يعني بصراحة ما بعرف ليش كل هالتوقعات بخصوص المساعدة او ظلم الطلاب . أنا و بعد تجربتي الطويلة بالكلية و احتكاكي سواء مع الطلاب أو مع الدكاترة و الإداريين .. بآمن انو الطالب اللي كاتب منيح .. بعمرو ما بيرسب , يعني اللي بحقلو ينجح أكيد رح ينجح .. مع أي دكتور كان .

الفرق بين ببساطة هو شقد ممكن يتساهل مع الطالب كل واحد فيهم . و تأكدوا أنو التساهل عبارة عن علامات تمنح للطالب بدون ما يستحقها حقيقةً . و أكيد هاد الشي يشكرون عليه الدكاترة . و هيك حالات بيعملوها بعض الدكاترة وقت بكون الطالب باقيلو كم علامة لينجح المادة .
أما طالب يعني ما كاتب ترجمة تجبلو ولا حتى 10 علامة . و بيعطي الدكتور 20 علامة مشان ينجحو .. فما بالكم بالدكتور اللي عم يضيف 20 او 25 علامة للطالب ! منين عم يجو هدول ؟ و لسا بدكم اكتر ؟

يعني معلش الواحد يحكي اللي الو و اللي عليه !

و ازا ... ازا كان في أي حق الدكتور فهو بكون بمستوى الأسئلة اللي عم يحطها مقابل جودة المحاضرات اللي عم يقدمها . يعني ازا دكتور عم يعطي المحاضرة بشكل مبسط و واضح جدا .. و عم يدير بالو ع الطلاب و اللي عندو سؤال بجاوبو و الخ ... أنا ما بعتب عليه وقت بجيب أسئلة شاملة لمحاضرتو بهدف يشوف مين الفهمان و مين اللي عم يحفظ بصم فقط و مين اللي ما عم يحضر و ما سألان أصلا و بيجي آخر الفصل بس بدو يقرا المحاضرات و ينجح . و العكس صحيح طبعا , يعني الدكتور اللي محاضرتو مانها بهالمستوى المطلوب و فايت عم يقرا شي كم ورقة بإيدو قرايه و يمشي بدون ما يهتم للطلاب ان فهمو ولا لأ أو ان كان الشي اللي عم يقدمو من مستواهم أو لأ , فهاد أكيد ظلم كبير وقت بحط أسئلة مستواها أعلى من اللي قدمو بالمحاضرات .

و بالآخر هاد رأيي و كل واحد الو رأيو و تجربتو .

و أكيد أكيد .. ما بتمنى إلا التوفيق و النجاح للجميع خصوصاً بهالفترة .