آرتين لتعليم اللغات
https://forum.art-en.com/

طلاب الثالثة عربي ..... ساعدوني ..!!!
https://forum.art-en.com/viewtopic.php?t=9790		 صفحة 1 من 1
الكاتب:  S N I P E R [ الجمعة مايو 30, 2008 2:20 am ]
عنوان المشاركة:  طلاب الثالثة عربي ..... ساعدوني ..!!!
مرحبا يا زملاء ..

بصراحة انا ماني طالب عربي بس في واحد من رفقاتي طالب ادب عربي سنة 3 بحاجة لمساعدة قلتلوا ولا يهمك الشباب بارتين قدها و قدود :mrgreen:

هلق متل ما قلي في مادة اسمها النثر العباسي للسنة 3 قسم التحليل لدكتورة سيرين ...... حابب يعرف اذا طالبة الدكتورة الحفظ البصم ولا الفهم و شو هي اهم الشخصيات يلي مركزة عليها الدكتورة ....

و مشكورين جميعا سلفا .. *1
الكاتب:  عاشقة العربية [ الجمعة مايو 30, 2008 12:35 pm ]
عنوان المشاركة:  طلاب الثالثة عربي ..... ساعدوني ..!!!
S N I P E R, ولا يهمك ..
بالنسبة لقسم التحليل للدكتورة سيرين .. هي ما ركزت ع شخصيات محددة بس خلي رفيقك يركز ع شخصيات الكتاب أكتر بس بدون ما يهمل الباقي
وما يعتمد الحفظ البصم البصم .. يعتمد على الفكرة اللي لازم تكون صح ومركزة ، وبعدين ياخد الشي المهم ويحاول يحفظو
هي طريقة تحليل الدكتورة حلوة .. يعني بتحلل بطريقة منظمة فقرات فقرات .. فهو بيقدر يعمل هيك ويحدد لكل فقرة الشي المهم
وهي حبابة وان شالله بيجيب عندا علامة منيحة
الكاتب:  S N I P E R [ الجمعة مايو 30, 2008 10:20 pm ]
عنوان المشاركة:  طلاب الثالثة عربي ..... ساعدوني ..!!!
شكرا كتير الك يا هدى عنجد ما قصرتي .. *1

بالنسبة لسؤال قسم التحليل فهو مشترك بين الدكتورين ولا كل دكتور رح يجب سؤال لحالو ؟؟ و اذا كل سؤال لحالو كيف رح يكون تقسيم العلامة اذا بتعرفي ؟؟

و قسم التاريخ للدكتورة ليلى ركزت على شي معين ؟؟؟؟ و بالنسبة لاضواء على رسالة الغفران و المقام البغدادية او ما شابه ذلك عند ابن المقفع او الجاحظ او غيرو فهي للحفظ ؟؟؟

شكرا الك مرة تانية *ورود
الكاتب:  عاشقة العربية [ الجمعة مايو 30, 2008 11:17 pm ]
عنوان المشاركة:  طلاب الثالثة عربي ..... ساعدوني ..!!!
على حكي الدكتورة سيرين .. رح يكون سؤال التحليل واحد ورح تكون طريقة التحليل نفسا ومتل الكتاب.
العلامة رح تكون 40 للسؤال النظري .. و40 للتحليل و20 حلقة البحث ..
الدكتورة ليلى ما ركزت على شي محدد .. بس بتوقع المعري شوي مهم وأبو حيان، ومشان النصوص فما بقدر أعطيك جواب لأني ما متأكدة .. بس بفضل يقرا التحليل لهي النصوص وياخد المهم منا هيك أفضل
طبعا مع التركيز ع الحفظ لأنو هاد قسم التاريخ وفي نظري كتيير
ومشان ساعدك أكتر .. دكتورة ليلى بتركز ع السمات الفنية أكتر بكتير من حياة الشاعر وتكوينو الثقافي ونشأتو .. لهيك التركيز على نثر الناثر نفسو وسمات نثرو الفنية وأهم ملامح هاد النثر مهمين.
موفقين
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/