آرتين لتعليم اللغات :: مساعدة من طلاب السنة الثالثة

آرتين لتعليم اللغات https://forum.art-en.com/

مساعدة من طلاب السنة الثالثة https://forum.art-en.com/viewtopic.php?t=9554	صفحة 1 من 3

الكاتب:	josh133 [ الثلاثاء مايو 13, 2008 2:43 pm ]
عنوان المشاركة:	مساعدة من طلاب السنة الثالثة
بسم الله الرحمن الرحيم مرحبا هلق انا طالب سنة ثالثة و هاد آخر فصل اللي و عندي مشكلة كتير كبيرة انو انا مو حمص و المشكلة الأكبر انو عندي 10 مواد و ماعم بعرف شو بدي ادرس و شو هو المطلو ب و صعب اسأل عن كل مادة لحالها لانو الأعضاء ماراح يقدروا يجاوبوني عن كل هالأسئلة و بقي 17 يوم للفحص و عم بدرس من دون فائدة لانو مابعرف شو المطلوب و شلون نموذج الأسئلة و كيف كان نموذج الأسئلة بالفصل الأول فإذا بتقدروا تشوفولي حل لمشكلتي بكون لكم من الشاكرين

الكاتب:	Mohammed Diab [ الثلاثاء مايو 13, 2008 4:06 pm ]
عنوان المشاركة:	مساعدة من طلاب السنة الثالثة
السلام عليكم أخي للأسف مابقدر ساعدك لإني متخرج ... لكن بنصحك إنو ماتخاف وتترد أو ضيع حالك .... الخطوة الأولى : لازم حدن سنة تالتة يقلك شو الروايات والكتب المطلوبة . الخطوة التانية : حط برنامج الامتحان وشوف المواد اللي ناوي تقدمها . الخطوة التالتة : شوف وين فيه ضغط بالبرنامج يعني مادتين متتاليتن فورا , ودروس المادة التانية بالقطع . الخطوة الرابعة : شوف المادة الأسهل وتصفحها تصفح , لكن المادة الصعبة ركز على مواضيعها وعلى الدراسة النقدية إلها . الخطوة الخامسة : شوف أسئلة الدورات , إلا إذا صرح الدكتور بتغيير النموذج . الخطوة السادسة :دروس ولاتخاف وشو ماطلع معك منيح . الخطوة الأخيرة : وهذا مفتاح نجاحي بالمواد ( كل شي بتقراه كتبو , يعني قريت عن الرمزية بشي قصة , كتوب الرموز وجنبن كتوب الدلالات , وحطون على ورقة بحيث لما تراجع المادة بتلاقي موضوع الرمزية جاهز . أخيرا , وثاق بربك وعميل اللي عليك وراح تكون من الناجحين انشالله

الكاتب:	لجين [ الثلاثاء مايو 13, 2008 6:19 pm ]
عنوان المشاركة:	مساعدة من طلاب السنة الثالثة
josh133, ياريت تحددلي المواد يلي بدك تقدمها وانا المسا بردلك وبقلك شو تعمل بكل مادة ان شاء الله

الكاتب:	josh133 [ الثلاثاء مايو 13, 2008 10:22 pm ]
عنوان المشاركة:	مساعدة من طلاب السنة الثالثة
لجين شكرا كتير على تعاونك معي موادي هي 1- شعر فيكتوري 2- أدب أمريكي 3- لغة 4 4- منهجية البحث 5- تاريخ الأدب 6- مسرح عودة الملكية 7- نقد أدبي 8- مسرح شكسبير سنة ثانية 9- علم اللغة 5 - 6

الكاتب:	josh133 [ الثلاثاء مايو 13, 2008 10:25 pm ]
عنوان المشاركة:	مساعدة من طلاب السنة الثالثة
Mohammed Diab بشكرك كتير على نصائحك بس أظن من دون مساعدة طالب يكون عم يحضر المحاضرات ما راح أستفيد كتير لانو دراستي عشوائية برجع و بكرر شكري إلك و موفق بحياتك العملية

الكاتب:	Raghad [ الأربعاء مايو 14, 2008 12:55 am ]
عنوان المشاركة:	مساعدة من طلاب السنة الثالثة
josh133, والله كان بودي ساعدك بس بظن أنو أنسب حل هوة انو تجيب محاضرات من عند وضاح أو من الكوة ما بتفرق وتدرسن وإذا واجهت مشكلة أو أي سؤال هون الشعب أكيد ما رح يقصرو معك موفق ان شاء الله

الكاتب:	لجين [ الأربعاء مايو 14, 2008 1:00 am ]
عنوان المشاركة:	مساعدة من طلاب السنة الثالثة
josh133, اهلين فيك مرة تانية رح نبلش بمادة مادة.. اول شي الشعر الفكتوري: هي المادة لازم تكون فهمان كل القصائد يلي قال عنها الدكتور طبعا من شرح وصور بيانية وكل قصيدة من الشاعر يلي قالها ومن اي مدرسة فيك تستعين بالمحاضرات وعلى فكرة انا استفدت كتير من دراستي للمحاضرات بعد حضوري طبعا... والادب الامريكي: هاد مأساة بالنسبة الي لاني حملت المادة...بدك تدرس الروايات منيح كتير من اول وجديد وتركز على التعاليق والمواضيع بشكل كتييير كبير واكيد الشعر يلي موجود بالنوط... منهجية البحث: هي المادة رح تيجي اتمتة يعني في شغلات بدها حفظ وشغلات فهم...وطبعا الدكتورة متل مابتعرف حددت الصفحات المطلوبة..يعني انت من خلال دراستك للمادة رح تشوف وين الفقرات يلي بدها حفظ والفقرات يلي بدها فهم.. تاريخ الادب: كمان اتمتة متل الفصل الأول بدها قراءة بتركيز اكتر طبعا الفقرات يلي هو قراها وركز ع تواريخ ولادة كل شاعر أو كاتب كتير تكررت هي الأسئلة.. وكمان فكرة وهدف كل كتاب. مسرح عودة الملكية: متل مابتعرف هني مسرحيتين... بأول وحدة She Stoops to Conquer حدد الدكتور 3 مواضيع وبتاني مسرحية The Way of the World كمان 3 مواضيع نمط الأسئلة رح يكون بسيط. رح يجيب مجموعتين..أول مجموعة هي المجموعةA فيها موضوعين من اول مسرحية والمجموعة التانية هي المجموعة B فيها كمان موضوعين من تاني مسرحية وانت بتختار واحد من هون واحد من هون. سمعت انو رح تنزل المواضيع بالمكاتب والله أعلم.. النقد: في الو موضوع طويييييييل عريض اذا انتبهت موجود بهاد القسم(استفسارات عن النقد الأدبي فيك تدخل عليه وتلاقي كل شي بدك ياه وطريقة كتابة التعليق كمان بالامتحان) علم اللغة: بدها دراسة فهم وتركيز لانو رح تيجي اتمتة بالنسبة لمواد السنة التانية رح يردلك عليها عبادة... موفق واي خدمة تانية انا جاهزة

الكاتب:	Obada Arwany [ الأربعاء مايو 14, 2008 1:23 am ]
عنوان المشاركة:	مساعدة من طلاب السنة الثالثة
اقتباس: بالنسبة لمواد السنة التانية رح يردلك عليها عبادة... موفق واي خدمة تانية انا جاهزة يا رب لعينيك اخي انا رح حاول على قد الله ما بيعينني .. اقتباس: - لغة 4 هلق اخي مشان اللغة 4 ما في خوف باذن الله ادرس التشابترز اللي اخدتون ..و ما فيها شي باذن الله سهلة ومشان الصوتيات ..كمان نفس الشي بدك تشوف شو اخدتوا اقسام وتدرسن ..قراية ابو شريك ..يعني اقرا القسم كلو ..شوف شو المهم شو الفكرة و ان شاءالله سهلات ..و باذن الله هيك بتنجح معك واناهيك رح بعمل مشان المسرح .. ترى معك حق هيي تقيلة و صعبة .. بس شوف خيو ما في شي صعب بالدراسة ...و نا يمكن عم نظر عليك بس ماني احسن منك بس اللي مقتنع فيه رح قلك اياه عسا تستفيد منو شوف الأفلام تبع الروايات .. بعدين اقرا المقاطع اللي حددها الدكتور.. و بعدين اقرا النوط .. يعني هي بصراحة بتاكل وقت ..بس بدي تشتغل شغل رص .. يعني تقعد منيح بتلحق معك باذن الله يعني والله معك وقت ديق شوي ..بس شد على حالك يعني بدك تقعد بالساعات تصير ... ومشان الشعر اقرا القصيدة واحفظ الكلمات الغريبة ... و الفكرة العامة بس.. بعرف انو اللي قلتلك اياه صعب ..بس بتمنى كون خدمتك و بالتوفيق ان شاءالله يارب اخي .. و اذا في شي بدوا توضيح قلي .. سلام

الكاتب:	josh133 [ الأربعاء مايو 14, 2008 12:39 pm ]
عنوان المشاركة:	مساعدة من طلاب السنة الثالثة
لجين و عبادة مشكورين كتير و عذبتكم معي بس أظن ماراح أستفيد شي من اللي كتبتوه انا مقدر جهدكم معي بس المشكلة انتوا عم تقولوا متل ما حددوا الكاترة بس انا مابعرف شو حددوا الكاترة و لا بعرف شو كان نموذج الأسئلة الفصل الماضي بتشكركم كتير و أظن ماراح يمشي الحال حتى أروح على الجامعة و أسال الطلاب حتى يشرحولي شو المطلوب. انا من فترة طويلة مقطوع عن الجامعة لذلك ما بعرف شو عم بصير فيها و آسف اذا ضيعتلكم جهدكم

الكاتب:	josh133 [ الأربعاء مايو 14, 2008 12:43 pm ]
عنوان المشاركة:	مساعدة من طلاب السنة الثالثة
Raghad شكرا إلك على نصيحتك و بتمنالكم التوفيق

صفحة 1 من 3	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/