آرتين لتعليم اللغات
https://forum.art-en.com/

طلاب اللغة العربية بين التقليد والتجديد
https://forum.art-en.com/viewtopic.php?t=7266		 صفحة 1 من 1
الكاتب:  العقل زينة [ الأحد فبراير 24, 2008 4:06 pm ]
عنوان المشاركة:  طلاب اللغة العربية بين التقليد والتجديد
تحية الى جميع طلاب الاداب وخاصة اللغة العربية
بدخولي على قسم اللغة العربية لاحظت أنو كتير مواضيع هذا القسم محدودة باللغة باستثناء بعض المواضيع المهمة متل موضوع عاشقة العربية لطلاب السنة الثالثة وغيرو المهم انو وين المشاكل ليش مابنحكي عنا وين الظلم بالمواد وين الصعوبة وين اقتراحات الحلول وين مواضيع العصر ولا نحنا مشغولين بالاعراب وين الاداب العالمية ومشاركة كل واحد شو عم يطالع على كلن انا هدا رأي وبحب اسمع اخرون
الكاتب:  ديمة [ الأحد فبراير 24, 2008 6:06 pm ]
عنوان المشاركة:  طلاب اللغة العربية بين التقليد والتجديد
طبعا أختي رح تلاقي الموضوع هون محدد باللغة العربية لانك دخلتي على موضوع بخص فقط اللغة العربية واذا كنتي حابة تشوفي اداب عالمية معناها دخلتي غلط لهون واحنا مو قصة مشغولين بالاعراب الاعراب هو اساس اللغة العربية ومن صميم اختصاصنا ومهما عطينا من وقت احنا مقصرين بحقو كتير وبالنسبة النا الادب العربي عنا اهم الآداب العالمية اللغة العربية لغتي وأنا أعتز بها .
الكاتب:  عاشقة العربية [ الاثنين فبراير 25, 2008 1:04 am ]
عنوان المشاركة:  طلاب اللغة العربية بين التقليد والتجديد
العقل زينة,
أكيد الاعراب شي كتير مهم متل ما قالت ديمة ، بالنسبة لمناقشة المواد متل ما عم تقول فهالشي منتناقش في بموضوع السنة التالتة ، أما إذا غير سنة فبتقدر تنزل موضوعك ، بالنسبة للأدب بشكل عام في كتير أحيان عم يكون في موضوع عن عصر معين : جاهلي أموي ..... الخ بس أحيانا نفتقد المناقشة.
وبما إنك فتحت الموضوع فحابة قول إنو العربي منقدر متل ما عم نحط مواضيع أدبية بحتة يعني قراءة فقط منقدر نحط مواضيع نقاش كتحليل قصيدة أو أو ...
واللي معنا بالمنتدى وتحديدا طلاب العربي في أساتذة وطلاب وكمان هواة للغة يعني خبرات ومنقدر نفيد ونستفيد
بشكر موضوعك وبتمنى إنك تبدأ *1
الكاتب:  العقل زينة [ الاثنين فبراير 25, 2008 4:55 pm ]
عنوان المشاركة:  طلاب اللغة العربية بين التقليد والتجديد
بداية الى الاخت ديمة انا شبلازم يكون مبين ما وتاني شي ماني عم نقص قيمة الاعراب ابدا بس انو قصدي بالاضافة للمواضيع الادبية نضيف شي
وتاني شي الاخت عشقة العربية انا برأيي صف التالتة شي كتيير مليح بس كمان قصدي شي أعم لأنو بس التالتة عم يفوتو عليه اوكي
الكاتب:  ديمة [ الاثنين فبراير 25, 2008 5:00 pm ]
عنوان المشاركة:  طلاب اللغة العربية بين التقليد والتجديد
أولا العقل زينة للشب والبنت مو تاني شي الاعراب اساس اختصاصنا وشو بدك نضيف بموضوع للتالتة عربي غير المواضيع الادبية شو برايك مثلا ....
الكاتب:  العقل زينة [ الاثنين فبراير 25, 2008 5:05 pm ]
عنوان المشاركة:  طلاب اللغة العربية بين التقليد والتجديد
اكيد هوي العقل زينة للكل أكيد وساحة طلاب اللغة العربية للكل مو بس لسنة وحدي ما وبرجع قلك الاعراب شي رائع بس الاعراب مو ثقافة واكيد بعد ما خلصت فحص ما بعرف كنو كامشي كتاب اعراب وعم تقريه
الكاتب:  وتين [ الاثنين فبراير 25, 2008 7:13 pm ]
عنوان المشاركة:  طلاب اللغة العربية بين التقليد والتجديد
العقل زينة .....أول الشي بدي رحب فيك معنا بالمنتدى وبالساحة كمان

طبعا انا معك انو الساحة تفتقد للكثير من المواضيع اللي بتخص قسمنا بس يمكن لان عدد الاعضاء قليل شوي ومو من كل السنوات

و بماانو انفتح الموضوع فخلينا كلياتنا نهتم اكتر بالمناقشة اكثر من تنزيل المواضيع الأدبية

رأيك كتير باحترمو *1
اقتباس:
منقدر نحط مواضيع نقاش كتحليل قصيدة أو أو ...
واللي معنا بالمنتدى وتحديدا طلاب العربي في أساتذة وطلاب وكمان هواة للغة يعني خبرات ومنقدر نفيد ونستفيد


*good *good *good هاد اللي بدنا نوصلو *1
الكاتب:  العقل زينة [ الثلاثاء فبراير 26, 2008 9:43 pm ]
عنوان المشاركة:  طلاب اللغة العربية بين التقليد والتجديد
شكرا أفنان على الترحيب وهادا أكيد نابع من لطفك ومن روح الزمالة وانا ساعت ما كتبت هيك موضوع هادا من حرصي على التواصل بين كل الزملاء وهل المنتدى أتاح فرصة كنا فاقدينا وأنا بتمنى كلنا نهتم متل ما تفضلتي بهيك مواضيع ونعبر عن أفكارنا بكل أخوة ومحبة مرة جديدة شكرا الك
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/