آرتين لتعليم اللغات :: أرجو المساعدة يا أهل الخبرة في الكومبيوتر

آرتين لتعليم اللغات https://forum.art-en.com/

أرجو المساعدة يا أهل الخبرة في الكومبيوتر https://forum.art-en.com/viewtopic.php?t=9618	صفحة 1 من 1

الكاتب:	أ. عبد الرزّاق [ الجمعة مايو 16, 2008 10:18 am ]
عنوان المشاركة:	أرجو المساعدة يا أهل الخبرة في الكومبيوتر
السلام عليكم : لدي مشكلة في جهازي ... والمشكلة هي إذا فتحت أيقونة جهاز الكومبيوتر ودخلت على وحدة من السواقات وبدي اطلع منها للأعلى بتفتح أيقونة جهاز كومبيوتر تانية في شريط المهام وكمان عندي مجلدات مخفية ما عم تظهر علماً أني بدخل على خيارات المجلد وبعطي إظهار المجلدات المخفية .. سألت عن الموضوع قالولي هاد فيروس وبدو كاسبر وبالفعل حملت الكاسبر 7.0.0.123 وعملت تحديث من انترنت وفحصت الجهاز طلع في فيروسات أوتران وتروجان ما بعرف إذا هاد اللفظ الصحيح وبعدين فرمت الجهاز وضلت المشكلة أرجو من الأخوة اللي عندن خبرة يساعدوني وأنا بكون ممتن إلهم

الكاتب:	nabih.aldiyab [ الجمعة مايو 16, 2008 1:35 pm ]
عنوان المشاركة:	أرجو المساعدة يا أهل الخبرة في الكومبيوتر
من شان الفيروس بدك قبل كل شي تشيل الفيروس (باعتبار انك فرمتت ) لهيك حمل هالبرنامج الخفيف هوي حجمه 8 ميغا بس بعينك الله ftp://ftp.drweb.com/pub/drweb/cureit/setup.exe" onclick="window.open(this.href);return false; بعدين عمول سكان لجهازك وبعد ماينشال كل الفيروسات حمل الرنامج التالي http://mihd.net/ixyahn7" onclick="window.open(this.href);return false; وشغله على جهازك وبعد ماتعيد تشغيل الجهاز شوف اذا نحلت المشكلة اذا ما نحلت خبرني لعلمك كيف تعدل الريجيستري مشان تحلها للامانة البرنامج الصغير اللي بيحل المشكلة انا ماني مجربه انا بعدل الريجستري مشان حل المشكلة حاول تنزل الملف التاني بسرعة لانو مدة بقاؤه شهر واحد كمان مشان انتي فيروس هدا البرنامج اللي عطيتك ياه مابيحمي الجهاز هوي نسخة بس مشان تعمل سكان مو مشان تحمي الجهاز يعني بس بتحذف الفيروسات ما بتلقطهم وقت ينزلو ويتحركو بالحهاز بعدين بالنسبة للمجلدات ومشكلتها هدا خيار انت مفعله بالغلط بتفتح اي مجلد وبتاخد ادوات-خيارات مجلد-من بوابة عام اختار فتح المجلدات الاخرى في نفس النافذة وخود موافق وهلا والله

الكاتب:	أ. عبد الرزّاق [ الجمعة مايو 16, 2008 5:08 pm ]
عنوان المشاركة:	أرجو المساعدة يا أهل الخبرة في الكومبيوتر
nabih.aldiyab, أنا بشكرك كتير على مساعدتك ... ممتن أخي الكريم جزاك الله كل خير ... وعم بنتظر الاخوة اللي عندهم خبرة أو مارقة هالمشكلة معن ...

الكاتب:	Obada Arwany [ الجمعة مايو 16, 2008 6:29 pm ]
عنوان المشاركة:	أرجو المساعدة يا أهل الخبرة في الكومبيوتر
عبودة, المفروض اخي يمشي الحال على شرح الأخ نبيه .. لانوا بجد شرحوا و البرنامج الأول كويسين لهيك شي .. nabih.aldiyab, الله يعطيك العافية شرحك ممتاز و البرنامج الأول كتير كويس ..

الكاتب:	أ. عبد الرزّاق [ الجمعة مايو 16, 2008 11:25 pm ]
عنوان المشاركة:	أرجو المساعدة يا أهل الخبرة في الكومبيوتر
nabih.aldiyab, والله ما بعرف كيف بدي عبرلك عن شكري واحترامي البرنامج الأول نزلتو وفحصت الجهاز متل ما قلت وبالفعل طلع فيروس تروجان بكل السواقات هلأ هون انحلت مشكلة أيقونات جهاز الكمبيوتر المتعددة وبحب قلك أني خيار فتح المجلدات الأخرى في نفس الإطار كنت مساوي متل ما حكيت بس كان يفتح عدة أيقونات وبعد الفحص متل ما قلت انحلت أول مشكلة وكانت فال خير بس المجلدات المخفية ما طلعت ..بعدها نزلت البرنامج التاني وهو أخف من الأول يعني نزل بسرعة و حملتو على الجهاز هيك لحتى خلص وبعدها عملت اعادة اقلاع والمفاجأة الحلوة متلك يا أخي أني المجلدات المخفية طلعت وهون عندي سؤال معليش تحملني عم غلبك معي الملفات اللي طلعو مع المجلدت المخفية اللي عاملن أنا بحذفن أو لأ علما أنو طلع أكتر من ملف مخفي وهنن نفسن بكل السواقات nabih.aldiyab, أنا ممنونك أخي وإن شاء الله يفرج عنك كل سوء متل ما فرحتني ويجبر خاطرك متل ما جبرت خاطري ما بتتصور قدي كنت مهموم وخايف على الجهاز .... وهي 1000 Obada Arwany, كمان بشكرك أخ عبادة على الرد الطيب والأصيل بضلو أصيل محبتي واحترامي لكما جزاكم الله الخير

الكاتب:	Obada Arwany [ الجمعة مايو 16, 2008 11:38 pm ]
عنوان المشاركة:	أرجو المساعدة يا أهل الخبرة في الكومبيوتر
عبودة, الحمدلله رب العالمين .. مشي الحال و مشان الملفات اللي طلعتلك هي ملفات نظام يمكن .. و حتى اذا خفيت الملفات المخفية بيروحوا .. و في بينن recycle و ما بعرف شو ارقام هدول عاديين ان شاءلله ,.,. و الف شكر للاخ نبيه على مساعدتك ... و انا ما عملت شي و ما كان بصراحة رح يطلع بايدي شي اكتر من الأخ نبيه فالله يجزيه الخير ..

الكاتب:	أ. عبد الرزّاق [ السبت مايو 17, 2008 12:22 am ]
عنوان المشاركة:	أرجو المساعدة يا أهل الخبرة في الكومبيوتر
اقتباس: الحمدلله رب العالمين .. مشي الحال و مشان الملفات اللي طلعتلك هي ملفات نظام يمكن .. و حتى اذا خفيت الملفات المخفية بيروحوا .. و في بينن recycle و ما بعرف شو ارقام هدول عاديين ان شاءلله ,.,. بالفعل أخ عبادة هدول ملفات نظام متل ماقلت لأن عملت استعادة الافتراضيات من بوابة خيارات المجلد/عرض ... وعملت عدم اظهار الملفات المخفية وهيك اختفو بس اللي جنني بهالفيروس أنو ملتصق بمجلدات النظام المخفية على كل حال بالأخير ظهر على شكل أيقونة مجلد فارغ مكتوب عليها اسمو وهلأ صار بخبركان المحذوف وغير المقدر وبحب نوه أنو الفيروس دخل على جهازي من فلاشة ( usb ) الله لا يسرلو Obada Arwany,

الكاتب:	nabih.aldiyab [ السبت مايو 17, 2008 2:36 pm ]
عنوان المشاركة:	أرجو المساعدة يا أهل الخبرة في الكومبيوتر
هلا بالشباب متل ماخبرتكم هذا انتي فيروس مجاني من شركة الدكتور ويب بس هوي بيعمل سكان للكمبيوتر ولما بتفتحو كل مرة بيطلب تحديث فيكم تحدثوه بس كل مرة بدكن تحدثوه بدو ينزل واحد جديد منه يعني 8 ميغا انا عندي انتي فيروس كامل بيحدث خلال الدقيقة الاولى من الاتصال بالانترنت اذا حدثته كل يومين قريبا رح نزله على المنتدى بس خلص فحوص عملي نحنا بخدمة الطيبين

الكاتب:	nabih.aldiyab [ السبت مايو 17, 2008 7:38 pm ]
عنوان المشاركة:	أرجو المساعدة يا أهل الخبرة في الكومبيوتر
http://www.art-en.com/forum/viewtopic.p ... a&start=26" onclick="window.open(this.href);return false; هدا الرابط مشان تعرف كيف بتحل مشكلة الريجيستري يعني شو بيشتغل البرنامج التاني اللي نزلته

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/