آرتين لتعليم اللغات
https://forum.art-en.com/

فيما يتعلق بتأجيل مواد غدا الخميس
https://forum.art-en.com/viewtopic.php?t=25425		 صفحة 1 من 3
الكاتب:  عصام [ الأربعاء سبتمبر 07, 2011 10:13 pm ]
عنوان المشاركة:  فيما يتعلق بتأجيل مواد غدا الخميس
اليوم الأربعاء ولعدم تمكن عدد كبير من الموظفين الوصول للجامعة تم تأجيل مواد كلية الاداب لتاريخ 18-9 وسيتم التأكيد على هذا التاريخ لاحقا :arrow:
وفيما يتعلق بمواد غدا الخميس فاول فترة مابقدر اني قلن اتاجلت او لأ لانو ماحدا بيقدر يتحكم بهالشي وبكرا الصبح ليبان شو الوضع
بس الفترة التانية (الساعة 11.5) فانشالله بنزل رد اول ما بخبر بالجامعة انو اجلوها او بقيت قائمة على حالها
الله يحمي الجميع
وبالتوفيق يارب *1
الكاتب:  Nastia [ الأربعاء سبتمبر 07, 2011 10:32 pm ]
عنوان المشاركة:  فيما يتعلق بتأجيل مواد غدا الخميس
شكرا عجهودك عصام بس شو مشان يلي بيجو من أماكن بعيدةيعني أنا مثلا لازم اطلع من بيتي الساعة ٩ مشان قدم فحص الساعة ١١....؟!
الكاتب:  ameer [ الأربعاء سبتمبر 07, 2011 11:18 pm ]
عنوان المشاركة:  فيما يتعلق بتأجيل مواد غدا الخميس
عصام وشو مشاني انا من حلب لازم اطلع من البيت الساعة سبعة لحتى الحق المادة شو اعمل بليييز خبرني وبدي اسئلك في شي خطورة علي اذا جيت والله الواحد صار يخاف هوّ صحيح الي كاتبو الله رح يصير بس نحن لازم ناخد بالاسباب وما نرمي حالنا بالنار ونقول اللي كاتبو الله بيصير
انا عندي امريكي بكرا الساعة 11:30وماني عرفان اجي ولا لأ ياجماعة انصحونا انتو يلي بحمص
كل الشكر الك عصام على مجهودك الكبير معنا والله يختار الخير
الكاتب:  عصام [ الخميس سبتمبر 08, 2011 12:10 am ]
عنوان المشاركة:  فيما يتعلق بتأجيل مواد غدا الخميس
شو مشان فوالله هي شغلة مو بالايد لانو بلحظة بيكون الجو هادي وبلحظة تانية بتكون انقلبت الأحوال
مافينا نقول للكلية أجلولنا امتحانات كرمال هالاحداث لانو عندن مواعيد بدن يمشو عليها واليوم اللي فاد الطلاب انو الموظفين انفسهم غاب قسم كبير منهم ولو انو كانو الموظفين موجودين لكان الفحص انعمل ولو كان عدد المتقدمين عشرات فقط

بكرا حيكون في تشييع شهداء اليوم والله العليم باللي حيصير

وفيما يتعلق بحادثة اطلاق النار اللي صارت اول مبارح بالجامعة على احد الطلاب
فاللي صار انو احد الطلاب كان عم بيمارس أحد وسائل الغش بالامتحان ولما كشفه احد الموظفين بالاداب حاول يمسكو فهرب الطالب وخرج من باب الاداب الخلفي وركض باتجاه كلية العلوم وهالحكي طبعا من ناحية الجسر وكان الموظف عم يركض ورا هالطالب ليمسكو ولما شاف الحرس هالطالب راكض وهالموظف وراه عم ينده وقفوه استخدم السلاح مباشرة وصاب هالطالب بايدو ومسكوه
وشو بدو يحكي الواحد يحكي ليحكي والله ماني عرفان
في شي اسمو وعي للي عم بيصير :roll:
هالموظف خلص فينو يعرف اسم الطالب من تفقد اسماء القاعة وبتصدر بحقو عقوبة امتحانية بدل مايركض وراه ليمسكو وكان ممكن يحمل برقبتو ذنب قتلو
وكمان بينحط حق على هالحارس اللي استخدم السلاح الحي مباشرة بدون وعي وكان ممكن يقتل الطالب
هاد التسرع هو اللي بيأدى لتأزم الوضع بكتير حالات وهو اللي عم يحرقنا للأسف :roll:
الكاتب:  مرح [ الخميس سبتمبر 08, 2011 12:51 am ]
عنوان المشاركة:  فيما يتعلق بتأجيل مواد غدا الخميس
"وقفوه استخدم السلاح مباشرة وصاب هالطالب بايدو ومسكو""


شو هاد!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يا ربي أنا ما عم استوعب
كانت تصير السرقة و التحرش و ما يفتح الحرس تمن هلأ صار يقوص عطالب بس لأن عم يركض
يا ربي شو عم يصير بهالدنيا!!!!!
بس لا تقولولي أكيد هالحرس رح يتحاسب :roll:
منيح ما جبلوا دبابة كمان
الكاتب:  رشا [ الخميس سبتمبر 08, 2011 4:23 am ]
عنوان المشاركة:  فيما يتعلق بتأجيل مواد غدا الخميس
شكرا لجهودك عصام ولا تلومو الحارس لانو كترانين المندسين والحمدلله عسلامة الطالب وشكرا مرة تانية لجهودكن
الكاتب:  Python [ الخميس سبتمبر 08, 2011 5:30 am ]
عنوان المشاركة:  فيما يتعلق بتأجيل مواد غدا الخميس
ياستي مارح يتحاسب لإنه اكيد الطالب كان شايل شي قطعة سلاح أو شي حزام ناسف مو معقولة قوصه بس لأن كان عم يركض
الحمدلله عدت على خير
الكاتب:  دانيا [ الخميس سبتمبر 08, 2011 9:16 am ]
عنوان المشاركة:  فيما يتعلق بتأجيل مواد غدا الخميس
مشكور عصام
بالنسبة ألي معد أركض
الكاتب:  عصام [ الخميس سبتمبر 08, 2011 9:30 am ]
عنوان المشاركة:  فيما يتعلق بتأجيل مواد غدا الخميس
ماتم تاجيل شي ومواد الفترة الاولى حاليا الطلاب اللي راحو عالجامعة عم بيقدموها
معناتو بقية الامتحانات اليوم عالاغلب انو يتم تقديمها عادي :roll:
الله بيعوض عاللي ماراح ويوفق اللي قدر يروح
الكاتب:  يارا العلي [ الخميس سبتمبر 08, 2011 9:45 am ]
عنوان المشاركة:  فيما يتعلق بتأجيل مواد غدا الخميس
اقتباس:
ماتم تاجيل شي ومواد الفترة الاولى حاليا الطلاب اللي راحو عالجامعة عم بيقدموها
معناتو بقية الامتحانات اليوم عالاغلب انو يتم تقديمها عادي  
الله بيعوض عاللي ماراح ويوفق اللي قدر يروح
آمين يارب..
بس هالحكي بيعني إنو الأوضاع منيحة وهاديـــــة اليوم بحمص ؟؟؟ *ممم :roll:
انشالله يارب..
الله يحميكن جميعا...ويوفق جميع الطلاب اللي عم بيقدموا امتحاناتهن *ورود *ورود
والله يعطيك ألف عافية عصام على متابعتك واهتمامك الحلو.. *1
صفحة 1 من 3 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/