آرتين لتعليم اللغات :: قاموس حلبي

آرتين لتعليم اللغات https://forum.art-en.com/

قاموس حلبي https://forum.art-en.com/viewtopic.php?t=8975	صفحة 1 من 6

الكاتب:	Mohammed jaz [ الأربعاء إبريل 16, 2008 3:45 pm ]
عنوان المشاركة:	قاموس حلبي
مرحبا شباب كيفكن أنا عندي إقتراح حلو إلكن هو إنو نساوي قاموس للكلمات الحلبية كل واحد بيدخل بحط كلمة بيعرفها وإذا الواحد سمع كلمة مابعرف شو معناها نحن منجاوبو شو رأيكن ؟ أنا رح أبدا سكرتون = خزانة شنق = صحن مشبكة \مشنقة = شك

الكاتب:	عبد الرحمن [ الأربعاء إبريل 16, 2008 5:02 pm ]
عنوان المشاركة:	قاموس حلبي
mohammed jaz, هههههههههههههههه والله ش حلو وليش بس حلبي خلينا نعمل لكل اللغات هههههههههه حاسس كأنو مو شباب دولة وحدة هههههه

الكاتب:	Mohammed jaz [ الأربعاء إبريل 16, 2008 5:40 pm ]
عنوان المشاركة:	قاموس حلبي
عبدالرحمن, اقتباس: هههههههههههههههه والله ش حلو وليش بس حلبي خلينا نعمل لكل اللغات هههههههههه حاسس كأنو مو شباب دولة وحدة هههههه والله أنا إلي علاقة بجمهوريتي جمهورية حلب بقى كل واحد يحط قاموس لجمهوريتو شو رأيكن ههههههههههه

الكاتب:	Mohammed jaz [ الخميس إبريل 17, 2008 10:49 am ]
عنوان المشاركة:	قاموس حلبي
غريب ما حدا نزل كلمات غيري يالله هلأ أنا رح أنزل غيرون شمشاي = ملعقة كبيرة فقيتها = أصدرت رائحة كريها كو = هذا كوهاك = ذلك عمالبقول = ع بقول

الكاتب:	شذى [ الخميس إبريل 17, 2008 3:38 pm ]
عنوان المشاركة:	قاموس حلبي
انتقل لقسم take break

الكاتب:	The king [ الخميس إبريل 17, 2008 4:13 pm ]
عنوان المشاركة:	قاموس حلبي
ههههههههههههههههههه حلوة الكلمات اللي حطيتا محمد طيب : أنا رح حط كلمات شوام كوني شامي بس أصلا نزلن عضو من قبل لهيك ما حلوة خليني فكر بكلمات وبحطن بعدين لنا عودة

الكاتب:	Mohammed jaz [ السبت إبريل 19, 2008 1:05 pm ]
عنوان المشاركة:	قاموس حلبي
اقتباس: لنا عودة مية السلامة اليوم شو بدي حط ؟؟؟؟؟؟؟؟؟؟؟ شلونك = كيفك كربيتة = كبريتة اشوو = شو صرماي = حذاء (أسف ) ههههههههههه بعد يومين بحط غيرون هلأ باااااااااااااااي

الكاتب:	نوارة [ السبت إبريل 19, 2008 3:06 pm ]
عنوان المشاركة:	قاموس حلبي
شو رأيك تدخل موسوعة غينيس اخ محمد ..ههههههههههه والله الحكي الحلبي راائع وهدول الك

الكاتب:	Mohammed jaz [ الثلاثاء إبريل 22, 2008 1:33 pm ]
عنوان المشاركة:	قاموس حلبي
نوارة, مشكورة اختي عالوردات اقتباس: شو رأيك تدخل موسوعة غينيس اخ محمد ..ههههههههههه ليش لأ شو ناقصني اقتباس: وهدول الك وهدول إلك عطيتك وحدة زيادة شوفي أنا أكرم منك هههههههههههههه وير رايح = إلى أين أنت ذاهب

الكاتب:	Nawara [ الأربعاء إبريل 23, 2008 6:17 am ]
عنوان المشاركة:	قاموس حلبي
دخيل الحلبيين شو ظريفين وبالحلبي أبوس روحن وهي كلمتين من عندي * فرشخانه يعني سفايه بالحموي *سلّاته يعني قشّاطه أو مساحه أنا بحب حلب وأهلها لأن أمي حبيبة قلبي حلبيه

صفحة 1 من 6	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/