اللهم لا شماته .... ثـــائـــر على كرسي الاعتراف جالساً !!

فارس · **Posted:** Sat Nov 15, 2008 2:55 am

السلااااااااام عليكم

تلبيةً لطلبات أعزائنا الأعضاء و زوار آرتين

يسرنا كل السرور ... وضع المشرف القدير ثائر ... الملقب بعميد كلية الحب .... على كرسي الاعتراف

و ذلك لقاء ما قام به من أعمال و تصرفات مع غيره من الأعضاء الأبرياء ... من أسئلة ... و كراسي مؤذية و منها ما وصل الى كراسي الاعدام ...

كما تم تزويدنا آنفاً بهدية للمتهم ثائر ... و تبين أنها أحد أجمل الكراسي التي يحب الشباب الصاعد أن يجلس عليها ... مع تحفظي على رأيي بالكرسي كما في العنوان

الكرسي تقدمة MÖØÒÕNL!GHT

Sorry, you have to register to see the link If you are a member, just sign in

أيها الجمع الكريم .... حان وقت الحقيقة ... و ها هي اللحظة التي انتظرها الكثير منا ... سواء من الأعداء أو المحبين لثائر ... و حتى اللي ع النص

لحظة " اجاك الموت يا تارك الصلاة " و لحظة " بدوب التلج و ببان المرج " و كما يقال أيضا و هي الأصح... " حان وقت الانتقاااااااااام " و غالبا ما يأتي بعدها عبارة " هجوووووووم "

أذكر للي عندهم فضى انو بركي بمرو ع قوانين كرسي الاعتراف ... مشان يلتزمو فيها قال

لجين · **Posted:** Sat Nov 15, 2008 3:03 am

يييييييييييييي ياثائر :mrgreen:

اخيرا اجى الوقت...بس الكرسي ماحلو يافارس حرام عليك

المهم...ببالي حاليا كم سؤال رح اسألك ياهن ولنشوف بعد فترة شو بدي اسألك كمان
بسم الله ....رح نبلش
-(ثائر)...هاد اسمك الحقيقي متل مامنعرف...بتحب اسمك ولا لأ وشو بيعنيلك؟

-طموحاتك بالمستقبل؟

-أحب الأوقات على قلب ثائر؟

-أكتر الأشخاص يلي بترتاح معاهن مين؟

حاليا هيك القادم اعظم^^
تحياتي...أم اللول *hh

Raghad · **Posted:** Sat Nov 15, 2008 3:04 am

هههههههههههههه اي شو هالكرسي هااااااد عم قول لحالي شو طلعو سارقين من الشيراتون :mrgreen:

روووووووووح يا ثائر الله يعينك على هالقعدة :mrgreen:

لي عودة

MÖØÒÕNL!GHT · **Posted:** Sat Nov 15, 2008 3:11 am

كيفك شاعرنا العظيم...؟؟
بس يكون عجبك الكرسي...؟؟
و تكون مرتاح عليه...
يعني وصيت عليه خصيصا الك...
الي عوووودة مع أسئلة حلوة متل الكرسي... 8)

محمد الدالي · **Posted:** Sat Nov 15, 2008 3:26 am

MÖØÒÕNL!GHT,
داعمتي كتير لثائر بالكرسي
ثائر :
يا حرام من كتر ما دا عمتك الكرسي مالو غير تلات رجل
يعني مارح ترتاح بالقعدة عليي
بدو يتم يروح فيك يمين ويسار
و الله يعينك على هالاسبوع
*ممم

جمال · **Posted:** Sat Nov 15, 2008 3:28 am

أي والله يا ثائر شو هالكرسي الحلو بس شو مساوي حتا الشباب هيك عم تساوي فيك :lol:

ثـــائـــر · **Posted:** Sat Nov 15, 2008 3:31 am

فارس,

يعني شو بدي قلك ... ساويت يلي براسك يا مدير ... :mrgreen:

بسيطة ... الزمن دوار ... و رح يجي يوم و شوفك محلي ....
بس بدي اعرف من وين مون لايت جايبة هالكرسي ..لك صرلي ساعة عم دور على مصدروا ما عم لاقي ... :shock:

انا رح ابقى واقف ..اريحلي .... :cry:

لجين,

Quote:

...بس الكرسي ماحلو يافارس حرام عليك

الله يخليكي يا حنونة ... *ورود

Quote:

-(ثائر)...هاد اسمك الحقيقي متل مامنعرف...بتحب اسمك ولا لأ وشو بيعنيلك؟

أكيد بحبو .. و بيعنيلي كتير و هو انو بحسو عم يحكي عني

Quote:

-طموحاتك بالمستقبل؟

انا متل ما بتعرفو بكتب قصائد و روايات ..طموحي اني أكتب رواية عن قصة عشتها و قدمها لمنتج و تصير مسلسل و انا عم بلعب دور البطولة فيها ..طبعا يلي شجعني هو موهبتي با التمثيل ... قال يعني :mrgreen:

لاني بيوم من الأيام و بأيام الثانوي كنت العب كتير أدوار بمسرحيات على مسرح الزهراوي ...

الله كريم ...

Quote:

-أحب الأوقات على قلب ثائر؟

انا بعشق الوقت يلي بين الساعة 3 و الساعة 5 العصر و خصوصي بالجامعة و با التحديد ورا الندوة الجديدة ..و تكون السما كلها غييم أبيض و الو أشكال حلوة كتير ..
و كمان بحب وقت الافطار برمضان .. لاني وقتها بتمشى با الشوارع يلي بتكون فاضي و بحس حمص كلها ملكي ... و الي .. و مابسمع الا صوت الملاعق و الصحون .. :
mrgreen:

Quote:

-أكتر الأشخاص يلي بترتاح معاهن مين؟

انا برتاح مع شلتي ( شلة السعادة ) رفقاتي يلي الله رزقني فيهم بعد طول انتظار ..
و أكتر اتنين برتاح معهم هن شادي ( الدواء المؤلم الشافي) نزار ( صاحب القلب الطيب ) ..

Quote:

حاليا هيك القادم اعظم^^

الله يستر

Raghad,

Quote:

هههههههههههههه اي شو هالكرسي هااااااد عم قول لحالي شو طلعو سارقين من الشيراتون
روووووووووح يا ثائر الله يعينك على هالقعدة

شايفة انت ... مدري انا شو عاملها لموون لايت ..علما انها لسا ما قعدت على الكرسي ... بس مدري ليش هيك ... :mrgreen:

Prof.Amer · **Posted:** Sat Nov 15, 2008 3:33 am

يا حراااااااام عليكم هيك عم بتساوووو بــــــــــثائرنا.... ييييييي... وين الحصانة بيضل مشرف و لازم ما تنرفع ... فعلا ع قول رفقاتي الوثباويين عن فريقنا: ما طار طير و ارتفع إلا كما طار وقع
لذا سمحولي رجع جزء من هالحصاني المرفعوعة بتغيير الكرسي

بس هاشي ما بيعني انك يا سيد ثائر رح تنفد من اسئلتي فسلقى هالكام شؤال لقلك
اسمك و سنك و مهنتك؟
تخيل حالك قدام جمهور كبير ع كونسيرت كبير و نطلب منك تقدم تعرفون عن نفسك فبشو بتبلش؟
شو فطرت و شو تغديت و شو فطرت اليوم؟ ووين كنت الساعة تنتين قبل تنزل الشتي يوم الخميس؟
شو أخر هديه وصلتك.. و شو آخر هدية قدمتها و لمين ؟؟
دخلت الأدب الإنكليزي عن رغبة أم لا لو كان جوابك لأ.... شو الفرع يلي كنت بتحلم انك تكفي فيه ؟
شو هية حكمتك بالحياة غير: جالك الموت تارك الصلاة؟

*ورود

ثـــائـــر · **Posted:** Sat Nov 15, 2008 3:39 am

MÖØÒÕNL!GHT,

Quote:

كيفك شاعرنا العظيم...؟؟
بس يكون عجبك الكرسي...؟؟
و تكون مرتاح عليه...
يعني وصيت عليه خصيصا الك...
الي عوووودة مع أسئلة حلوة متل الكرسي

اي اكيد عجبني ولو :evil:

جاييكي الدور يا ضوء القمر ... بدي خلي يصير خسوف دائم ... طولي بالك شوي :mrgreen:

MHD,

Quote:

داعمتي كتير لثائر بالكرسي
ثائر :
يا حرام من كتر ما دا عمتك الكرسي مالو غير تلات رجل
يعني مارح ترتاح بالقعدة عليي
بدو يتم يروح فيك يمين ويسار
و الله يعينك على هالاسبوع

شايف انت ..هاي من كتر المحبة :mrgreen:

بس جاييها الدور ...
صدقني رح تبدلي اياه بتخت من ريش نعام ... :mrgreen:

جمال,

Quote:

أي والله يا ثائر شو هالكرسي الحلو بس شو مساوي حتا الشباب هيك عم تساوي فيك

و الله ماني مساوي شي ... الله يسامحك يا كندا ...
:mrgreen:

ثـــائـــر · **Posted:** Sat Nov 15, 2008 3:58 am

Armando,

لك اي ها ... دخيل ربك انا ... من زمان غيرلي ها الكرسي ... و بعدين اينو حصانة يا ابن الحلال اذا المدير هو يلي نزلي الموضوع ..

Quote:

اسمك و سنك و مهنتك؟

اسمي : ثـــائـــر الــطـــحـــلـــي
سني : 21 عاما ( انشا الله العمر كلو يا رب ) :mrgreen:

مهنتي : صيانة و تركيب جميع انواع الديجيتال ... ( عندي محل من حوالي 6 سنين )

Quote:

تخيل حالك قدام جمهور كبير ع كونسيرت كبير و نطلب منك تقدم تعرفون عن نفسك فبشو بتبلش؟

هل تعيروني بضع دقائق من حياتكم ... فأنا من سيهب كل زمانه لكم ....
السلام عليكم ورحمة الله و بركاته ..... اما بعد .....

Quote:

شو فطرت و شو تغديت و شو فطرت اليوم؟ ووين كنت الساعة تنتين قبل تنزل الشتي يوم الخميس؟

ياسيدي اليوم لا فطرت و لا تغديت لأني كنت بتركيبة بتير معلة بضواحي حمص ..
اما العشا فكان لحمة بصينية سخنتها بالفرن و اكلت ...
اما يوم الخميس الساعة 2 فكنت قاعد مع فارس بحديقة الآداب .. حاسك عم تراقبني :mrgreen:

Quote:

شو أخر هديه وصلتك.. و شو آخر هدية قدمتها و لمين ؟؟

آخر هدية وصلتني هي MP4 اما آخر هدية قدمتها فهي عود ...

Quote:

دخلت الأدب الإنكليزي عن رغبة أم لا لو كان جوابك لأ.... شو الفرع يلي كنت بتحلم انك تكفي فيه ؟

اي طبعا عن رغبة ... هو بصراحة انا كنت حابب اني ادخل اعلام او معهد مسرحي ..بس حسب رغبة الوالد يلي شجعني انو فوت انكليزي و انا بحب الانكليزي

Quote:

شو هية حكمتك بالحياة غير

[color=#0000FF]بصراحة هن حكمتين و انا يلي مألفهم

- امحي من قاموس حياتك كلمة : مستحيل ....
- لايوجد في هذه الدنيا شئ اسمه حب فاشل ..هناك محبين فاشلين ...

أسئلتك حلوة ..

[/color]

Latest Posts

اللهم لا شماته .... ثـــائـــر على كرسي الاعتراف جالساً !!