شكرا الك بورشيا و محمد و كل الي باركولي
نحنا عننا لغويات تطبيقية مزبوط و هو الماستر الوحيد من نوعو بسوريا ... عنا بيطلبولو اعلى شي بالعادة و هو عملي اكتر بالحياة و مرغوب اكتر من الغويات العامة لاننو الو علاقة مباشرة م التدريس و تطبيق هاللغة بالحياة

اقل واح انقبل بالشام كان معدللو 67 و بالمتحان 45
اقل معدل تفاضلي كان 58

انا جبت بالمتحان 60 تاني اعلى علامة و معدلى 69 فانقبلت تالت واحد باللغويات التطبيقية

علما اننو عننا طلبو 12 غير 3 موازي لكل ماستر فالفرص كانت عننا اقوى بكتييييييييييييييييير و خاصة اننو الامتحان كتابي ف 70 بالمية من الطلاب جابو تحت 40 او رسبو بالمقالة فطلعو من المعادلة
اي شي كمان انا جاهز

ماجستير اللغويات التطبيقية:-إدارة التعليم
- علم اللغة النفسي
- دور علم النفس في تعليم اللغة
- تحليل الخطاب و البراغماتية
- استخدام الحاسوب في تعليم اللغة الانكليزية
- القياس و التقويم

ماجستير اللغويات:-لغويات عامة
- علم اللغة الاجتماعي
- علم المعاني
- دراسات لغوية
- منهجية البحث
- علم اللغة النفسي
- دور علم النفس في تعليم اللغة
- تحليل الخطاب و البراغماتية

ماجستير الأدبيات:-أدب أميركي
- مسرح
- منهجية البحث
- نثر
- شعر
- دراسات في الأدب
-نقد أدبي

شكرا كتير لإلك ع المعلومات القيمة اولا ولانك خليتني اتفاءل تانيا لاني ناوية قدم ع الماجستير بالشام
بس ولو اني تقلت عليك بدي اسأل ع طبيعة الاسئلة لانو متل ما فهمت انها بتختلف عن أسئلة حمص يعني المقال كان عن شو
موفق

ما في مشكلة تكرمي ......

الامتحان كان 4 اقسام .. كل قسم له توقيته الخاص و بيتسلم بعد ما تخلصو قبل ما تروح علي بعدو .....

القسم الأول :

10 اسئلة اختبار ذكاء ( كل نص سؤال كان بحجم نص صفحة و 5 خيارات بعدو )
المدة 20 دقيقة .
10 علامات


القسم التاني :

15 سؤال في الأدب بشكل عام ( 4 منن كانو عن اربع قصائد ) و مقطع من رواية و عليه كم سؤال نقدي ... و كمان كم سؤال من تاريخ الادب بشكل عام

المدة : 30 دقيقة
15 علامة


بعدين في بريك اعلاني طلعنا شربنا قهوة و رجعنا بسرعه



القسم التالت : ( الابداع اللغوي )

ترجمة من لغة ما أحنبية الى الانكليزية و العكس

جابونا 10 جمل من لغة ما منعرفا مترجمين للانكليزي و على ضوء هالشي بدك ترجم 3 حمل من هاللغة هاي للانكليزي و جملتين من الانكليزي للغة هاي

المدة 30 دقيقة ( و ع فكرة منعونا نكتب ع ورقة الامتحان اي شي ابدا ....
15 علامة



القسم الرابع :

كتابة مقال من 600 كلمة
المدة : 90 دقيقة
60 علامة
شرط ان تحص على 30 من 60 في المقال و لا بتطلع من كل المعادلة حتى لو كان معدلك ألف متل ما صار و مع وحدة معدلها82 و ما طلعلها ماجستير لاننو رسبت بالمقال...


النتائج ظلت شهر لطلعت و 70 % من الطلاب جابو تحت 40 يعني ما انقبلو

و كان في صدمات كتييييييير لناس معدلاتن عالية و ما انقبلو
يعني اقلبت الموازين


انا الحمد لله كتبت منيح بالمقال ودبرت حالي


الله يوفق الجميع

شكراً جزيلاً للموضوع الرائع أخي العزيز آدم
وموفق بدراستك انشالله

شكرا كثير ع المعلومات

ما كنت عارفة انو كثير صعب بالشام

thx