هم الذين كتبوا ..
وهم الذين ألفوا ..
وهم الذين نزفوا ..
وهم الذين أمروني ، فأطعت ..
وحرضوني فصرخت ..
في كثير من الأحيان ، يتوهم الشاعر أنه سيد النص الذي
يكتبه ، في حين أن دوره الحقيقي في عملية الكتابة ، لا يتعدى
دور الممثل الذي يعيد كلمات الملقن ، ودور الأجير الذي يطيع
أوامر سيده ...
و لا بد لنا من الاعتراف ، أن أسيادنا ، وأسياد الأدب العربي
في هذه المرحلة ، هم أطفال الحجارة .
فهم الذين بعثروا أوراقنا .. ودلقوا الحبر على ثيابنا ..
وانتهكوا عذرية نصوصنا القديمة .. وطردونا من وراء مكاتبنا
المكيفة الهواء
ثم لا بد لنا من الاعتراف ـ وإن كان الاعتراف موجعا ـ أن أطفال
الحجارة ( بهدلونا ) .. نحن الكتاب العرب الذين كنا
نتصور أنفسنا آلهة تمشي على ورق ... وملوكا لا تغيب
الشمس عن قصائدهم ..
نحن لسنا في الحقيقة أكثر من ملوك من ورق ... كلماتهم
من ورق .. و أحلامهم من ورق .. وقصائدهم من ورق ..
أما الملوك الحقيقيون ، فهم هؤلاء الذين كتبوا بمشتقات
الدم .. وحبر الحرية .. وجعلوا لغة الحجر لغة دولية تتكلمها
كل شعوب العالم .
من هم أطفال الحجارة ؟
ماذا فعلوا بلغتنا ، بكلامنا ، بتعابيرنا ، بمفرداتنا ، بشعرنا
بنثرنا ، بذاكرتنا البلاغية ، بخطابنا الشعري اليومي و المألوف ؟
أهم ما في أطفال الحجارة أنهم قاموا بانقلاب في ذاكرتنا
الشعرية و اللغوية و القومية و الثقافية ، و أحدثوا ( خضة ) في دورتنا
الدموية .
قبلهم كنا في حالة غيبوبة ، فرشونا بخراطيم المياه ،
و أخرجونا من غرفة العناية الفائقة .
قبلهم ، كان الشارع العربي باردا كالأسماك المجلدة
فأعادوا إلى أطرافنا الدفء و الحرارة .
قبلهم كنا يتامى .. و جاءوا هم ، فأعطونا هوية الانتماء ،
و أعادوا إلينا أسماءنا العربية
و أهم ما في أطفال الحجارة :
أنهم حملوا إلينا المطر .. بعد عصور من العطش
وحملوا إلينا الشمس .. بعد عصور من الظلام .
وحملوا إلينا الأمل .. بعد عصور من الإحباط و الانكسار
أهم ما فيهم إنه خرجوا على ( سلطتنا الأبوية ) ..
وفروا من ( بيت الطاعة ) .. وخالفوا أوامرنا ووصايانا ،
وقرروا أن يحكوا جلدهم بأظافرهم ..
أهم ما فيهم ، أنهم لا يشبهوننا ولا نشبههم ..
ـ وهذا من حسن حظهم ـ وقرروا أن يقاتلوا على طريقتهم ،
ويعيشوا على طريقتهم ... ويموتوا على طريقتهم
أهم ما في أطفال الحجارة :
أنهم قلبوا الشاحنة التي كانت تسير بسرعة عشرة أمتار كل
أربعين سنة .. و التي كانت تسير على حطب الصبر ، واستبدلوها
بطائرة كونكورد تطير على نار الغضب

******

لقد ألغى أطفال الحجارة ، إجازات كل الشعراء العرب
و أجبروهم على أن يلبسوا الملابس المرقطة .. ويلتحقوا بالجبهة
أنا شخصيا قطعت إجازتي في سويسرا ، والتحقت بصفوفهم
لم يكن عندي خيار آخر
كان علي أن أكون معهم
أو أن أكون ضد الشعر .

******

إن الحجر الفلسطيني نسف إمارة الشعر من جذورها ، وصار
هو أمير الشعراء بلا منازع .
فالحجر الفلسطيني لم يكسر زجاج البيت الإسرائيلي فقط
وإنما كسر أيضا زجاج القصيدة العربية ، ووضعها أمام الأمر
الواقع ، وغير هويتها ، وخصائصها ، وملامحها الخارجية
و الداخلية

******

إنني أعتقد أن أطفال الحجارة ، نقلوا الشعر العربي من حال
إلى حال ، ومن مرحلة على مرحلة .
كما أعتقد أنهم أدخلوا الشعر العربي إلى حداثة من نوع
جديد ، هي حداثة المعاناة الواقعية التورية ، لا حداثة
الغموض ، و التغريب ، و الدهاليز الباطنية
وهكذا أسقط أطفال الحجارة ـ من جملة ما
أسقطوا ـ الخطاب الشعري القديم ، إلى جانب الخطاب السياسي
القديم ، وفتحوا أمامنا أبواب الثورة .. و الحرية .. و الحداثة
على مصراعيها .


هالكلمات لنزار قباني
وحبيت انقلكم ياهم كوني حاليا عم اقرا كتير الو متل هيك نوعية من القصائد والنثريات
ولقيت البعض مهتم بهالنوعية كمان متل هبة وبثينة وغيرهم
بقا يا ريت يعجبوكم

عصام
أكيد انا عن نفسي راح تعجبني كتير وبشعر بفخر كبير انو اطفالنا عملو هيك...
يسلمو على القصيده الرائعه جدا والواحد لما بيقراها ما بيعرف شو بدو يكتب ويعلق من روعتها ومن روعة الموضوع كلو......... نزار لطالما عجبتني قصائد كتيره لالو.......
صحيح لطالما هم اسياد الادب العربي الي كسروا كل تقاليد الشعر العربي وحركو الوجدان العربي الي انفقد... لك تسلم هاللغه ما احلاها وما اروعها الي راح تجبلنا الحريه والي الكل بيكتب فيها مره قلت للدكتور بالمحاضره بس بدون ما حدا يزعل لولا الشعب الفلسطيني لكان الحال العربي نايم وانو بفضلنا احنا الي فوقنا عندهم الشعور والضمير العربي رائعه بكل معنى الكلمه وانا كمان كان لازم كون معهم
رائعه جدا ويعيش ذاك الطفل الفلسطسني والحجر الفلسطيني الي غير معالم القصيده العربيه..

شكرا كتيييييييييييييييييييير ويسلمو إيديك على هالقصيده الرائعه
عصام,

Hiba.Sh,
والله بنطر ردك لحتى استلذ بقرائته
ولك هالضمير العربي شغلته شغلة
يعني بيفيق اوقات وبتحسي انو رح يعمل شي
بس لما عم نجي ع ارض الواقع بنلاقيه فاق لحتى يغير الوضعية مو اكتر
او بيفيق لحتى يشوف شي قضية تانية ويشجب شوي ويستنكر شوي قبل ما يرد ينام
لانو حاليا القضية الفلسطينية بشكل عام عم يخف الاهتمام فيها كونو الغرب بشكل عام عم يسعى لاشعال نار الفتن ببعض المناطق الاخرى لاشغال العرب فيها ولحتى يضعفنا

شكر لمرورك وردك الرائع متل العادة
........................................


كندا,
شكر لمرورك
..........

جميلة
واقتبست هذه السطور لأقول
عظيم منهم انهم ربوا الأظافر
أو ركبوها مثل حافر
فكيف يعدو خيلا أقدامه من
غير حافر

الله يكون معهم اذ بدهم يستنو أظافرنا ريثما ننزع الطلاء عنها مشكلة

جميلة
واقتبست هذه السطور لأقول
عظيم منهم انهم ربوا الأظافر
أو ركبوها مثل حافر
فكيف يعدو خيلا أقدامه من
غير حافر

الله يكون معهم اذ بدهم يستنو أظافرنا ريثما ننزع الطلاء عنها مشكلة

عصام,
مبرووووووووووووووووووووووووووووووك على الاشراف بتستحقو بكل معنى الكلمه

mare,
اي الحمد لله انو صاير عند الغالبية فيهم قناعة انو ما رح يستفيدو مننا بشي غير بتسطير الكلام والشجب والاستنكار
والدعوات الصادقة اكيد
شكر لكلماتك
............
Hiba.Sh,
الله يبارك فيكي يا رب بس بدي همتك عندي ها

عصام,
الله يسلم ايديك يا رب
غريب اني ما انتبهتلها من قبل .....

و الله يا عصام كانك متأمل كتير و بالحقيقة معك حق أنا كنت هيك بس أنا من جهتي بصراحة فقدت الأمل من الضمير العربي انو يصحى لأنو الو سنيييييييييييين نايم و مرتاح بنومو و صارت كتير زلازل كان لازم تهزوا و تصحيه بقا بس للأسف طالما هوي نايم بهالطريقة و حاطط شعار (كل مين ايدو الو ) فوق راسو ... بحياتو ما ح يحس و لا شي أبدا ح يقدر يصحيه

و بالنهاية وحتى لو صحي رح يكون الكل ضد انو يعمل شي و رح يوفقوا بوجهوا و يصدوا و يرجعوا ينيموه متل ما كان


عصام, بشكرك من كل قلبي على هالمواضيع الرائعة اللي بجد كلنا بحاجتها بس للأسف مو كتار اللي بيهتمولها

عصام, قصيدة مؤثرة كتير بس ملينا حكي واغاني واشعار بس جد قصيدة رائعة ومخجلة هاي اذا ضل في ذرة خجل كلامك صح هبة بس ياهبة ما شفت حدا فاق هبة لا تتاملي شي من الشعوب العربية خلي املك بالله تعالى لانو الناس يلي عندن ضمير ماتو والناس يلي فيهن خير ما بعيشو كتير يمكن عمرن قصير

Widad,

انا معك بلي قلتيه والحمد لله املي بالله كبييييييييييييييييييييييييييييييييييير
بس صدئيني لسه في عالم فيها ضمير بس لاحول لا قوة .....
والي عندو شوية ضمير أحسن من الي ما عندو شي..

وانا عن نفسي ما بستنى اي حدا لا يفيق الي بفيق بفيق لنفسه ليوم الحساب وبس
وشكرا كتير على تعليئك الحلو ...
الحلو بهالمنتدى إنو الواحد بيحاور عالم فهمانه وواعيه وخاطرها تغير مو بس تحكي شكرا لالك كتيييييييييير