انا بعرف انو لازم تكون ناجح نجاح لحتى تنتقل بقى ما بعلرف اذا تغير النظام
| آرتين لتعليم اللغات https://forum.art-en.com/ |
|
| سؤال عن النقل الى جامعة دمشق https://forum.art-en.com/viewtopic.php?t=25019 |
صفحة 1 من 1 |
| الكاتب: | 0hasan0 [ الخميس يوليو 28, 2011 11:54 pm ] |
| عنوان المشاركة: | سؤال عن النقل الى جامعة دمشق |
السلام عليكم لدي سؤال اخواني عن النقل بين الجامعات في باقي المحافظات اذا حبيت ان انتقل الى جامعة دمشق مثلا هل يجب ان اترفع الى السنة الثانية ام يمكنني ان اتقدم بالطلب دون النجاح هل يوجد عدد محدد من المواد اللتي يجب النجاح فيها حتى يمكن النقل ارجو ممن يعرف الاجابة على سؤالي وشكرا لكم واسف على الازعاج |
|
| الكاتب: | رشا [ الجمعة يوليو 29, 2011 3:08 am ] |
| عنوان المشاركة: | سؤال عن النقل الى جامعة دمشق |
انا بعرف انو لازم تكون ناجح نجاح لحتى تنتقل بقى ما بعلرف اذا تغير النظام
|
|
| الكاتب: | لؤلؤة الزمان [ الجمعة يوليو 29, 2011 1:52 pm ] |
| عنوان المشاركة: | سؤال عن النقل الى جامعة دمشق |
[align=center]0hasan0, بالتوفيق ان شا الله كان عندي رفيقتي من سنتين انتقلت ع دمشق بس عميد كلية الآداب بدمشق ما وافق عالطلب الا لحتى نجحت بكل المواد بالسنة الأولى وكانت عم تدرس انكليزي بس هلأحاليا مابعرف اذا تغير شي وان شالله حدا يجاوبك الجواب الشافي والأكيد  [/align]
|
|
| الكاتب: | 0hasan0 [ الجمعة يوليو 29, 2011 3:39 pm ] |
| عنوان المشاركة: | سؤال عن النقل الى جامعة دمشق |
رشا، لؤلؤة الزمان شكرا جزيلا على الرد والمعلومات بانتظار من يملك جواب ماكد ولكم جزيل الشكر مرة اخرى |
|
| الكاتب: | dilshad [ الجمعة يوليو 29, 2011 7:58 pm ] |
| عنوان المشاركة: | سؤال عن النقل الى جامعة دمشق |
السلام عليكم .. اخي الكريم 0hasan0 اذا حابب تنتقل ع الشام فلازم تكون ناجح ( يعني مو حامل ولا مادة ) بس مرات بقبلو الطلاب اللي بيكونو حاملين مادة او تنتين ..... فانت لازم تتابع موضوع النقل يعني بعد ما تتطلع كل نتائجك فيك تساوي كشف بالعلامات من جامعة البعث وتروح ع الشام مشان ( اللا مانع ) .... هادا اللي بعرفو وبتمنى انو تكون استفدت .... بالتوفيق.. |
|
| الكاتب: | محمد الحسين [ الجمعة يوليو 29, 2011 11:53 pm ] |
| عنوان المشاركة: | سؤال عن النقل الى جامعة دمشق |
من تجربتي من 3 سنين راح جابوك اول شي بتروح على كلية الي انتا فيها وتسوي طلب نقل وبراءة ذمة وكشف علامات و تصدقها من رئاسة الجامعة وبس تخلص الاوراق بجامعة البعث واهم شي بقلك انو مافي داعي تجيب لامانع من الشام اول شي لانو راح تتعذب ومافي داعي تطرق مشوارين لانو ماراح حدى يسألك على لا مانع من الشام وبعدها بتروح على كلية الاداب بالشام وهنيك كمان بتعبي طلب مشروط انك ناجح نجاح وتوقعو من عميد كلية الاداب بالشام وبعدها بتصدق اوراقك كلها من رئاسة الجامعة وبعدها بتروح على شؤون الطلاب بالشام وهنيك راح يسجلولك عاساس كشف العلامات تبعك ولازم تكون ناجح بكل المواد واذا كنت حامل اي مادة راح تنرفض اوراقك وفي حال قبلوك ماراح تعتبر ناقل لحتى يعطوك ورقة مشان تجيب كامل اوراقك منها شهادة الثانوية من جامعة البعث بس طلع ملفك من جامعة البعث بتعتبر ناقل لجامعة دمشق لانو احيانا بياخذو اوراقك وبعدها بيكون في عدد كبير فا بتصير عاساس عدد المواد المحمولة هذا الكلام من 3 سنوات بسنة 2009 وما بعرف اذا تغير شي وطبعا كل سنة بتصير تغيرات وقرارات جديدة بس فيني فيدك بشي انو اذا كنت من سكان الشام فيك تاخذ استثناء من الوزير او رئيس الجامعة وهذا كمان من 3 سنين وما بعرف اذا تغير شي واهم شي جهز حالك ليوم شاق جدا راح تخسر فيه 10 كيلو لانو راح تفتل بالشام من مكان لمكان والله يكون بعونك  وبالتوفيق انشاء الله
|
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|