| آرتين لتعليم اللغات https://forum.art-en.com/ |
|
| اييييييييييييه على آرتين أيام زمان https://forum.art-en.com/viewtopic.php?t=24792 |
صفحة 1 من 3 |
| الكاتب: | A7mad [ الأحد يوليو 03, 2011 11:01 pm ] |
| عنوان المشاركة: | اييييييييييييه على آرتين أيام زمان |
السلام عليكم و رحمة الله و بركاته كنت عم شوف آرتين كيف كان و كيف كانت المواضيع و الردود و عم اتذكر الأعضاء و كيف كان المنتدى رائع لدرجةانو العالم ترجع من الجامعة منشان تشوف شو في شي جديد فيو طبعا مع احترامي للجميع بس عنجد آرتين زمان كان شكل تاني كتير حلو و الو ذكريات عند الجميع و عندي انا شخصيا يا رييييت يرجع متل زمان بس يمكن صعبة شوي 
|
|
| الكاتب: | زمردة [ الاثنين يوليو 04, 2011 12:36 am ] |
| عنوان المشاركة: | اييييييييييييه على آرتين أيام زمان |
A7mad, الحقيقة أخي الكريم من فترة عم فكر نفس التفكير ... في بعض أقسام بالمنتدى لسا محافظة على مستواها رغم كل شي ودائما فيها شي جديد ومفيد وبحقق هدف آرتين التعليمي ... في كتير أقسام تعليمية تاني للأسف شبه خاملة ... وقسم كبير من الأعضاء اتجه للشي الترفيهي أو الحواري وابتعد عن التوجه التعليمي اللي هوي الأساس آرتين بهمنا كلنا وبيعنيلنا كلنا ولازم يرجع متل قبل عم يغلي غلي بأفضل المشاركات الغنية على جميع الاصعدة سواء تعليمي أو ثقافي أو ترفيهي ... وكل واحد لازم يبدأ من نفسه ليرتقي ويرجع آرتين متل قبل وأحسن وأنا بدوري بوجه دعوة لكل الأعضاء القدمى يعاودوا نشاطهم ويوقفوا مع الأعضاء الجدد إيد بإيد ليرجع آرتين أيام زمان |
|
| الكاتب: | Ranaa [ الاثنين يوليو 04, 2011 12:58 am ] |
| عنوان المشاركة: | اييييييييييييه على آرتين أيام زمان |
A7mad, زمردة, كمان بضم صوتي لصوتكم, 
اقتباس:
آرتين بهمنا كلنا وبيعنيلنا كلنا ولازم يرجع متل قبل عم يغلي غلي بأفضل المشاركات الغنية على جميع الاصعدة سواء تعليمي أو ثقافي أو ترفيهي ... وكل واحد لازم يبدأ من نفسه ليرتقي ويرجع آرتين متل قبل وأحسن
لا تعليق ... وأنا بدوري بوجه دعوة لكل الأعضاء القدمى يعاودوا نشاطهم ويوقفوا مع الأعضاء الجدد إيد بإيد ليرجع آرتين أيام زمان  بس إن شاء الله رح يرجع آرتين بعودة الازدحام والمنافسة الجماعية العلمية الرائعة اللي كانت بين الأعضاء القدامى غالباً .. وأحلى شي لما كانت تقوم برامج جماعية ويتساعد فيا الكل كانت هالنقطة تحرك المنتدى كلو  وأنا متأملة خير إنشالله لأنو آرتين مارر هلق بفترة بس بسبب الظروف الحالية  وإنشالله رح يرجع قوي بأقرب وقت  طبعاً بالمساهمة العلمية للجميع تحياتي 
|
|
| الكاتب: | أندلسية [ الاثنين يوليو 04, 2011 2:03 am ] |
| عنوان المشاركة: | اييييييييييييه على آرتين أيام زمان |
و أنا معكن بهالشي .. و بصراحة تصفحي للموقع صار بالفترة الاخيرة فشة خلئ مو أكتر... كنت ناوية كتير ابدا من نفسي بكم موضوع جدي بيتعلق بدراستنا و خصوصي عن اللغة بالروايات يلي معظمنا قرناهم طبعا بالانكليزي ، و بمجال الترجمة ....و هيك شغلات .. و نوايا ...،لهلأ بزكر مشاركتي الاولى بأحد مواضيع النقد للعضو صفوت .. كان أول موضوع بيدفعني اني انتقل من زائرة لمشاركة .. و كنت فعلا حابة ضيف شي للمنتدى ... اييييه ع أيام زمان و طبعا ما لازم ننسى مواضيع رائعة قديمة فينا ننشطن .. الخ و مابتقدر تعتب ع حدا .. إن كان من المشرفين أو الاعضاء القدامى المميزين محدا مقصر بالامكانيات و الظروف العايشينا ، الله اعلم ايمتا بيزبط مخنا لنركز ع هيك شي , الله يفرجا أحسن شي و يخلصنا من كل غبي ماسك هالكيبورد و نازل توزيع ورود علي بعقلو  يا اخي حتى تصفح متل الخلئ ماعد نحسن من هالبوستات المؤذية للبصر  بالاخير برأي هالركود هوي ان شاءالله فترة طبيعية و بتمرء .. و للأحسن ان شاء الله اذا الله خلانا من الطيبين
|
|
| الكاتب: | Celina [ الاثنين يوليو 04, 2011 3:54 am ] |
| عنوان المشاركة: | اييييييييييييه على آرتين أيام زمان |
أنا أحيانا بحب أرجع عالمواضيع القديمة بآرتين لأتذكر أيام زمان ويمكن كتير ذكريات بس كمان هلا في شغلات تغيرت وتبدلت وعالم جداد وعالم غابو بس بالنسبة إلي بيبقى آرتين إلو مكان خاص بقلبي حتى لو غبت عنو كتير بس بالنسبة للمواضيع التعليمية طبيعي تخف كمان حسب الظروف يعني مثلا واحد مو قدران يدرس عادي إنو ما يشارك أو يساهم بمواضيع تعليمية ممكن يتجه أكتر للأقسام الترفيهية بالمنتدى ويقعد شوي بآرتين كافيه  يعني مو كلو دراسة شوي من هون وشوي من هون ويمكن هي سبب حلاوة آرتين(التنوع بالأقسام والمواضيع)برأيي آرتين رغم كل الظروف في حالة تجدد وتطور يعني (كل ما تكبر تحلى)
|
|
| الكاتب: | سليمان عمر [ الاثنين يوليو 04, 2011 11:45 am ] |
| عنوان المشاركة: | اييييييييييييه على آرتين أيام زمان |
مشكورين على طروحاتكن الحلوة أنا بشوف انو قسم الترفيه كتير مهم يعني اليوم الطالب قاعد عم يدرس لما بيفتح نت ومنتديات فهو محتاج لشي يطالعو من جو الدراسة والعلم شوية بس هاد مابيعني طبعا اهمال الجانب التعليمي والتثقيفي والله يعطيكن العافية على فكرة أنا طالب حقوق وعنا منتديات حلبية وحقوقية بس ما بعرف ليش انجذبت لهاد المنتدى تحديدا من المهم انو يرجعوا الارتينيين القدا يتحفونا بالمواضيع والمشركات لأنو اللي مالو قديم مالو جديد
|
|
| الكاتب: | klaydes [ الاثنين يوليو 04, 2011 4:49 pm ] |
| عنوان المشاركة: | اييييييييييييه على آرتين أيام زمان |
يا سيدي انت بموضوعك جذبت كل محاربين أرتين القدامي الفطاحل ! عنجد معك حق انا لهلاً بتذكر لما كان لسا الموقع بأولتو وكان عم يستقبل فراس التهاني والدعم والتهنئة بموقعو لك حتى انو ايام زمان لما كنا نتبايخ كنا نتبايخ بطعمة هي لما تخلص السر الجد طبعاً اييييييييييييييييييييه والله ايام وعم تمضى يا لطيف انو عنجد مع انو لساتنا شباب بس نحنا نعتبر ختايرة بالنسبة لأرتين او الجيل السابق وشوفو هلأ الجيل اللاحق يا جماعة هالشي بيعطي منحى فلسفي بجت عنجد بكرا لما كل واحد فينا بيكبر وبشوف ولادو والجيل اللاحق كيف عم يسيطر عالامور ويغير فيها وبحس الواحد انو ما عاد الو لازمة ولا عاد تنفع سياستو القديمة لك انا بتذكر من زمان انو في كذا موضوع انحظر الي كمان الله يذكرون بالخير مراقبين ايام زمان شو كانت ايدهون تقيلة بس يا ترى انتو شو بتحسبو تغير أرتين هلأ؟ تغير ايجابي ولا سلبي ؟ وليش ؟ وياترى بخضم بحر الحريات اللي عم يجتاج بلادنا (وانا عندي تحفظ كبير كتير بتمنى انو نقدر نفتح حوار هون ونتناقش فيه بخصوص هالشي ) رح تتغير سياسة الموقع وتعطي حرية أكبر ؟ وقال احلا شي بكرا يصيرو يطالبو برحيل فارس  عنجد يا جماعة نحنا بحاجة كتير لحوار مفتوح الأفق لنتفاهم ونشوف أراء بعض ونتناقش ورح جرب هلأ واطلق موضوع جديد بعد انقطاع دام مدري قديش عن اعتزالي الكتابة بأرتين وموضوعي رح يكون استفتاء لإطلاق نقاش وحوار وطني للأرتينين ضمن موقع أرتين ماحدا يفهمني غلط يا جماعة انا عم بعطي طرح فقط
|
|
| الكاتب: | عصام [ الاثنين يوليو 04, 2011 8:22 pm ] |
| عنوان المشاركة: | اييييييييييييه على آرتين أيام زمان |
بدل مانقول ايييييييه عايام زمان ونترحم بشوية حسرة فينا نسعى لتكون ايامنا افضل من ايام زمان ونسعى ليكون كل رد من ردودنا وكل موضوع الو قيمة واهمية وفائدة مو ليكون مجرد صف كلمات وشي متة وشي مدري شو
اقتباس:
من المهم انو يرجعوا الارتينيين القدا يتحفونا بالمواضيع والمشركات لأنو اللي مالو قديم مالو جديد
ليش ليكون المنتدى وقت يرجعو يكون بارد متل ماهن قديمين بالنسبة الكن رح يجي اعضاء بعدكن وتكونو انتو قديمين بالنسبة الن فياترا شو رح يقولو عن مشاركاتكن وردودكن  كتير لينحكى وينقال بس انو مافي شي جديد طبعا اذا انتو انفكسن ماسعيتو للتغيير للمؤسسين واللي تركو اثر طيب لليوم لبعض الموجودين حاليا لانو اثرن واضح واكيد بينذكر اسمن مستقبلا بكونن جزء مؤثر بارتين للبقية لعل وعسى تكون حافز الن ليقدمو شي مختلف عن اللي عم بيقدموه klaydes, اقتباس:
رح تتغير سياسة الموقع وتعطي حرية أكبر ؟
هي بعمرها ما رح تتغير واي شي بيمس السياسة خط احمر |
|
| الكاتب: | klaydes [ الاثنين يوليو 04, 2011 10:16 pm ] |
| عنوان المشاركة: | اييييييييييييه على آرتين أيام زمان |
اقتباس:  [/quote] يعطيك العافية كفو وما بتقصر بس انو على شو خط أحمر!! ما هالخط الاحمر حرق البلد انو معقولة حتى نحكي ونوعي بعضنا ممنوع ؟ لك بمواقع تانية ومنتديات حتى مواقع الالعاب كلو حاطط ونازل فينا حكي وحكي انا بستنجد بفراس !! |
|
| الكاتب: | عصام [ الاثنين يوليو 04, 2011 10:45 pm ] |
| عنوان المشاركة: | اييييييييييييه على آرتين أيام زمان |
klaydes, اسم مدير الموقع فااااااااارس مو فراس متل ماكاتب بردين مختلفين الك وطالما عم تسنجد بفارس بقا انو متل مابدك انطر ردو اللي مارح يكون غير اللي انا قلتو اقتباس:
يعطيك العافية كفو وما بتقصر
وياريت تاني مرة وقت اللي بدك توجهلي اي كلام ما بيكون بهالاسلوب
|
|
| صفحة 1 من 3 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|