مرحبا يا جماعة بوح المشاعر
اليوم خطرتلي لعبة حابة إلعبا معكن
ما خطرتلي بسبب موهبتي الفذة لا بالعكس
السبب اني من يومين كتبت خاطرة ولهلأ ما قدرت كملا
لا من ناحية الكلمات ولا من ناحية الفكرة...ما عرفت حتى إذا بدي اعمل النهاية حزينة أما سعيدة......فخطرلي اطرحا بالمنتدى..وكل من لديه ملكة الكتابة بيقدر يشارك
خلينا نجرب انو كل واحد يكملا على طريقتو..ولنشوف أي خاتمة رح تكون أحلى
الموهوب أكتر.........نحنا رح نحكم عليه
الخاطرة هي:
أخشى ما أخشاه
أن أسمع طرقاً على باب قلبي
لأفتح وأجد الريح
أن ابتهج وأفرح لمن يطلب حبي
لأفتح وأجد الريح
أن احلم بالكثير وأرفع يدي شاكرةً ربي
لأفتح وأجد الريح
أخشى ما أخشاه
أن أقرء كلماتٍ من ذهب
تحاول أن تشرعن احتلالها لقلبي
أن أودع الحزن وأنسى الكرب
مغلقةً الباب على آلامٍ طالت بقربي
أن أعيد طلاء الرماد والحطب
وأجد أن السعد أبعد من سمائي وسحبي
بس لا حدا يقلي ما بيقدر لأنو ما عايش التجربة الشعورية..هون الاختبار للقدرة عالنظم والتقفية..وإيجاد الفكرة المناسبة..........يلا شدو حيلكن
