي لحدا وعليك الامان
وبعد ساعة من التردد وعصر الكلام وسحبو من تمو قال والله فلان وفلان وفلان (طلع شي 7 بدخنوا ... وصار كل واحد يعترف وانا اسمع ... (يبدو حسوني بتأمن عالاسرار ومعلمة فري:mrgreen: ) قاموا قالولي ... بدنا نقلك ع شغلة ما بتقولي للأخصائية ... قلتلن لاء ... قال نحنا اليوم بدنا نكسرلا بلور سيارتا لانها ما عم تطالعنا رحلة
طلعت من الصف وبوشي عالاخصائية خبرها
كمان أنا ما بحب خون رفيقتي
تسلميلي حبيبتي
شرفتي
sleman alhasan,
اقتباس:
مرحبا كيفك
انشاء الله مرتاحة عكرسي الاعتراف
أهلا أهلا
اي والله قعدة من العمر مع نت ومنتدى متوقفين
اقتباس:
شو اكتر نوع ورد بتحبيه وليش؟
بحب أكتر من نوع ... بس الروز (الجوري) احلى شي .. بحسو لغة بتحكي حالها لحالها
وبحب كمان التوليب ... بحس وردة التوليب رقة ونعومة
وأخر نوع الأوركيد ... بحب شكله ولونه
اقتباس:
بتحبي التناقض بالنفس بغض النظر عن الأفعال وهل بتعتبريه ضعف شخصية ام مجرد تغيير؟
بشكل عام لا أحب التناقض او التقلب ....
اما ان كنت تقصد بالتناقض في حالة نقاش ... فلا أعتبره تناقض وانما تغيير وجهة نظر ربما بسبب الاقتناع بوجهة نظر أخرى فنحن نكبر وتزداد خبرتنا هكذا
وأيضا نتغير وتتطور شخصياتنا من يوم ليوم لعدة اسباب منها السفر أو اكتساب خبرة أو ربما عمل
فأنا اليوم أختلف عني منذ سنة
وربما أنت اليوم تختلف عنك منذ أسبوعين ..
اقتباس:
شو مفهوم الحياة بنظرك؟
الحياة هي العمل وبذل المستطاع لتحقيق طموحاتنا وأحلامنا ... أن نعمل وفقا لمبادئنا وديننا ...
أن نعبر ونقول عن شي من الذي بداخلنا وما يجول بخواطرنا لنتعلم ونستفيد من الاخرين وتزداد خبرتنا وتصقل شخصياتنا
اقتباس:
بتتوقعي انو الانسان بيوصل لمرحلة انعدام معرفة الخير؟
لا.... مهما كان الانسان سيء ومتغطرس سيمر في لحظات قليلة وربما نادرة تتغلب عليه فطرته ويعرف الخير ويعرفه
اقتباس:
وانشاء الله بترتاحي باسئلتي
أسئلتك حلوة ... ومييية هلا