| آرتين لتعليم اللغات https://forum.art-en.com/ |
|
| ارجو النصيحة بخصوص مادة الترجمة 6 https://forum.art-en.com/viewtopic.php?t=25175 |
صفحة 1 من 1 |
| الكاتب: | syrian-girl [ الأحد أغسطس 14, 2011 1:32 am ] |
| عنوان المشاركة: | ارجو النصيحة بخصوص مادة الترجمة 6 |
مرحبا، انا طالبة سنة رابعة حاملة بس مادة الترجمة 6 و صرت مأدمتا اكتر من مرة
و بما انها مادة فصل تاني عم تروح السنة كلها عالفاضي كرمال هالمادة تحبو الله كيف بدي انجح فيها والله خايفة اني ارجع ارسب فيها و تروح الشغلة لاخر السنة الجاي مرة تانية  |
|
| الكاتب: | Wissam [ الأحد أغسطس 14, 2011 3:27 am ] |
| عنوان المشاركة: | ارجو النصيحة بخصوص مادة الترجمة 6 |
والله يا أختي ما حدا رح يعرف يجاوبك بشكل مزبوط ع هيك سؤال غير دكاترة المادة نفسن. أنا برأيي مواد الترجمة والإنشاء حصرا بدن ممارسة وبس, يعني مثلا حاولي أيا نص بتشوفي قدامك ترجمي وشو ما كانت ترجمتك عادي بس المهم تحاولي لأنو الممارسة كتير مهمة بهيك مواد. يعني بالمنتدى مثلا في كتير مواضيع فيا نصوص حاولي ترجميها واستخدمي الأوكسفورد متل كإنك بالفحص تماما وانشالله مع الوقت والممارسة بتتحسني وبتصيري بتلاقي الأمور سهلة. بالتوفيق انشالله 
|
|
| الكاتب: | zeina44 [ الأحد أغسطس 14, 2011 5:50 pm ] |
| عنوان المشاركة: | ارجو النصيحة بخصوص مادة الترجمة 6 |
انا رفعتا لهي المادة .. مانها مادة صعبة بس اهم اهم شي تنتبهي عالزمن بالترجمة للانكليزي و تنتبهي على ترابط الجمل أما بالنسبة للترجمة للعربي بدك تقري النص كزا مرة يعني شي 3 مرات قبل ما تترجمي و تفهمي عن شو الفكرة لأنو الترجمة ما ضروري تكون بشكل حرفي و بدك تنتبهي انو توضعي الفعل و بعدين الفاعل لأنو ترتيب الجملة بالعربي عكس الانكليزي و تستخرجي الكلمات من القاموس بشكل يكونو صحيحين |
|
| الكاتب: | لمى [ الاثنين أغسطس 15, 2011 1:12 am ] |
| عنوان المشاركة: | ارجو النصيحة بخصوص مادة الترجمة 6 |
[quote] انا طالبة سنة رابعة حاملة بس مادة الترجمة 6 و صرت مأدمتا اكتر من مرة و بما انها مادة فصل تاني عم تروح السنة كلها عالفاضي كرمال هالمادة تحبو الله كيف بدي انجح فيها والله خايفة اني ارجع ارسب فيها و تروح الشغلة لاخر السنة الجاي مرة تانية كأنو انا اللي عم احكي والله لأنو انا كمان اليوم طاعت النتيجة وحملتها لتالت مرة وكان باقي هالمادة وبتخرج بس قدر الله وماشاء فعل والله العظيم كل مرة بكتب احسن من اللي قبلها وماعم اعرف شو الحل عن جد صار بدها معجزة 
|
|
| الكاتب: | syrian-girl [ الجمعة أغسطس 26, 2011 5:21 am ] |
| عنوان المشاركة: | ارجو النصيحة بخصوص مادة الترجمة 6 |
بشكركون كتير لاهتمامكون بس و ربي الهيئة متل ما قالت لمى انو الشغلة بدها معجزة كنت بتمنى لائي شي انسة او معهد يساعدوني بالترجمة كرمال استعيد معلوماتي بس ما لائيت طلبي شو مشان كمان انو حاطيلنا المادة بـــ 1/9 يعني بكون عطلة 
|
|
| الكاتب: | Equilibrium [ السبت أغسطس 27, 2011 10:33 pm ] |
| عنوان المشاركة: | ارجو النصيحة بخصوص مادة الترجمة 6 |
------------------------------------------- |
|
| الكاتب: | Equilibrium [ الأحد أغسطس 28, 2011 3:38 pm ] |
| عنوان المشاركة: | ارجو النصيحة بخصوص مادة الترجمة 6 |
اول شي بلا معلمية يعني أنا ما رح اتفهمن عاحدي بس رح قلك شو طريقتي بالترجمة أولا الترجمة صعبة شوي بس بعمري ما حملت مادة ترجمة يعني أول شي لازم تبعدي عنو هوي الأخطاء الإملائية و تاني شي لا تترجمي بشكل حرفي تالتا و الأهم بالفحص بلشي بترجمة النص الثاني أولا و اللي هوي النص الإنجليزي لأنو بياخد وقت و متل ما منعرف أنو الوقت قصير و لو في وقت كنت أنا أخدت علامة عالية بس ما لحقت ترجمة النص التاني و أخدت 60 و بالنسبة للتصحيح فلا تشككي أبداً بالدكتورة مي لأنها من أفضل الدكاترة و بتعطي الطالب حقو و يمكن بتساعد كمان و بالنهاية نيالك أنو ما عندك غير هالمادة و حمدي ربك أنو أحسن دكتورين أجو عاهالمادة لأنو إذا شفتي أسئلة الدورات القديمة كنت قلتي الحمدلله اللي عنا الدكتورة مي |
|
| الكاتب: | lili. [ الاثنين أغسطس 29, 2011 6:48 pm ] |
| عنوان المشاركة: | ارجو النصيحة بخصوص مادة الترجمة 6 |
انا كمان عندي نفس المشكلة وما عندي غير هالمادة وكل مرة بكتب احسن من اللي قبلها وبترجع بترسب مع اني ما حملت مادة ترجمة من قبل ودايما علاماتي عالية بالترجمة بس شو قصة هالمادة بالذات ما حدا بيعرف بتمنى الدكاترة يتساهلو معنا هالمرة لانو كتيرين حاملين هالمادة ونسبة النجاح فيها كتير قليلة موفقين جميعا
|
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|