أغانينا الآرتينية

موسى محمد موسى · **مرسل:** السبت يوليو 30, 2011 7:09 pm

السلام عليكم ورحمة الله تعالى وبركاته
ان شالله يكون الجميع بتمام الصحة والعافية
ما رح نطول بالشرح
لأني الشغلة كتير سهلة
كل واحد منّا عند اللي بيفتح منتدى آرتين بيشتغل مخو وبيأبدع بشكل مو طبيعي والسر واضح طبعاً
هو موقعنا آرتين هو بالقمم دائماً من بين كل المواقع وطبعاً لأني كلنا عم نتساعد مع بعض
لهل السبب كنت اليوم صافن وعم فكر بشي موضوع يسلينا شوي وبنفس الوقت
ننشهر
عم أمزح
الموضوع هو كل واحد كاتب شي غنية أو بدو يأبدع بشي غنية ف يتكرم ويكتبا هون من غير ما يتكاسل
وطبعاً بعد ما نشوفا نحن الأعضاء رح نتناقش فيا للغنية
يعني حلوة
ولا مو حلوة
المهم أني نتناقش
وأنا رح بلش بغنيتي اللي كتبتا وطبعاً جديدة
ومابعرف إذا رح تعجبكن
يمكن يكون هالشي مو اختصاصي بس والله حلوة المجازفة
وهي الغنية من تأليفي:
*************
سامع همس الليالي بتقول مشتاق ياغالي
سامع همس النجوم سامع همس القمر
سامع همس البحور سامع همس المطر
ع بعدك مات الصدى واشتكا وطل الضجر
****************
أنا اللي وحدي بحبك وجنوني الك يا قمر
ارجعلي ونسيني أيامي المضت رجعلي السهر
بقربك أنا اللي بحيا وفبعدك قلبي انكسر
أنا اللي بحبك وجنوني حبك ياقمر
أنا اللي بحبك وجنوني حبك ياقمر

**************
لا تتكاسلو لأني أجهدت مخي كتير لوصلت هالفكرة
بانتظاركن وان شالله ما حدا يشارك
لأني عنجد رح أزعل
***************
مع كل الاحترام والمودة لزملائي
أعضاء منتدى آرتين ودمتو بخير

nouar86 · **مرسل:** الأحد يوليو 31, 2011 12:01 am

موسى محمد موسى
معلم و الله

موسى محمد موسى · **مرسل:** الخميس أغسطس 04, 2011 12:06 am

أهلا وسهلا فيك أخي نوار
يازلمة لا معلم ولا شي
مجرد تجربة
شكراً على مرورك

موسى محمد موسى · **مرسل:** الخميس أغسطس 04, 2011 12:11 am

أشد الوجع ع راسي
وبحبك أحبس أنفاسي

أشوف الليل طيفك القاسي
يا أهلي وحبّي خلتي وناسي

حرام عليك ارحم احساسي
وعيشني الحب والهوى الراسي

الله واكبر كنت حراسي
واليوم تروح غريب وناسي

*************
دبحت الروح وين اخلاصي
وعهد الروح ال النتَ ناسي

فجرت القلب ودموعي بلباسي
وحب الصبر صاير افلاسي

تخون ال حبك وعينك تجافي
والله الي رب ارحل وكافي
والله الي رب ارحل وكافي
طبعاً بقلمي

سليمان عمر · **مرسل:** الخميس أغسطس 04, 2011 10:52 pm

والله يا أخي بدها صفنة الشغلة مع ضرب متة بالشيح واكليل الجبل(هي الخلطة خاصة لتأليف الأغاني)
ترقبوني قريباً

موسى محمد موسى · **مرسل:** الخميس أغسطس 04, 2011 10:58 pm

سليمان231,

والله أهلا وسهلا بأخي سليمان
بتعرف أنا كنت عم فكر عند اللي نزلت الموضوع إني ضيف
عِبارة واللي هي:
جلسة مع كاست متّة........بتطلع أحلا غنيّة بتكّة

وبانتظار جديدك بفارغ الصبر

موسى محمد موسى · **مرسل:** الجمعة أغسطس 05, 2011 1:59 am

الله الله عالظالم
الله شايف وحاكم

الله دخيلك يا الله
أنا عبدك والك خادم

الله دخيلك ياالله
اسحقلنا كل ظالم

الله دخيلك يا الله
اسحقلنا كل ظالم

سليمان عمر · **مرسل:** الاثنين أغسطس 15, 2011 5:18 pm

[align=center]جيب المتّة يابو السوس

قرقع أنت و أبو الموس

خلينا هالمتّة نقرقع

نمزمز ويطق البارود

دخل عيونك هاتيها

لولا المتّة ما جينا

وصلتينا لنص الضرب

وقطعتي المي علينا
ويلي ويلي ويلي

انقعيها يا بنت الناس

يل كلك رقة واحساس

وقرقعتي من أي كاس

بجوزة هالمتّة اسقينا

وصلتينا لنص الضرب

وقطعتي المي علينا
ويلي ويلي ويلي[/align]

nouar86 · **مرسل:** الاثنين أغسطس 15, 2011 5:25 pm

يا سليمان عمر لازم تتدخل موسوعة غينس لشرب المتة و الولع فيها
غير هيك ما فينا نكافيك

سليمان عمر · **مرسل:** الاثنين أغسطس 15, 2011 11:17 pm

nouar86,

شكرا أخي العزيز كلك ذوق
صدر الموسوعة الك والعتبة الي

LATEST_POSTS

أغانينا الآرتينية

الموجودون الآن