بالفعل ذكرتني بالدكتور الرائع حامد فرزات أروعه منو بالترجمة ما في كان لما بدو يعطينا نص عربي اتصور شو يعمل يترجم الكلمة من العربي للعربي فعلا كان شي رائع كنا نبئى شي 3 ساعات بس على 5 اسطر بس موسوعة بالفعل
وكان يسأل أكتر من طالب عن معنى الكلمة بالفرنسي واذا كانت مو مناسبة للمعنى يشرحلنا ليش وخصوصي انو مو مناسبة بالعربي هيك حتى يلائي الكلمة المناسبة
كان يقول اتعلموا العربي (بناء الجملة والنصب والرفع وكلشي بيتعلق بالعربي وخصوصي لما نترجم من الفرنسي للعربي ودائما كان يقول استخدوا بالترجمة القاموس عربي عربي قبل ما تستخدمو القاموس الفرنسي عربي كتير كان يدقق ويحاسبنا حتى عالمبتدأ والخبر والتنوين )وكان يقول وبتقولو لحالنا يالله ليش منرسب بالترجمة
يعني Armando, أنا هادا الدرس بالفعل بالرغم من إنو صغير يعتبر من أهم المواضيعه بالنسبة إلي بهنيك موضوع رااااائع وأكدلي هالموضوع كلام دكتورنا العزيز حامد فرزات

Armando,
كل الموضوع حلو واكتر شي عجبني نصيحة الصبر والبعد عن الملل
بالفعل شي كتير واضح .....الترجمة كتير بتتأثر بنفسية المترجم ومدى تركيزه على النص
بيضل الفهم للنص الشيء الاهم ومن بعدها القدرة على الابداع واعطاء النص حقه باللغة المنقول الها

Armando, مواضيعك حلوة وعم تصير احلى واحلى
شكرا

دائما القارءة الثانية هي التي تؤخذ بعد التنقيح والتصحيح صح .. وبالأضافة لهالشي لازم يقرا عربي .. بس ما جرايد وقصص لأنا صايرة هي اللي عم تخرب اللغة وتضعفا .. لازم نقرا كتب التراث العربية اللي فيا اللغة الصحيحة والسليمة وبعيدة عن أي خطا أو لحن

يعني حتى المدقق اللغوي أو المترجم للعربية لازم يكون عندو جلد وصبر ويرجع لمعاجم العربي عربي لأنو بيبقى التطبيق العملي غير النظري

اسمحلي ببعض الملاحظات : الأصح قولنا : ينبغي ألا ... الخ نقول مهم .. لأن الهام من الهم والحزن
Armando,
موضوع لطيف ومفيد بنفس الوقت .. بشكرك

Widad, ce prof. m'enseigne la linguisitque... mais, je n'était pas faciné par sa personalité... je le repecte seulement ... mais cela ne signifie pas que je suis de ses partisant

Maya, أكيد هالشي و خصوصا الترجمة و هاد سبب من أسباب كسلي بترجمة النصوص لأنها بتاكل وقت و بدها انو الواح يفكر بالجملة و يدورها بمخو لحتى يعتمد عليها و مع كل هالشي بيطلع بالآخر أخطاء
طبعا الفضل دائما بيرجع لجنرال دكاترة الفرنسي بنظري د. جوزيف متة ... يلي عنجد علمنا انو الصبر و التفكير بكل كلمة للوصول للترجمة الأصح
بشكرك و بشكر بقية الزملاء ع هالشهادة يلي بفتخر فيا هدى, أكيد أخت هدى متل ما قلت لمايا بردي عنجد خجلتوني شكرا كتير و بضل هدفنا الفائدة

Armando,
الأستاذالدكتور فرزات بصراحة موسوعة رائعة موسوعة بكل معنى الكلمة يمكن ما حضرت عندو محاضرات الترجمة كانت محاضراته رائعة رائعة بكل معنى الكلمة ,يعني مجرد إمو كان يطلب منا نترجم من العربي للعربي هادا لحالو شي رائع وبيدل على مدى تمكن هالدكتور الرائع يلي أكيد مانو بحاجة لشهادتنا بس بالفعل ومايا بتشهد على كلامي لأنو كنا دائما أول شخصين جاهزين لحضور محاضرتو
Armando,
merci mon chèr ami mais essaie d'être un peu objectif,surtout en ce qui concerne le D.FERZAT

شكرا وداد بالنسبة للدكتور حامد فرزات كتير محاضراتو منيحة ومفيدة وبيعطي معلومات مفيدة كتير وضروري انو الطلاب يحضرو عندو بس كتير من الايام بيخرج عن المحاضرة وبيتطرأ لامور ما بتخص المحاضرة ولا الترجمة وانا بالنسبة الي مع هيك كنت احضرلو اغلب المحاضرات وبصراحة استفدت منو كتير وزكرتيني بكلامو لانو هوي بيركز كتبير على موضوع انو لازم نفهم بالعربي بعدين نترجم للفرنسي يعني لازم نبسط الكلمة بالعرب لحتى نوصل لكلمة بالفرنسي وهالطريقة كتير منيحة بس في كتير من الطلاب ما بيعجبن هيك لانوبدن استاذ سريع وينرجملن كل النوطة او ينزل نوطة مترجمة جاهزة وبصراحة الدكتور جوزيف كمان كتير رائع بالترجمة وبكل المواد اللي بيدرسها
salut

Armando,
الله يسامحك إنو هجوم وأنو مبرر طبعاً لكل إنسان رأيو الخاص وبحترم رأيك ولو نحنا هون أصدقاء ومافي داعي للنرفزي ما حلك تتعود علينا
ولو الله يسامحك على طول بتفهمني غلط اوكي وصلتني الفكرة يمكن طلعت برات الموضوع بالرد التاني بعتذر بس موقصدي لا اتهجم ولا إقنعك بوجهة نظري
toujours,des amis ,n'est ce pas