زكريا,
سؤالك بوجع القلب و رح قلك شو كان شعوري أنا ورفقاتي بهاليوم
أولاً: تمنينا إنو المحاضرة ما تخلص لأننا رح نفتقد المقاعد والدكاترة والطلاب والمواقف اللي بتصير بالمحاضرات
ثانياً:بعد ما طلعنا من المحاضرة كل وحدة فينا تذكرت أول يوم إلا بالجامعة
و زعلنا كتيير لأنو هداك اليوم كان وكأنو مبارح وتذكرنا قديش تغيرنا بهالأربع سنين.
وكل وحدة قعدت تتذكر أول محاضرة لمين كانت .......بالنسبة إلي كانت أول محاضرة بحضرها هي للدكتور نادر الله يرحمو وبتذكر إني حسيت بالإحباط لأنو ما فهمت شيوكنت مقررة اترك الإنكليزي .........اله ستر ما نفذت

بصراحة ما كنا حابين نطلع من الكلية لأننا فعلاً بهاليوم قديش حبينا الجامعة وكل الأيام اللي قضيناها فيها الحلوة و المرة

لما رجعت عالبيت صرت فكر إنو يا إلهي الزمن كيف بيمشي وكيف مراحل الحياة بتمر بدون ما نحس و سألت حالي يا ترى شو مخبيلنا المستقبل و شو رح يصير بعدين فينا ........كل واحد وحدة من طلاب الدفعة رح يروح من طريق وكل واحد رح يعيش حياة تانية خلينا نقول عنها حياة عملية .....عملية بحتة ومعقدة

بالنهاية أنا بعترف إني عشت أحلى الأيام بهالأربع سنين وما رح إنساهن أكيد وبتمنى لكل طلاب الدفعة التوفيق والنجاح بالحياة
و في شغلة كمان إنو رح اشتاق للدكاترة كتيييييير و بقلن الله يعطيكن ألف عافية.

أنا زعلااااااااااااااااااااااااانة

والله كلمات مؤثرة

انا من ناحيتي مانزلت يوم الاربعاء على الجامعة

مشان ماودع شلتنا

رح افتقدم كتير احبابي عمار2 وفواز ونوح ومصطفى وعبد المؤمن وعبيدة ومحمد وبدر وفراس بوجهلهم تحية كبيرة

هي الدنيا اللحظات الحلوة بسرعة بتنتهي

I Hope This Year Never Ends
I Hope This Year Never Ends
When The University Ends
The Memories Begin

Forward Comrades

ألاعين ابكي فان الدمع سلوان ........والعين باكية والقلب حيران


Alas

زكريا,
وعليكم السلام ورحمة الله وبركاته

أول شي بدي قلك انو كنت من مبارح بدي نزل موضوع مشابه بعنوان أبشع إحساس لأنو عنجد ما حدا بيقدر يتخيل الإحساس اللي صاب الطلاب هداك اليوم ما عاد في محاضرات ولا عاد نشوف طلاب دفعتنا صحي رح نرجع نشوف بعض بالامتحان بس بعدها؟؟؟
يااااااااااخ شو هالإحساس عنجد بشع كتير عنجد قضينا أحلى إيامنا بالجامعة و المواقف اللي تصير معنا ما رح ترجع بالمرة هالأيام كانت كتير حلوة عنجد بحلاوتها و بمرارها
بتمنى التوفيق لكل رفقاتي ... الحمويات والحووووومصيات وطبعا" لكل طلاب دفعتنا وان شاء الله منشوفكم بأعلى المراتب

لجين,
رح اشتقلكم كتيييييييييييييييير انتي و كل المشرفات الأيام الحلوة اللي قضيناها و الاجتماعات الخاصة بآرتين ما رح أنساها بالمرة و الآكشن اللي عملنا سوا ما رح ينتسى بنوووووب بتمنالكم التوفيق كلكم وهي حال الدنيا والحمدلله على كل شي

Raghad,
رغد حبيبتيييييي مشان الله حاج تحكي هيك
رح انضل نشوف بعض ورح نضل ع تواصل ورح نرجع نجتمع سواء بالجامعة او برا الجامعة ولايهمك والاكشن مارح يوقف وبكرة بتشوفي

بحبك رغد...

يا جماعة والله العظيم عقلي مابعرف شو بصيبو لما بفكر بالموضوع
انا من اكتر من شهرين حاسب حساب هاليوم بس ما كنت متوقع يجي بهالسرعة
كنت عم حاول لحق حالي لاترك بصمةاخوية حلوة عند اكبر عدد ممكن من الطلاب وحتى الطالبات لاننا بالنهاية قضينا اربع سنين سوى والسنة الرابعة كانت غير شكل يعني كنت حس اننا اسرة وحدة
بس انا عتبان على اللي ما تجاوبوا معي ورفضوا حتى التعارف (من المنتدى)وبظن انهم عرفوا حالهم على كل حال الله يسامحهن
مبارح بالليل شفت وانا نايم بليلة اخر يوم على قد ما فكرت بهاليوم شفت بالمنام اني واقف قدام الطلاب وعم قلهم يا طلاب الرابعة هذا اخر يوم الكم بهالجامعة فشو هو شعوركم ومن هون خطرلي اكتب هالموضوع
ولما كنا بالحديقة وعم نشوف هالطلاب والطالبات لك ااااااااااااااخ على هالايام ولله مارح تتعوض بس وقتها كنت مع رفيقي ودعيت دعوة من القلب قلت يا رب نتخرج على الاساسية وندرس دبلوم نحنا وكل شي منحبهم من الطلاب حتى نرجع هالايام
يا جماعة يمكن ما تصدقوا انه شب يشعر بهيك احاسيس بالعكس تماما انا من خلال دوامي اليومي بالجامعة وتعلقي برفقاتي كتير كتير تاثرت بالفرقة
وكان ختامها مسكا مع الدكتورة سلوى الوفائي الله يحفظها يعني رح تضل ذكرى اخر محاضرة بالجامعة
والله ما بعرف شو بدي اكتب وشو ما كتبت ما رح اقدر عبر عن اللي بقلبي والله
بس الي طلب وااااااااااااااحد وبتمنى من طلاب الرابعة يلبولي اياه
السنة الماضية لسا ما كان ارتين بهالقوة يعني نعتبر نحنا اول دفعة خريجين من ارتين فرجاء رجاء رجاء لا تنقطعوا عن المنتدى وخلوا يكون صلة الوصل بيننا وبتمنى من القائمين عليه انه يخصصولنا قسم او موضوع دائم لخريجي الدفعة الاولى
والله يوفقنا جميع @@@احببتكم احببتكم احببتكم وسابقى على حبكم يا اسرتي الغالية

عنجد أثرت فيّ ردودكن كتير
لأنكن متل رفقاتي....خطي قلبن كان رح يتقطع يوم الأربعا لك شو الأربعا..من التلاتا وهني مبلشين ندب

عنجد الصبايا فرطوني من الضحك يومتا..وكان عندي مشوار مستعجل..وما رضيو يطالعوني من الجامعة..إلا نقعد بالحديقة ونودع الوردات والكراسي والطاولات
يا حرام بربي مشاعرن أثرت فيّ مع اني بتمسح بهيك مواقف..خطي ما كانو يشبعوا من محاضرة الدكتور ابراهيم..ووقت خلصت المحاضرة حسيت قلبن انفطر
وشفت كيف طلاب الدفعة صارو يشتروا كلشي ناقصن من الكوة..وبعدين نازلين تصوير على أبو جنب

وكمان رفقاتي كانو بدن يتصورو..بس أنا بقلة مروتي أحبطتن
وكان رح يبلش البكي لأنن معد يشوفو الدكاترة.ومنين انفتحت قريحة تذكر أول محاضرة وأول يوم ما بعرف
وعدة مواقف اعتبروا ما بقا تنعاد

لك والله حبيت اتأثر..بس ما قدرت..كانت سعادتي غامرة اني رح اخلص من الجامعة...ومشوار الطريق
والفيقة بكير
علماً انو الشهادة لله هالفصل كتير ريحونا محاضرة باليوم وبس والأربعاء فقط فيقة بكير
بس يعني شعوري عنجد لا يمكن يكون إلا السعادة والهناء بالراحة بقا..والتخلص من الدوام والهم
يعني رفقاتي لسا بقدرشوفن كل يوم
وصح رح موت لأنو ما بقا شوف دكاترتي واسمع صوتن بس بالمقابل ما بقا احضر محاضرات
مممممممم يعني بصراحة أنا كنت مرتاحة ورايقة وناطرة هاليوم من زمان..وكان همي الوحيد اني ما ارسب وارجع عالجامعة
مع انو التكميلية صارت بجيبتي..والله ما رح يحرمني الآداب شهر الجاي

عالعموم بتضل مرحلة..وما راحت إلا ليجي غيرا..ومتل ما ودعنا الثانوية منودعا
بس الفرق عندي
انو روحي ضلت بمدرستي ومع رفقاتي ومعلماتي بالثانوية
وهلأ هم وانزاح عن قلبي بتركي للجامعة
بس يارب اتركا وما ارسب