ألبير كامو- الغريب

غانم · **Publié:** Sam Nov 08, 2008 1:03 am

ارماندو كلامك معقول وبظن انو هادا سبب من الاسباب .
بس انا بظن انو السبب الاقوى بيكمن بعدم بكائه على وفاة امه ببداية الرواية . انا هيك استنتجت . يعني يمكن عدم بكائه دفعه على هالشي شو رأيك ؟

Prof.Amer · **Publié:** Sam Nov 08, 2008 5:39 am

غانم

Citer:
بس انا بظن انو السبب الاقوى بيكمن بعدم بكائه على وفاة امه ببداية الرواية .

ممكن عندك حق و هالمشهد بالذات بيتفسر عدة تفاسير

بس ممكن توضحلي أكتر شو علاقة الرصاصة الأخيرة بعدم بكائه اثناء وفاة أومو... طبعا من وجة نظرك أخي غانم

غانم · **Publié:** Sam Nov 08, 2008 9:52 am

انا شفت انو عدم بكائه على امه دفعه على قتل الرجل .بس يمكن اطلاق الاربع رصاصات على جثة خامدة هو دليل كبير على اللامبالاة متل ماقلت انت او دليل عن حزنه الكبير .او تأكيد كبير على حالة البؤس اللي كان عايشها .

Prof.Amer · **Publié:** Sam Nov 08, 2008 11:29 pm

غانم
بدي منك تفسير تاني بدون إدراج عنصر اللامبالاة و خصوصي بهالمشهد

Widad
يا ريت نسمع رايك بهالمشهد بالسبب الذي دفع مورسو إلى إطلاق الرصاصة الأخيرة على الجثة الميتة...؟

Widad · **Publié:** Mar Nov 11, 2008 2:12 am

Citer:

يا ريت نسمع رايك بهالمشهد بالسبب الذي دفع مورسو إلى إطلاق الرصاصة الأخيرة على الجثة الميتة...؟

بصراحة ما ائدرت اربط هالمشهد بأحداث الرواية يعني ما حسيتو نتيجة حدث من أحداث الرواية وإنما المشهد بدو تحليل نفسي للشخصية يعني ممكن يكون عندو نوع من النرجسية دفعو لإطلاق الرصاصة *ممم

الملاك · **Publié:** Mar Nov 11, 2008 2:41 am

أنا عم قلب بالمواضيع وإذا بلاقي واحد من أجمل النقاشات اللي ممكن تشدني
تحليل لموقف
ولحركة
ولنفسية
ولشخصية ولكاتب الشخصية

رائع جداً....بس للأسف الشديد...أنتو عم تحكوا عن كاتب بعرفو بس عن رواية ما بعرفا
وبما أنو غانم الله يجزيه الخير حط رابط التحميل...فأنا رح حملا
وأقراها وأدعيكن نتناقش فيا كلنا سوا بالموضوع المناسب للنقد والتحليل
قولوا ان شالله

أما بالنسبة لنقاشكن الممتع حول سبب إطلاق شخص رصاصة على جثة..فمع أنو بيعتمد كلياً على تحليل نفسية مطلق الرصاص ولكن

أنا أرى أنو أصبح روتين لشخص يمسك قلم..وانتهى لتوه من كتابة عقد بنص معين وهو واثق أنو العقد استوفى كل شروطو وبالكلمات عبر عن المراد
ولكن يتجه القلم للأسفل لخط التوقيع

وإن كان العقد مكتوب جاهز..يكون القلم هو سلاح وضع اللمسة الخاصة والتأكيد على من يقوم بالفعل :arrow:

...فيتجه القلم لأسفل الصفحة ويضع التوقيع

قد يشعر القاتل بأنو قام بمهمة أساسية وضرورية بانهاء حياة أحدهم...ولكن بقي وضع التوقيع
البصمة الأخيرة
اثبات أنني القائم بالفعل...وواثق من ذلك...ولست بنادم
فرصاصة أخيرة
كنقطة في نهاية مقطع خطته لتوي وكتبت فيه اعترافاً.

"ممكن بس تقروا رأيي تستغربو تدخلي وأنا شخص لم يقرأ الرواية :oops:

بس الحديث شدني كتير وما قدرت قاوم شارككن :oops:

"

Armando,
وكان لازم بالبداية اشكرك على موضوعك اللمميز والغني...وأنا بهمني ضل متابعة القسم بكل مواضيعو لزيد ثقافتي الفرنسية :mrgreen:

Prof.Amer · **Publié:** Mar Nov 11, 2008 3:00 am

Widad
اكيد هالمشهد من أكتر المشاهد غرابة بتصرفات (الغريب) مورسو يلي أكيد صعب كتير تحليلو حتى ع الأختصاصيين بعلم النفس... بس كمان بحب ضيف هون شغلة انو يمكن قصد كامو من خلال هالطلقة انو كمان يحطلنا عدة نقاط استفهام حول شخصية البطل يلي كان فعلا غريب بكل شي

الملاك
اهلا فيك... بالعكس تماما نحنا بنرحب دوما بمداخلات أي شخص من بقية الأقسام و خصوصا لو كنت انت... لأنو الأدب الفرنسي هوي الأول بأروبا مع احترامي لشكسبير انكلتر طبعايلي بيستاهل انو الواحد يرفع القبعة احتراما لألو... بس هون الحق لازم ينقال

لذا فالأدب الفرنسي ادب عالمي و مانو خاص بطلاب الفرنسي دون غيرن... فناطرين مشاركاتك و ما بقا تقطعينا و لا شكر على واجب

شكرا لتأكيدك وجهة نظري
Citer:
كنقطة في نهاية مقطع خطته لتوي وكتبت فيه اعترافاً

الملاك · **Publié:** Mar Nov 11, 2008 3:16 am

Armando,

لا يا أخي فهمتني غلط :wink:

أنا ما أيدت وجهة نظرك....
أنا فعلياً ما خالفتا..بس كنت بعيدة كل البعد عنها :wink:

أنت وجهة نظرك كانت

Citer:

يعني كانت تصرفاتو و افكارو تطلع هيك يعني بتحس كانها صادرة بدون تفكير ...

هالنقطة بالذات أنا ما قربت عليا :arrow:

Citer:

هون في عدة تفسيرات و كلها تقريبا بتنصب على إبراز عنصر اللامبالاة عند كامو

وكمان اللامبالاة أنا ما جبت سيرتا :mrgreen:

وبظن غانم مانو مضطر يبتعد عن هالكلمة لمجرد انك ذكرتا...لأنو ممكن يكون هادا رأيو كمان :wink:

Citer:

مع الطلقة الأخيرة أعلن الكاتب تأكيد الموت و بالتالي نهاية الرواية

وحضرتك هون لقيت تشابه مع فكرتي كونك ذكرت الطلقة الأخيرة لإنهاء الرواية بس أنا قصدت التالي

"طبعاً لا تضحك عليي :mrgreen:

"
قصدت طجة القلم عالورقة وقت أنا بكتب جملة فيا اعتراف
فلو كتبت جملة " أنا قتلت فلان" يمكن ابقا مترددة أمام هالاعتراف بملامح جامدة تماماً
بس بلحظة تأكدي من أني رح أبقي عالورقة اللي كتبت فيا اعترافي
وتأكدي بأني واثقة من الشي اللي عملتو
بحط نقطة
وهالنقطة بالنسبةإألي كانت رصاصة الغريب....فقط

Prof.Amer · **Publié:** Ven Nov 14, 2008 1:09 am

الملاك

Citer:

وهالنقطة بالنسبةإألي كانت رصاصة الغريب....فقط

ما بعرف الله وكيلك هيك الواحد بيفهم من كلامك لئو كان هيك رأيي و مازال... و هيك كمان يمكن الالكريب ضرب فيوزياتي

Citer:
مع الطلقة الأخيرة أعلن الكاتب تأكيد الموت و بالتالي نهاية الرواية

و مهما كان موقفك نحنا بحاجة شخص متلك يحللنا ردات فعل تصرفات ابطال رواياتنا او تحليل بقية الأحداث

جنى · **Inscrit le:** 11 Janvier 2009

Amerbبشكرك كتير على هالمقالة الرائعة

وبشكرك كتير على تذكيرنا بالغريب هالرواية الرائعة اللي وقت قرأتها تأثرت فيا كتير
وببطلها مورسو وأنا برأيي هالشاب ما كان إلا أول شيء ضحية لعلاقته الغريبة بأمه
وتاني شيء ضحية بهيدا المجتمع الغريب اللي عاش فيه

Latest Posts

Règles du forum

ألبير كامو- الغريب