x181141x,
بالنسبة للنقد1 .. فاليي بعرفو إنو طلعت إشاعة بدو يتأمت بس أكيد ما رح نقدر نمشي ع الإشاعات، لأنو ما حدا من دكاترة المادة قال هيك شي
والأسئلة رح تكون نظرية 50 علامة للدكتور أحمد دهمان و50 علامة للدكتورة ليلى ..
المطلوب من قسم الدكتور دهمان : اللفظ والمعنى، عمود الشعر والموازنة
المطلوب من قسم الدكتورة ليلى : الصدق والكذب، الخصومة، فن الشعر بين الحداثة والتقليد (هي قضيتين بقضية وحدة)، السرقات عند عبد القاهر الجرجاني فقط.
بالنسبة لقسم الأعلام .. فالأعلام كلن مطلوبين عدا ابن قتيبة والفارابي
بالاضافة للمصطلحات ولو كانت موجودة عند الفارابي .. يعني رح ناخد من الفارابي بس المصطلحات
أما العثماني ..
اللي بيعطي تحليل الدكتور فيصل أصلان وهو بنفس الوقت عم يعطي النظري ..
وما حذف شي من المقرر أبدا .. وعطى 5 شعراء وطلب حفظ ترجمتهم وأغراضهم الشعرية لأنو رح يجيب نص تحليل لأحد هالشعراء بس طبعا غير اللي عطاهن ..
مشان هيك حفظ الترجمة والأغراض رح يفيدك بالتحليل ، بالنسبة للأغراض هو رح يحددلك الغرض المطلوب لتحكي عنو بالامتحانات.
بس ليه كاتب عندك إنو أنت لغة إنجليزية ؟؟
بتمنى كون فدتك .. موفق

عن جد شكر كتييييييييييييييييييييير كتير كبير مني إلك يا آنسة هدى على ردك السريع والكافي والوافي .....
يعني شو بدي قلك ... الله يريحك متل ما ريحتيني وريحتي بالي ...
هلأ الواحد صار يعرف شو لازم يعمل وشلون بدو يحضر ... لأنو عن جد كنت ملاقي حالي كتير ضايع وماني عرفان شلون بدي إدرس ومين بدي صدق ...

بدي إرجع كرر شكري وتقديري لإلك ولردك الأكتر من رائع ولتفاعلك معي - واللي كلنا أكيد متعودين عليه - معي ومع أعضاء هالمنتدى الغالي ....

ملاحظة :
مشان قصة ليش كاتب إنكليزي فهي قصة كتير طويلة وانشالله بفرصة تانية وبوقت أحسن من هيك ببقى بوضحها وبشرح الأسباب .... وطبعاً لكل شي في سبب ...