آرتين لتعليم اللغات
https://forum.art-en.com/

وهم الحب في الجامعات
https://forum.art-en.com/viewtopic.php?t=8025		 صفحة 1 من 3
الكاتب:  رامي احمد [ الاثنين مارس 17, 2008 6:35 pm ]
عنوان المشاركة:  وهم الحب في الجامعات
ما ان يدخل الشاب او الشابة الجامعة حتى يعتقد بان الحب بانتظاره ويبدأ ببناء الاوهام ولكن تتحطم الامال على صخور الواقع فكله بيضحك على كله والشاب المخادع هو من يأسر قلوب الحسناوات بكلامه المعسول وهناك ايضا من الفتيات من يتسلى بقلوب الشباب لتثبت لنفسها ولصديقاتها بانها محط اعجاب والكل بدو رضاها فعلا انها لتفاهات وقد وقعت ضحية احداهن والان انا اتجنب اي علاقة من اي نوع حتى لو كانت تحت بند الزمالة فلم اعد اثق باي فتاة على الاطلاق واعتبر ان الفتيات مجرد اشياء جميلة تصلح للمشاهدة فقط من بعيد لبعيد
ارجو ان لا تبخلوا بارائكم وردودكم
الكاتب:  ملاك [ الاثنين مارس 17, 2008 6:50 pm ]
عنوان المشاركة:  وهم الحب في الجامعات
إنت طلبت الآراء وكلامك بدل على إنو هي مشكلة عندك

إذا حبيت تاخد برأيي خود واسمعني رامي احمد, مو كل أصابيعك متل بعضا وكتير حتا من الفتيات بقولو نفس كلامك ما عاد نوثق بشب وكلن هيك
وما إلى آخره ...
بحب قلك إنو مو شرط إذا وقعت بمصيدة حب كاذب وخداع من الطرف الآخر يعني عدم تقبلك للطرف التاني كيف من كانت العلاقة . إنت ممكن تحتفظ برأيك بس هاد ما بيعني تتخلا عن زميلاتك بس لإنو بدر من وحدة كونها فتاة خطأ ما
إنت لربما تحتاج لزميلة أو زميل بشي جدا بسيط بفيدك بجامعتك ولا تقول إنو رح تطلع فين من بعيد لبعيد ، اصدف حدا إجا سألك عن الوقت ، عن موعد المحاضرة كذا ووقتا شي طبيعي إنك ترد بس هاد ما بيعني إنك دخلت بعلاقة ووهم إعجاب وحب
خلي صداقاتك سطحية ولا تتعمق بتريح حالك كتير وبنفس الوقت بتفرض احترامك على الآخرين بس لا تفكر إنو كلو متل بعضو .

وشكرا إلك
الكاتب:  Manaf [ الاثنين مارس 17, 2008 6:55 pm ]
عنوان المشاركة:  وهم الحب في الجامعات
ملاك, *1 *1 *1 *1
انا من رأيك
الكاتب:  ملاك [ الاثنين مارس 17, 2008 6:56 pm ]
عنوان المشاركة:  وهم الحب في الجامعات
manaf, شكرا إلك *1 *1 *1 *1 *1
الكاتب:  Maya [ الاثنين مارس 17, 2008 9:50 pm ]
عنوان المشاركة:  وهم الحب في الجامعات
اقتباس:
واعتبر ان الفتيات مجرد اشياء جميلة تصلح للمشاهدة فقط من بعيد لبعيد
*NOO *NOO *NOO *NOO *NOO
المسألة راجعة لشخصية الطالب وهدفو الي بدو اياه بعد الدراسة
يعني الي هدفو الدراسة مارح يوقع بهيك مطبات
*ورود *ورود
الكاتب:  رامي احمد [ الأربعاء مارس 19, 2008 3:31 am ]
عنوان المشاركة:  وهم الحب في الجامعات
لا اعتقد يا ملاك باني انا من عندي هكذا مشكلة لان لي كثير من الاصدقاء ويعانون نفس الوضع رغم ان والحمدلله نتمتع باخلاق عالية بالاضافة لوسامة الشكل ولكن كل هذا لم يشفع لنا لاننا مباشرين وما بنعرف نلف وندور وعنا شوية كرامة بينما هناك من الشباب من لا يملكون اي مقوم يذكر سوى كلامهم المعسول وطبعا هم يتركوا كرامتهم بالبيت بمجرد ان يدخلوا الجامعة يتمتعون بعلاقات واسعة مع اجمل الفتيات وبيتركوا واحدة وبيستلموا اخرى ولا اريد ان يفهم من كلامي اني اتمنى ان اكون مكانهم ولكن كان هدفي من علاقتي الفاشلة كان ارتباط وتكوين اسرة فقد توافرت اغلب المواصفات التي ابحث عنها بتلك الفتاة وايضا لا اعتقد بان المشكلة فيها بقدر ما هي بالمجتمع الذي يجعل تلك العلاقات كالتجارة عرض وطلب يعني كل ما زاد الطلب غلى ثمن العروض وذلك يتطلب من الشباب اللهاث وراء الفتيات وخاصة اذا كانت احداهن مميزة فالعلاقة تشرح بمعادلة كالاتي تنازل عن كرامتك بالبداية حتى تصل الى مرادك ومن ثم تتحكم انت بالامر وتذل الطرف الاخر وانا بصراحة لا احب ان اذل احدا او احد ان يذلني فلذلك دوما انا فاشل في علاقاتي بالجنس الاخر
الكاتب:  عامر الرشواني [ الأربعاء مارس 19, 2008 3:47 am ]
عنوان المشاركة:  وهم الحب في الجامعات
كل تعميم خاطئ حتى هذا التعميم
الكاتب:  Shara [ الأربعاء مارس 19, 2008 5:24 pm ]
عنوان المشاركة:  وهم الحب في الجامعات
يا رامي .. في عدة أمور يمكن مشوشة بذهنك مشان هيك عم تحكي بهالطريقة، رح قلك كم شغلة وبتمنى تسمعني:

1- انت عم تقول انك فاشل بعلاقاتك بالجنس الآخر لأنك ما بتعمل متل البقية وبتخدع البنات، بس يا ترى بتسمي هالشي فشل؟؟ يعني يللي بيخدعوا البنات رح ينجحوا بالنهاية؟؟ طبعاً لأ، لأنو حتى لو انتهت علاقتن بزواج فهدا الزواج مبني على باطل ومستحيل يستمر أو يكون ناجح، ما هيك؟

2- باينتك انسان حساس كتير ومشان هيك دغري فقدت الأمل ويئست من كل البنات، يمكن هيك طبيعتك بس بحب قلك انو أفكارك هي ما رح توصلك للي بدك ياه، يعني مو كل مرة واحد بينصدم بشي شغلة بيقوم بيقول ما رح عيدا بحياتي، يعني وقت يللي بترسبلك بشي مادة هل هالشي بيعني انو رح تقرر انك ما رح تقدم نفس المادة بحياتك؟؟

تعلم انو هالحياة عبارة عن تجارب أولاً بتكون فاشلة لحتى تتعلم منها وتوصل للنجاح، متل الطفل أول ما بيمشي بدو يوقع كتير قبل ما يعرف يمشي صح، صح؟؟

بتمنالك التوفيق *1
الكاتب:  Nawwar [ الأربعاء مارس 19, 2008 6:24 pm ]
عنوان المشاركة:  وهم الحب في الجامعات
رامي احمد,
اقتباس:
رغم ان والحمدلله نتمتع باخلاق عالية بالاضافة لوسامة الشكل
شو عم تعمل دعاية لحالك هلأ يعني؟؟؟؟؟
يالله والله حاسك سنة أولى ولسا ما فهمت الوضع منيح....أنا رح اعذرك
بس ان صرت من عمري بتفهم كل شي عم يصير معك
الكاتب:  عامر الرشواني [ الخميس مارس 20, 2008 12:47 am ]
عنوان المشاركة:  وهم الحب في الجامعات
Nawwar,


:mrgreen:
صفحة 1 من 3 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/