الــيــوم ( العقل زينة ) على كرســي الاعــتــراف

Hidding Rose · **Posted:** Fri Mar 20, 2009 1:50 am

العقل زينة,
*Hi

مرحبا أخي ...

عندي كام سؤال خفاف نضاف ....

1- من هو الشخص الذي تعتبر نفسك مدين له ؟ و لماذا ؟

2- ماهي أجمل لحظات حياتك ؟ و متى يكون علاء في قمة سروره ؟

3- ماذا يعني لك :
* المطر
*الورد
*البحر
* الروتين
* الأمل

4- طلب منك شخص غير سوري ان تحكي له عن سوريا قليلا .... ماذا ستقول؟

5- ما هو أكثر شيء يسبب لعلاء الاحراج؟

6- هل تؤمن بلغة العيون ؟؟ و لماذا ؟

و اخر سؤال ....
7- اذا كنت استاذ عبيدة في المدرسة ؟؟؟ :mrgreen:

شو رح تعمل ؟ و كيف رح تعامله ؟

خلصوا الاسئلة :wink:

ان شاالله يعجبوك
بالتوفيق *ورود

عبيدة,

Quote:

Hidding Rose, وهي نفدتي وين الجالاكسي

ليش مو انت اللي عاساس توزع علينا شوكولا :mrgreen:

يالله امري لله ...... تفضل هدول مو بس الك و لعلاء كمان
Sorry, you have to register to see the link If you are a member, just sign in
هي كل انواع الشوكولا :wink:

العقل زينة · **Posted:** Fri Mar 20, 2009 1:59 am

أهلن وسهلن Hidding Rose
حلوين تفضلي

Hidding Rose wrote:

1- من هو الشخص الذي تعتبر نفسك مدين له ؟ و لماذا ؟

في عندي صديقي وأسمو اياس وهلق مسافر هاد بعتبر حالي مدين ألو بكلشي
لأنو ما في افضل من شخص يثق فيني بفترة انا ماكنت بثق بحالي

Hidding Rose wrote:

- ماهي أجمل لحظات حياتك ؟ و متى يكون علاء في قمة سروره ؟

صراحة اجمل لحظات حياتي حفلة زياد الرحباني الصيف الماضي
قمة سروري بتكون بس كون ماسك كتاب لجبران وحاطط فيروز عالخفيف بس انو شي سامعها من شان اندمج وطبعا" طافي الموبايل

العقل زينة · **Posted:** Fri Mar 20, 2009 2:23 am

هلق مابعرف شو صار يمكن كتبت ارسال فاأرسل على كلن رح كفي هون

Hidding Rose wrote:

3- ماذا يعني لك :
* المطر

المطر برأيي كرم الخالق في المطر شي رائع كتيير انا اكتر شي بحبو هوي امشي والدنيا عم تمطر ومرة مرضت اسبوع من ورا هالجنون على قولة رفيقي

Hidding Rose wrote:

الورد

شي حلو بس مو كتيير صراحة بيعنيلي

Hidding Rose wrote:

البحر

بس يكون هايج أحلى منظر عندي

Hidding Rose wrote:

الروتين

الروتين قصتي قصة انا وأياه لأنو حياتي كلها روتين وانا بكرهو كتيير بس هيك الحياة

Hidding Rose wrote:

الأمل

دائما" بقول كلمة طبعا" مقتبسة عن زياد .لولا فسحة الأمل.

Hidding Rose wrote:

4- طلب منك شخص غير سوري ان تحكي له عن سوريا قليلا .... ماذا ستقول؟

مهد الحضارات مقتبسة عن الفضائية السورية :mrgreen:

بقول ببساطة انو هون غير عن أي دولة بالعالم نحنا عالم وشعب مختلف عنا مشاكل بس صامدون واقفين عند أفكارنا عند مبادئنا وألي مو عاجبو ينطح راسو بالحيط

Hidding Rose wrote:

5- ما هو أكثر شيء يسبب لعلاء الاحراج؟

هيك حرجتيني وما حدا سالني من قبل هيك سؤال
ببساطة انو في أشخاص بفكرو اني انسان ممتاز ومثقف بس انا كتيير انسان عادي وعفوي بكره بس ينمدح فيني كتيي عنجد بصير كتيير محرج وما بعرف وين بروح بحالي

Hidding Rose wrote:

6- هل تؤمن بلغة العيون ؟؟ و لماذا ؟

صراحة لأ لعدة أسباب انا ماني رومانسي أول سبب اللسان موجود فا فينا نستخدمو ما؟ :mrgreen:

Hidding Rose wrote:

- اذا كنت استاذ عبيدة في المدرسة ؟؟؟ شو رح تعمل ؟ و كيف رح تعامله ؟

كنت بقدم استقالتي :mrgreen:

لأ عنجد عبيدة ممتاز وبكون ألي الشرف لو كنت أستاذو صراحة بكون الي الشرف
هلق ممكن يكون مميز لأني بعرفو بس عبيدة من الأشخاص الأذكياء جدا" وأكيد رح تكون المعاملة لتنمية هاد الذكاء

Hidding Rose wrote:

خلصوا الاسئلة ان شاالله يعجبوك

أكيد عجبوني شكرا" ألك
ويسلمو عالشوكولا منيح عبيدة نايم فا رح أكلون ويمكن اتركلو شوي شكرا" كتيير *ورود

عاشقة العربية · **Posted:** Fri Mar 20, 2009 2:28 am

العقل زينة,
سؤال خطر ع بالي هلأ هلأ

ليش ما بشوف اسمك بساحات تعليم اللغة العربية ؟ هل هو خوف من المشاركة ؟ أو ملل ؟ أو شي تاني ؟

العقل زينة · **Posted:** Fri Mar 20, 2009 2:38 am

شو هالسؤال باخر الليل العالم نايمة بس انت مشرفتنا وما فيني زعلك :mrgreen:

الفكرة مو خوف أو ملل بس صراحة اول موضوع كتبتو هوي طلاب الغة العربية بين التقليد والتجديد من زمان صراحة انا بالطريقة الموجودة ساحات الأدب العربي غير قادر على الإفادة مع اني دائم الزيارة وللصراحة انا نوعية قرائتي مختلفة شوي عن الكتب أو عن طبيعة القسم وعلى كلن رح تشوفيني دائما" هونيك من اليوم وطالع لأني عندي تقارير لازم نزلها :mrgreen:

شكرا" ألك

عاشقة العربية · **Posted:** Fri Mar 20, 2009 3:03 am

العقل زينة,

Quote:

شو هالسؤال باخر الليل العالم نايمة بس انت مشرفتنا وما فيني زعلك

عملتلك كبسة

أكييييييييد أنا اللي بتذكرو للموضوع .. لأنو طرحك ورأيك كان مشجع وكنت عم أستنى منك مواضيع متل ما كنت مخطط إلا .. بس ما لقيت شي

Quote:

نوعية قرائتي مختلفة شوي عن الكتب أو عن طبيعة القسم

طيب متل شو ؟
ولما شاف علاء أقسام اللغة العربية شو فكر وتوقع ؟
وشو ممكن تقدم بحكم إنك رابعة ؟

وهي رابط الموضوع
Sorry, you have to register to see the link If you are a member, just sign in

عبيدة · **Posted:** Fri Mar 20, 2009 9:11 pm

Hidding Rose,

Quote:

اذا كنت استاذ عبيدة في المدرسة ؟؟؟

اي شو طالعلك مع هالمدرسة
ما بكفي عندي هون :evil:

Quote:

ليش مو انت اللي عاساس توزع علينا شوكولا

ليش أنا اللي نفدت من الكرسي ولا انت :mrgreen:

Quote:

يالله امري لله ...... تفضل هدول مو بس الك و لعلاء كمان

هئ علاء مافي *hh

Quote:

هي كل انواع الشوكولا

لك ريتو ألف يسلمو خيتوووووووووووووووووو :oops:

العقل زينة,

Quote:

ويسلمو عالشوكولا منيح عبيدة نايم فا رح أكلون ويمكن اتركلو شوي شكرا" كتيير

اي ريتو مية صحا وهنا
معلش كلون كلو

العقل زينة · **Posted:** Fri Mar 20, 2009 10:29 pm

كمشتيني عياشي ولو أنت المشرفة فا بحلق تعملي كبسات على الطلاب

هدى wrote:

أكييييييييد أنا اللي بتذكرو للموضوع .. لأنو طرحك ورأيك كان مشجع وكنت عم أستنى منك مواضيع متل ما كنت مخطط إلا .. بس ما لقيت شي

تمام بس المشكلة انو تهاجمت يومتا من البعض وحسيت انو مافي قابلية كتيير للتجاوب
يعني انا قربت على النحو الكل هاجمني تقريبا"

العقل زينة · **Posted:** Fri Mar 20, 2009 10:51 pm

عفوا" خطأ فني يلا لكمل

هدى wrote:

طيب متل شو ؟
ولما شاف علاء أقسام اللغة العربية شو فكر وتوقع ؟
وشو ممكن تقدم بحكم إنك رابعة

انا قرائتي بتتركز على الأداب العالمية وخاصة الأدب الروسي
وبقرا تاريخ وفلسفة كتيير وبحب القضايا النقدية
وأعظم شاعر عندي أدونيس
فكرت نظرة جديدة يعني مثلا" ما في أي ذكر لأدونيس وتجرب انو مرة انكتب عن أدونيس ما حدا رد وكتبو opethانا يمكن الوحيد ألي رديت
فا برأيي لازم ننظر نظرة حديثة متجردة للغة
هلق شو ممكن ضيف أنا صراحة بس يكون في اختلاف بالأساسيات بيني وبين الزملاء بيصعب العطي والأخذ
شكرا" ألك هدى وممنوع الأسئلة بحد الوحدة بالليل صحي هوي اليوم أخر يوم صح؟

عبيدة · **Posted:** Fri Mar 20, 2009 11:20 pm

باااااااااااااااااااااااااااااااك

جيت إسئلك كم سؤال أبل ما يخلص البيض
أصدي مدة الكرسي :mrgreen:

1- شخص بتحبو وما فينك أو ما عم تحسن تصارحو بحبك شو بتعمل؟؟
2- واحد عم (يستغبيك) شو بتعمل؟؟
3- شخص حاسس إنو بحبك بس مو متأكد شو بتعمل لتعرف إزا إحساسك صح ولا لأ غير المواجهة؟؟
4- شخص غلط تجاهك عن غير قصد وما انتبه ولا اعتزر شو بتعمل؟؟
5- شخص غلط تجاهك عن قصد وعمل حالو بريء ومالو خبر وما اعتزر شو بتعمل؟؟
6- في بيت شعر للإمام علي بن أبي طالب
لا خير في ود امرئ متملق ... حلو اللسان وقلبه يتلهب
فلنفرض إنك تعرف على شخص شو رح يكون تصرفك تجاهو؟؟
7- كنت موجود بمكان وفي أشخاص مانون راغبين بوجودك شو رح تعمل؟؟
8- شخص يعطيك من طرف اللسان حلاوة ... ويروغ منك كما يروغ الثعلب شو رح تعمل في؟؟

وبالنهاية أنا بحب اشكر آرتين اللي عرفني علييييك

وعرفني على ناس ظريفين ولييييطيفين كتييييييييييييييييييييير

وبشكر كمان نانو اللي عرفتني على هالمنتدى

Latest Posts

الــيــوم ( العقل زينة ) على كرســي الاعــتــراف