آرتين لتعليم اللغات
https://forum.art-en.com/

مساعدة وطلب لأخوكم حلواني بخصوص ماجستير التخصص
https://forum.art-en.com/viewtopic.php?t=25385		 صفحة 1 من 1
الكاتب:  حلواني [ السبت سبتمبر 03, 2011 4:40 pm ]
عنوان المشاركة:  مساعدة وطلب لأخوكم حلواني بخصوص ماجستير التخصص
[align=center]بدايةً تحية طيبة وبعد,
عندي أستفسار وحابب حدا يعطيني الجواب الكافي
هلأ بخصوص ماجستير التخصص بيلزمو شي فحص مقدرة لغوية ؟؟
تانية شغلة أزا سجلت مثلاً ترجمة بالشام بقصد المعهد العالي وبحمص ماجستير الترجمة
بيصير ولا لا

وبدي أسال عن الكتاب او الشي الي لازم نقراه مشان نجتاز الاختبار الكتابي والشفهي اسم كتاب يعني انا عندي هلا
Techniques and priciples in language teaching-Diane Larsen
منيح هالكتاب بيكفي يعني

وسؤال أخير
بدي أعرف طبيعة الاسالة كيف كانت بالاختبار وهل هو تحريري او اتمتة, وبالمقابلة شو بيسالو ياريت حدا بيخدمني[/align][/b]
الكاتب:  زمردة [ السبت سبتمبر 03, 2011 10:16 pm ]
عنوان المشاركة:  مساعدة وطلب لأخوكم حلواني بخصوص ماجستير التخصص
اقتباس:
هلأ بخصوص ماجستير التخصص بيلزمو شي فحص مقدرة لغوية ؟؟
الاختبار الكتابي والشفوي لماجستيرات التأهيل والتخصص بكون الحكم الفاصل للمقدرة اللغوية للمتقدم ... لأن نتيجة هالاختبارين بتنضاف للمعدل العام والمعدل النهائي بيرتفع أو بينخفض حسب نتيجة الاختبارين الشفهي والكتابي والأفضلية طبعاً لأصحاب المقدرة اللغوية الأفضل والأقوى ...
اقتباس:
تانية شغلة أزا سجلت مثلاً ترجمة بالشام بقصد المعهد العالي وبحمص ماجستير الترجمة
بيصير ولا لا
أخي بحمص مافي ماجستير ترجمة لحد السنة الماضي ومافي أي اعلان جديد بهالخصوص ... الموجود حالياً بجامعة البعث دبلوم ترجمة ...
وبتصور ما بحقلك تقدم على ماجستيرات ودبلومات التأهيل والتخصص والدراسات العليا بأكتر من جامعة
وبالمناسبة امتحان ماجستير الترجمة بالمعهد الهالي للغات بالشام دقيق جداً وبيشمل فحص شفهي وكتابي باللغتين العربية والانكليزية ... إن شاء الله قريباً بنزل نموذج عن الأسئلة ...
اقتباس:
وبدي أسال عن الكتاب او الشي الي لازم نقراه مشان نجتاز الاختبار الكتابي والشفهي اسم كتاب يعني انا عندي هلا
Techniques and priciples in language teaching-Diane Larsen
منيح هالكتاب بيكفي يعني
الحقيقة ما عندي فكرة عن هالكتاب ... لكن بشكل عام اللي بفيدك بهيك حالة أكتر شي هني أسئلة الدوارت لامتحان القيد في الماجستير لغير المختصين -لأن مو متوفر للمختصين للأسف- بنصحك تحصل على نسخة وتآخد فكرة وتحلهم بالإضافة لكتاب التوفل بفيد وأي أسئلة اختبار مستوى بالانترنت بتأدي الغرض المطلوب ... وما تلبك حالك بأشياء ما رح تكون مطلوبة بالامتحان ...
اقتباس:
وسؤال أخير
بدي أعرف طبيعة الاسالة كيف كانت بالاختبار وهل هو تحريري او اتمتة, وبالمقابلة شو بيسالو ياريت حدا بيخدمني
طبعاً الأسئلة دائما أتمتة بتكون ... وبالمقابلة بيختبروا طلاقتك باللغة وسلامتها ...

الموضوع التالي فيه معلومات بتفيدك وبتلاقي فيه كتير من الأجوبة لأسئلتك
viewtopic.php?f=115&t=22119

بالإضافة لموضوع السنة الماضية في ردود ممكن تكون بتهمك
viewtopic.php?f=115&t=21941

إعلانات الدراسات العليا 2011-2012 على الأغلب تطلع هي السنة بآخر الشهر التاسع

بالتوفيق للجميع إن شاء الله
الكاتب:  حلواني [ السبت سبتمبر 03, 2011 11:59 pm ]
عنوان المشاركة:  مساعدة وطلب لأخوكم حلواني بخصوص ماجستير التخصص
[align=center]بشكرك كتييييييييير أزميلتي زمردة على هذه المعلومات الي فدتيني فيها كتييييير
بي انا بقصد بالمقدرة اللغوية هي هي الي بندفع عليها رسم 500 عرفتيا ماهيك؟[/align]



الحقيقة ما عندي فكرة عن هالكتاب ... لكن بشكل عام اللي بفيدك بهيك حالة أكتر شي هني أسئلة الدوارت لامتحان القيد في الماجستير لغير المختصين -لأن مو متوفر للمختصين للأسف- بنصحك تحصل على نسخة وتآخد فكرة وتحلهم بالإضافة لكتاب التوفل بفيد وأي أسئلة اختبار مستوى بالانترنت بتأدي الغرض المطلوب ... وما تلبك حالك بأشياء ما رح تكون مطلوبة بالامتحان ...
اقتباس:
الحقيقة ما عندي فكرة عن هالكتاب ... لكن بشكل عام اللي بفيدك بهيك حالة أكتر شي هني أسئلة الدوارت لامتحان القيد في الماجستير لغير المختصين -لأن مو متوفر للمختصين للأسف- بنصحك تحصل على نسخة وتآخد فكرة وتحلهم بالإضافة لكتاب التوفل بفيد وأي أسئلة اختبار مستوى بالانترنت بتأدي الغرض المطلوب ... وما تلبك حالك بأشياء ما رح تكون مطلوبة بالامتحان ...

[align=center]مابعرف من وين بدي جيبها هدول صراحة :(, وأيا كتاب التوفل بتقصدي فيه؟؟,
وياريت طلب صغير ازا عندك مواقع لهالاختبار تكتبيلياها هون :oops: :oops:[/align]

طبعاً الأسئلة دائما أتمتة بتكون ... وبالمقابلة بيختبروا طلاقتك باللغة وسلامتها ...
اقتباس:
طبعاً الأسئلة دائما أتمتة بتكون ... وبالمقابلة بيختبروا طلاقتك باللغة وسلامتها ...
[align=center]هلأ بس لو بعرف شو بيسألوا بالمقابلة مشان ما أدخل مصدوم صديقتي زمردة
وكيف نمط الاسئلة, لحتى جهز حالي منيح
وياريت لو بتأدري بترفعي لهون نموذج لهالامتحان التخصص السنة الماضية والله هيك بتفيديني
وبشكرك جزيل الشكر[/align]
الكاتب:  زمردة [ الاثنين سبتمبر 05, 2011 10:21 pm ]
عنوان المشاركة:  مساعدة وطلب لأخوكم حلواني بخصوص ماجستير التخصص
اقتباس:
انا بقصد بالمقدرة اللغوية هي هي الي بندفع عليها رسم 500 عرفتيا ماهيك؟
يعني بتقصد امتحان القيد للماجستير الخاص بالدراسات العليا؟ لأن في امتحان مخصص للغة لماجستير الدراسات العليا وامتحان تاني خاص لماجستير التأهيل والتخصص وتقريباً قريبين من بعض والهم نفس الهدف باختبار المقدرة اللغوية ...
اقتباس:
مابعرف من وين بدي جيبها هدول صراحة , وأيا كتاب التوفل بتقصدي فيه؟؟,
وياريت طلب صغير ازا عندك مواقع لهالاختبار تكتبيلياها هون
أسئلة دورات الماجستير بتقدر تجيبها من أي مكتبة بتتعامل مع طلاب الجامعة ... موجودة بالنفق مثلاً
بالنسبة لكتاب التوفل نفس كتاب التوفل المعروف بين الطلاب ... في كتير أسئلة على نمط اللي بتجي بالامتحان وأحيانا بتجي نفس مقاطع القراءة منه بس طبعاً ما ضروري تلزم حالك فيه المهم انك تعمل مراجعة شاملة لأهم النقاط اللي بتلاقي إنه لازم تعيدها وتركز عليها

مواقع الاختبار كتيرة ومتنوعة منها الصعب ومنها السهل فيك تعمل عليها بحث على غوغل متل:
http://www.cambridgeesol.org/test-your- ... surveyID=4
وأيضاً هاد الاختبار جيد:
http://www.englishjet.com/english_cours ... _level.asp

بالنسبة للمقابلة فهي ما بتتجاوز ال 5 دقايق أو أقل ... بينسئل فيها أسئلة عامة وبسيطة والهدف اختبار سلامة اللغة وطلاقة الشخص والأسئلة بتختلف من شخص للتاني ... بذكر في بروابط المواضيع بردي السابق حاكين عن هالموضوع بتفصيل أكتر ... فيك تتسلى فيهم وتقراهم

وهي نموذج من الامتحان التحريري الانكليزي لماجستير الترجمة بالمعهد العالي للغات بالشام للي بحب يطلع عليه
صورة

صورة
بالتوفيق للجميع إن شاء الله
الكاتب:  my love [ الاثنين سبتمبر 05, 2011 11:39 pm ]
عنوان المشاركة:  مساعدة وطلب لأخوكم حلواني بخصوص ماجستير التخصص
حبيبتي طيب اديش لازم تكون نسبة المعدل مثلا شي 75
اذا مكن تفيدني
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/