بيجوز تعودتو لما بدي اطرح موضوع يكون في احساس بالظلم من الجامعة او الدكاترة مع احترامي لجميع الدكاترة والمعيدين بس انا من الطلاب اللي بدرس بفهم مو بصم ... وبكتب وع اساس المادة ممتازة وكالعادة بترسب هالشعور حسينا في من زمان ومشي الحال بس أنو التكميلية أنتو ملاحظين انو اسئلتها عم تجي أصعب وفيها شوية نكشات او مفاجأت ... اسا فتحو قوس ( برأيي طبعا وبعض الناس اللي حواليي) سكروا القوس ... زملائي انتو شو رأيكم في تعديل بنماذج الأسئلة مشان نتربى ومابقى نخلي مواد للتكميلية أو الاسئلة عادي ... بتمنى تنفهم وجهة نظري انا ماعم اتهجم ع حدا وكمان بتمنى تشاركوني برأي موضوعي وبشكر مروركم الكريم

أخت القمر,

يسعد أوقاتك أختي العزيزة
والله أنا معك بأنو الأسئلة بالدورات التكميلية عم تكون أصعب وفيها نكشات لأني من يومين قدمت مادة وعلى أساس مؤتمتة بس الله وكيلك لما أخدنا ورقة الأسئلةفتت بالحيط أنا وغالبية الطلاب يعني اسا فاصلة منقوطة وعشرين اشارة تعجب وتلاتين اشارة استفهام وافتحوا قوس(يادكاترة هنتو على العين والراس بس اسا بيصرش تقسوا علينا لهالدرجة ولازم تقشعوا ظروفنا وتراعونا شوية )والله العظيم المادة كلها على بعضعا 150 صفحة بس بالامتحان شفت أسئلة ما أنزل الله بها من سلطان ومن وين جاية الأسئلة ما بعرف
رسالتي لكل الدكاترة بالجامعات :
ارحمو من في الجامعة يرحمكم من في السماء

والله هي المشكلة مو بس بالمفاجئات اللي بطلع بالفحص والاسئلة لا ولا كمان اللي بتجي بعد الامتحان والنتظار وفوران القلب والله فالج ماتعالج اخ من هالجامعة و6000000اخ احسن شي

أخت القمر,

الصراحة
أنا كنت مفكر المشكلة فيني والتقصير مني ما توقعت يكون الموضع عند الكل

لك والله في مواد صار مقدمينها أكتر من دورة وعند نفس الدكتور بس هلق ما بعرف شو صايرلهن كلهن عم يغيروا بالاسلوب يعني مندرس شي ومنركز ع شي بقوم بيجي شي مو متوقع حسبنا الله ونعم الوكيل


شكرا أخت القمر ع الطرح وفش الخلق

والله الواحد مايستبعد شي بهالجامعة من يوم يومنا مالنا غير الله ورح يضل مالنا غيرو مافينا نقول غير يارررررررررررررررررررب يسرلنا امورنا بكل شي بكل شي يارررررررررب مالنا غيرك

مرحبااااااااا
أنا والله معكن بكل كلمة قلتوها عنجد معكن حق
ما لنا غير الله
آآآآآآآآآآآآآآآآآه

شكرا للمشاركة من الجميع بس ياجماعة والله لازم يكون النا كلمة يعني حدا يرأف بحالنا