آرتين لتعليم اللغات
https://forum.art-en.com/

آرتين في تراجع ... يرجى تداركه
https://forum.art-en.com/viewtopic.php?t=24785		 صفحة 1 من 1
الكاتب:  نور الدين [ الأحد يوليو 03, 2011 1:03 pm ]
عنوان المشاركة:  آرتين في تراجع ... يرجى تداركه
الحقيقة ما بتمنى لآرتين غير القمم

بس للأسف عم بشوف في تراجع ملحوظ بالاهتمام بالموقع

مثلاً : 1- نزلت موضوع مستعجل بطلب فيه أسئلة دورات السنة الرابعة عربي. ورغم إنو عدد المشاهدات كانت أكثر من 100 مشاهدة لكن ما حدا نبهني إنو بالموقع في أسئلة دورات *---
2- عدد الأقسام 108 :shock: يمكن كتير كتير. تخفيض العدد بكون أحسن للموقع. ويتم ذلك بتخفيض مهام آرتين وبنخصيص هدفه. وهاد رأي الدكتور طارق سويدان في إنشاء المؤسسات


رأي

1- تأمين رواتب للقائمين الأساسيين على الموقع حتى يتفرغوا ويبدعوا

2- تحديد هدف عام للموقع ليكون للجميع حافزا للوصول له

3- تحديد أهداف مرحلية للموقع لنشعر بسعادة الإنجاز حين يتم تحقيقها

ياريت تتقبلو مني نقدي *1
الكاتب:  عصام [ الأحد يوليو 03, 2011 7:04 pm ]
عنوان المشاركة:  آرتين في تراجع ... يرجى تداركه
نور الدين,
اقتباس:
الحقيقة ما بتمنى لآرتين غير القمم
اكيد كلنا عنا نفس الهدف :wink:
اقتباس:
مثلاً : 1- نزلت موضوع مستعجل بطلب فيه أسئلة دورات السنة الرابعة عربي. ورغم إنو عدد المشاهدات كانت أكثر من 100 مشاهدة لكن ما حدا نبهني إنو بالموقع في أسئلة دورات
مثلا لما عم تقول للمنتدى 108 اقسام معقول كنت عم تعدن عد من دون ما تكون قاري عنواينهن *ممم
ومعقول انت تكون جزء من موقع ما بتعرف شو اجزائو كاملة :wink:
ومن ناحية التقسيم فانو حلو التصنيف حتى يكون لكل شي قسم خاص فيه بعيد عن مجال يحتك فيه بشي تاني وخليني قلك مثلا قسم اسئلة الدورات فاينو بتلاقي انسب مثلا انو يكونو العربي والانكليزي والفرنسي بقسم واحد مع بعض او انو مصنفات واقعود دور اذا بتدور عاللي بدك ياه :wink: وهالشي بيتطبق بشكل اوسع عبقية الاقسام
اقتباس:
1- تأمين رواتب للقائمين الأساسيين على الموقع حتى يتفرغوا ويبدعوا
فارس مانو ضد هالشي ابدا وفي حال كان المنتدى عم بيطالع ولو ليرة سورية وحدة كربح فاكيد كانت بتتوزع عالكادر الاداري
بس انو هل تعلم انو فارس عم بيحط من جيبتو الخاصة عالموقع الاف والاف من دون ما يكون عندو اي شي يعوض هالمبلغ وانو الاعلانات اللي احيانا بتكون عارتين مابتغطي ولو جزء زغير من التكلفة :arrow:
اقتباس:
2- تحديد هدف عام للموقع ليكون للجميع حافزا للوصول له
شو بدك غير انو تقديم المساعدة وقت الامكان بدون تقصير وبدون اي مقابل وهي كان الهدف الرئيسي من انشاء الموقع بالنسبة لفارس
اقتباس:
3- تحديد أهداف مرحلية للموقع لنشعر بسعادة الإنجاز حين يتم تحقيقها
كل سنة بعيد ميلاد ارتين عم نشوف ارتين جديد عن ارتين اللي اعتدنا نشوفو واكيد عم نحقق انجازات وخطوات جديدة بمسيرتنا

بحترم موضوعك ورايك لانو بمتل هيك مواضيع واراء ارتين بيتقدم خطوة لقدام *1
الكاتب:  فارس [ الثلاثاء يوليو 05, 2011 12:57 am ]
عنوان المشاركة:  آرتين في تراجع ... يرجى تداركه
نور الدين,
تحياتي الك أخي نور و يسعدني تواجدك و اهتمامك الدائم بآرتين و اللي بدل على حبك للعطاء و افادة الآخرين *1

كمان اقرا ردي هون و بظن بتكون صارت الصورة واضحة
viewtopic.php?f=3&t=24792&p=302276#p302276
:wink:
الكاتب:  نور الدين [ الأربعاء يوليو 20, 2011 11:42 am ]
عنوان المشاركة:  آرتين في تراجع ... يرجى تداركه
فارس,
عصام,
شكرا لاستيعابكن للموضوع
اقتباس:
يسعدني تواجدك و اهتمامك الدائم بآرتين و اللي بدل على حبك للعطاء و افادة الآخرين
أنا بعتبر هاد واجب ولو متوفرة الظروف إلي كنت قدمت أشياء كتير مميزة
اقتباس:
هل تعلم انو فارس عم بيحط من جيبتو الخاصة عالموقع الاف والاف من دون ما يكون عندو اي شي يعوض هالمبلغ
والله أنا بعرف هالشي، وبالمناسبة خطر على بالي الإعلان عن مسابقة ثقافية على آرتين والجائزة رح تكون ع حسابي
وإذا الفكرة ملاقينها مناسبة بهيك أوضاع أنا جاهز
الكاتب:  ناصرالحر [ الجمعة يوليو 22, 2011 12:53 am ]
عنوان المشاركة:  آرتين في تراجع ... يرجى تداركه
والله برافو يعني نور الدين عارف كيف تلهي العالم يا ريت يكون في شوية حزن واحترام لأرواح الشهدا ما تصير بدك تعمل جو ظريف بهيك اجواء واكيد يعني مطلع عالاوضاع وما بدو مين يقلك
الكاتب:  عاشقة العربية [ الجمعة يوليو 22, 2011 1:23 am ]
عنوان المشاركة:  آرتين في تراجع ... يرجى تداركه
ناصرالحر,
الموضوع صرلو من أول الشهر ما من هلأ.

وإذا بتريد، ما في داعي للخلاف او لهاللهجة، ما حدا بيعرف شوفي بقلب التاني.

احترامنا للجميع *1
الكاتب:  ناصرالحر [ الجمعة يوليو 22, 2011 3:38 am ]
عنوان المشاركة:  آرتين في تراجع ... يرجى تداركه
عاشقة العربيه
بعرف لو الموضوع من اول الشهر بس من يومين عم يتجدد الدعوة لتنفيذو يعني شو الفرق ما عرفت
واي خلاف ما في اي خلاف ابدا ولااااااا اي لهجه يعني بس كل واحد بيفهم الي انا كاتبو بالطريقة الي بدوا ياها انا كاتب باسلوب عادي جدا
والله ما دخل القلوب بهالموضوع كل شي واضح
بتشكرك وبتشكر اسلوبك المحترم بالتعامل يا ريت ما تفهميني غلط
الكاتب:  عاشقة العربية [ الجمعة يوليو 22, 2011 9:56 pm ]
عنوان المشاركة:  آرتين في تراجع ... يرجى تداركه
أي حدا من الأعضاء وقت عم يكون فاضي عم يحاول يقدّم اللي بيقدر عليه.

كتير ناس بتشوف النت مكان لحتى تنسى.

ما لنا غير ندعي لسوريا.


ناصرالحر,
هي إلك *1
الكاتب:  نور الدين [ الأحد يوليو 24, 2011 11:40 am ]
عنوان المشاركة:  آرتين في تراجع ... يرجى تداركه
اقتباس:
عارف كيف تلهي العالم يا ريت يكون في شوية حزن واحترام لأرواح الشهدا
*1 شكرا *1
اقتباس:
كتير ناس بتشوف النت مكان لحتى تنسى
ما بدنا ننسى بس عم نحاول نشعل شمعة بغرفة المستقبل
عاشقة العربية, *1 *1
الكاتب:  noOody [ الخميس يوليو 28, 2011 3:51 pm ]
عنوان المشاركة:  آرتين في تراجع ... يرجى تداركه
اقتباس:
- عدد الأقسام 108 :shock: يمكن كتير كتير. تخفيض العدد بكون أحسن للموقع
ايوة فعلا

جزاك الله خيرا
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/