آرتين لتعليم اللغات
https://forum.art-en.com/

القصة القصيرة سنة أولى
https://forum.art-en.com/viewtopic.php?t=8871		 صفحة 1 من 2
الكاتب:  mrm373 [ السبت إبريل 12, 2008 4:26 pm ]
عنوان المشاركة:  القصة القصيرة سنة أولى
السلام عليكم
ممكن سؤال لطلاب السنة الأولى انكليزي؟؟؟؟
في قصة الذراع الذاوية بآخر القصة بقول انو غرتيود توفت في البلدة بعد ثلاثة أيام
أما في محاضرة وضاح مكتوب إنها توفيت بالمشفى بعد ثلاثة أيام
إذا حدا من طلاب الأولى بيقدر يوضح هالنقطة
وشكرا
الكاتب:  هالي [ السبت إبريل 12, 2008 6:41 pm ]
عنوان المشاركة:  القصة القصيرة سنة أولى
انا برايي ترجع للقصة وما تدخل بهالمتاهات...... *1 *1
الكاتب:  رشوووش [ السبت إبريل 12, 2008 6:55 pm ]
عنوان المشاركة:  القصة القصيرة سنة أولى
يعني المشفى وين اكيد بالبلدة بس لازم تنتبه انو قصدو بالبلدة اللي هي فيها يعني مااااا رجعت عبلدتها
الكاتب:  mrm373 [ السبت إبريل 12, 2008 8:00 pm ]
عنوان المشاركة:  القصة القصيرة سنة أولى
أنا قصدي إنو بالامتحان راح يجي سؤال كالتالي:(مثال)
توفيت غرتيود بعد ثلاثة أيام في :
البلدة - المشفى - (.خيار ثالث)
بالقصة مكتوب بالبلدة
بمحاضرة وضاح مكتوب بالمشفى و طبعا المحاضرة مكتوبة متل حكي الدكتور
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الكاتب:  Adnan [ الأحد إبريل 13, 2008 12:00 am ]
عنوان المشاركة:  القصة القصيرة سنة أولى
mrm373,
اقتباس:
في قصة الذراع الذاوية بآخر القصة بقول انو غرتيود توفت في البلدة بعد ثلاثة أيام
أما في محاضرة وضاح مكتوب إنها توفيت بالمشفى بعد ثلاثة أيام
ما في مشكلة بالموضوع...بالمشفى اللي بالبلدة...وأنا برأيي تسألي الدكتور مزبوط؟....لاني طالما رحتي عوضاح فكان لازم يكون أقرب طريقك عالدكتور مزعل أول....
اقتباس:
بمحاضرة وضاح مكتوب بالمشفى و طبعا المحاضرة مكتوبة متل حكي الدكتور
:wink:
هلئ أنا برأيي انحلت المشكلة طالما انتي متأكدة انو الدكتور قالها بالمحاضرة
*1
بالتوفيق
الكاتب:  Adnan [ الأحد إبريل 13, 2008 12:06 am ]
عنوان المشاركة:  القصة القصيرة سنة أولى
اقتباس:

ياصاحب الهم إن الهم منفرجاً.....أبشر بخيرً فإن الفارج الله
الله يحدث بعد العسر ميسرةً.......لاتجزعً فإن الصانع الله
إذا بليت فثق بالله و رضى به.......إن الذي يكشف البلوى هو الله
فوالله مالك غير الله من أحدً........ فحسبك الله في كلً لك الله
هالي,
الله يسامحك على هالتوقيع شقد فيه أخطاء إملائية بتزعج وبتقهر الواحد خيرات الله :wink:
الكاتب:  هالي [ الأحد إبريل 13, 2008 1:43 pm ]
عنوان المشاركة:  القصة القصيرة سنة أولى
اقتباس:
بتزعج وبتقهر الواحد خيرات الله
هلق هاد الشي اللي زاعجك وقاهرك.......مو مستاهلة.....دير بالك على اعصابك :wink: :wink:



على كل حال مشكور اخي العزيز
الكاتب:  Adnan [ الأحد إبريل 13, 2008 5:55 pm ]
عنوان المشاركة:  القصة القصيرة سنة أولى
اقتباس:
دير بالك على اعصابك
هالي,
:mrgreen: ...أعصابي حديد...بس أكيد لازم ندير بالنا عاللغة العربية ونحرص عليها..مزبوط؟؟
يالله روحي ركيد عدلي التوقيعي ماعاجبني :mrgreen: ...عم امزح وعلى فكرة هادا كان توقيعي من شي ستة أشهر *1

بالتوفيق..انشالله...
*1
الكاتب:  Adnan [ الأحد إبريل 13, 2008 6:15 pm ]
عنوان المشاركة:  القصة القصيرة سنة أولى
هالي,
عدنا...أخت هالي رح قللك شو الاخطاء الموجودة بالتوقيع...ومعليش باخد الاذن من صاحب الموضوع حتى لو خرجت عن سياق النص :wink:
أول الشي رح قول انو طبيعي متل ما نحنا بقسم اللغة الانكليزية حريصين انو نستخدم اللغة الانكليزية على أصولها وقواعدها الصحيحة فأكيد لازم نكون أشد حرصا على اللغة العربية وإعرابها الصحيح قدر الامكان..,وأنا ماني عم برأ نفسي من التخبيص بالعربي...بس الكحل أحسن من العمى..ولازم نكون غيورين على اللغة العربية قدر الامكان...شورأيك بهالامحاضرة :mrgreen:
وهلئ رح قول الاخطاء
[quote]
إن الهم منفرجاً
[/quote]
ولي هادا خطأ فاحش...أكيد الخطأ هو...بكلمة منفرجا...فالكلمة هنا جاءت خبر إن وهي مرفوعة وليست منصوبة
[quote]
أبشر بخيرً
[/quote]
أبشر بخير...بتنوين الكسر طبعا وليس النصب...وذللك لانها سبقت بحرف جر
[quote]
لاتجزعً
[/quote]
....لاتجزعنّ...بالنون..وهذه نون التوكيد الثقيلة...وليس بالتنوين...
[quote]
و رضى به
[/quote]
انتي قصدك...(وارض به) لاني كلمة ورضى ليس لها أصل في العربية...وبالمناسبة يجب هنا حذف حرف العة وهو الالف المقصورة..وذللك لان الفعل هنا جاء كفعل أمر مبني على حذف حرف العلة....
[quote]
من أحدً
[/quote]
ولي ولي ولي..تلات مرات...ههه حرف الجر بجر سيارة مية طون معقول ما جر كلمة أحد... :mrgreen: ولذللك كلمة أحد...مجرورة بحرف الجر...وهنا يجب تشكيلها بتنوين الكسر لمناسبتها سياق الوزن الشعري....

وسامحوني على فلسفتي الزايدي...ولكن اقتضى التوضيح فكان ولله الحمد
الكاتب:  هالي [ الأحد إبريل 13, 2008 6:46 pm ]
عنوان المشاركة:  القصة القصيرة سنة أولى
اووووووووووووووف :evil: :evil: :evil: :evil:
هالي مذكر مو مؤنث......مذنب مو مذنبة...........
بعدين والله العظيم :evil: :evil: ماهو مبين ذكر......والواقف اللي لونو ازرق متل خازوق البحرة شو عم يساوي


قال روحي...وعدلي....واخت كمااااااااااااااااااان ههههههههههه
صفحة 1 من 2 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/