بمناسبة انتهاء امتحانات الفصل الاول اهني كل طلاب السنة الثالثة انكليزي وانشالله بالتوفيق والنجاح للجميع والحمد لله خلصناااااااااااااااااااا

أبو عبيدة,
والله سبقتني
لانو انا كنت ناوي نزل موضوع مشابه لموضوعك بس لقيت في موضوع جاهز وباسم كل السنين مو بس التالتة

على كل الحمد لله على سلامتكم ياشباب وصبايا التالتة والله يعينكن عالنتايج سلفا

الله يسلمك اخ عصام ومبروك الخلاص من الامتحانات وبرأيي نحتاج لفترة نقاهة لاتقل عن اسبوع للتخلص من الأثار النفسية للإمتحانات

لك والله لهلأ ما مصدق اني خلصت كل موادي وعندي احساس انو بعد كم يوم بدي قدم شي مادة جديدة
لك حتى وانا طالع من الجامعة حسيت حالي ناقصني شي لاني ما مريت عالمكتبة وشفت اذا نازل شي جديد لك والله هالشغلة مصيبة لانو تعودنا عالسهر وعلى نظام معين بقا بين ما نتأقلم مع الجو الطبيعي هلأ بيكون الفصل التاني بلش وبدنا نرد نتاقلم مع جو الدراسة والجامعة اي والله صرنا بزمن الخلاص من الامتحانات فيه بدو مباركة واقامة افراح وليالي ملاح

والله لازم نعمل مولد اقل شي بهل مناسبة شو رأيك ؟

الف مبروك عالخلاص من الفحص ... ماني فرحانة كتير لأن بعرف شو جاييني الفصل الجاي كزا طعش مادة
يلا المهم آخر مادة كانت سهلة يعني ختامها مسك .... قال الاحد رح تبلش النتائج تطلع
عم امزح ... خلص هلأ بدنا ننسى شوي العلم والدراسة وخلونا نلتفت للشغلات الاهم

مبروك
بس بقى ننطر العلامات

الحمد عالسلامة بانتهاء الامتحانات وانشالله عقبال النجاح والتفوق يارب