مرحبا لكل الشباب والصبايا , أعضاء المنتدى الأرتيني المميز ... انشالله الكل نفد من الامتحانات بأقل خسائر ممكنة + 5 أو 6 مواد للدورة التانية فقط لا غير P:
هلئ الموضوع هوي خبر وتوصيل فكرة أكتر من مناقشة أو اخد رأي لانو بكل صراحة شوي تانية رح يصير معنا حالة اكتئاب شديد من أفكار مجتمعنا *الجاهزة مسبقا* لحتى توقف بوش كل شي جديد او غير مألوف وكل واحد بيستند لخلفية معينة سواء كانت دينية او تقاليد او خوف او جهل او .. الخ الخ
نحنا كنا محضرين لهاد المشروع كبداية من جامعة حمص بس الأحداث الأخيرة ما سمحتلنا بالسفر والتواصل بشكل كافي
المهم بلشنا ومشي الحال ... بس المشروع لساتو جديد بسورية للأسف وكل الناس عندا فكرة غلط عنو...
المشروع هوي جمعية خيرية لنشر فكرة التبرع بالاعضاء بعد الوفاة *وبرجع بكرر انو : بعد الوفاة يا جماعة !! لك وحياة الله مو فورا *.. وكبداية حاليا بلشنا بقرنيات العين ونشر هالفكرة...
قرنيات العين هيي من اكثر الاعضاء فعالية للتبرع بعد الوفاة.. لانو ما بهم العمر او التوافق بين الشخصين متل الكلية او الكبد او الخ الخ... يعني ممكن قرنية أو جزء من عين انسان عمرو 40 سنة ترجع النظر لطفل عمرو 13 سنة مثلا..
الشغلة التانية انو القرنية معها وقت طويل بعد الوفاة بتحافظ ع حالة جيدة وبيوصل الزمن ل 6 ساعات او اكتر احيانا بينما باقي اعضاء الجسم بتكون ما عادت صالحة للتبرع بعد نصف ساعة او هيك شي !! فالقرنية كتير مريحة بموضوع الزمن والها افضلية ع باقي الاعضاء وممكن جزء من العين بس يرجع نعمة البصر لطفل او أم او شيخ بحياتو ما حس بهاي النعمة ..
مبارح بعد الامتحان تبرع اول حدا بحمص وهوي شب رفيقي عمرو حوالي 25 سنة ..وللاسف هوي تاني متبرع بكل سورية !!!!!! بنك القرنيات عنا بالشام بيعمل حوالي 1500 عملية بالسنة تقريبا وكل القرنيات بيجيبها من برا !!!
يعني بشو الشعب الصيني او الفرنسي او او او ...احسن مننا لحتى يكون عندن فائض ويبيعو لكل دول العالم !!! بينما نحنا منضل 24/7 مندعي الحضارة والاخلاق والكرم والتضحية والخ الخ ولسا ما عنا غير 2 تبرعو مع انو البنك الو موجود من كذا سنة !!
البنك عنا هوي موسسة تابعة لوزارة الصحة..العمليات شبه مجانية للمواطنين مقارنة مع المشافي الخاصة برا...بيدفع سعر رمزي فقط عدة الاف وبترجعلو نعمة البصر !!! يلي ما الها ثمن بينما بمشافي اوربا بتكلف اضعاف اضعاف
والتبرع هوي عملية انسانية مافي بيع ولا شراء هون ولا دفع مصاري لانو العمليات بتصير حسب الدور والتسجيل لكل المرضى حسب التسلسل ...
نحنا انشالله سنة الجاي رح نعمل حملة بالجامعة باغلب الكليات ورح نبلش حملة هاد الصيف بكل المحافظات السورية انشالله وفي كتير ناس متحمسة للمشروع ومن جيلنا نحنا الشباب بالتحديد ..
الفكرة جديدة كتير ولساتنا باول الطريق بس ما رح نتراجع شو ما صار...
ملاحظة: القانون السوري ووزارة الأوقاف والجهات الدينية المسؤولة جميعها تشرع هذا العمل الانساني...
بتمنى غير انو كون وصلت فكرتي ..وغير اني اسمع رايكن بالموضوع..بتمنى اي حدا ممكن يساعدنا ما يتردد
بدا شوية شجاعة الشغلة مو أكتر... لي بيحب يساهم اكيد الو كل الشكر والتقدير بالتحديد نحنا بحاجة لسا لناس من المحافظات التالية : حماة , طرطوس واللاذقية , دير الزور فأذا حدا بيحب يراسلني هون وشكرا
بتمنى النقاش يكون صريح لاااااااااااااااااااااااخر درجة وتانكس طولت عليكن
هلئ الموضوع هوي خبر وتوصيل فكرة أكتر من مناقشة أو اخد رأي لانو بكل صراحة شوي تانية رح يصير معنا حالة اكتئاب شديد من أفكار مجتمعنا *الجاهزة مسبقا* لحتى توقف بوش كل شي جديد او غير مألوف وكل واحد بيستند لخلفية معينة سواء كانت دينية او تقاليد او خوف او جهل او .. الخ الخ
نحنا كنا محضرين لهاد المشروع كبداية من جامعة حمص بس الأحداث الأخيرة ما سمحتلنا بالسفر والتواصل بشكل كافي
المهم بلشنا ومشي الحال ... بس المشروع لساتو جديد بسورية للأسف وكل الناس عندا فكرة غلط عنو...
المشروع هوي جمعية خيرية لنشر فكرة التبرع بالاعضاء بعد الوفاة *وبرجع بكرر انو : بعد الوفاة يا جماعة !! لك وحياة الله مو فورا *.. وكبداية حاليا بلشنا بقرنيات العين ونشر هالفكرة...
قرنيات العين هيي من اكثر الاعضاء فعالية للتبرع بعد الوفاة.. لانو ما بهم العمر او التوافق بين الشخصين متل الكلية او الكبد او الخ الخ... يعني ممكن قرنية أو جزء من عين انسان عمرو 40 سنة ترجع النظر لطفل عمرو 13 سنة مثلا..
الشغلة التانية انو القرنية معها وقت طويل بعد الوفاة بتحافظ ع حالة جيدة وبيوصل الزمن ل 6 ساعات او اكتر احيانا بينما باقي اعضاء الجسم بتكون ما عادت صالحة للتبرع بعد نصف ساعة او هيك شي !! فالقرنية كتير مريحة بموضوع الزمن والها افضلية ع باقي الاعضاء وممكن جزء من العين بس يرجع نعمة البصر لطفل او أم او شيخ بحياتو ما حس بهاي النعمة ..
مبارح بعد الامتحان تبرع اول حدا بحمص وهوي شب رفيقي عمرو حوالي 25 سنة ..وللاسف هوي تاني متبرع بكل سورية !!!!!! بنك القرنيات عنا بالشام بيعمل حوالي 1500 عملية بالسنة تقريبا وكل القرنيات بيجيبها من برا !!!
يعني بشو الشعب الصيني او الفرنسي او او او ...احسن مننا لحتى يكون عندن فائض ويبيعو لكل دول العالم !!! بينما نحنا منضل 24/7 مندعي الحضارة والاخلاق والكرم والتضحية والخ الخ ولسا ما عنا غير 2 تبرعو مع انو البنك الو موجود من كذا سنة !!
البنك عنا هوي موسسة تابعة لوزارة الصحة..العمليات شبه مجانية للمواطنين مقارنة مع المشافي الخاصة برا...بيدفع سعر رمزي فقط عدة الاف وبترجعلو نعمة البصر !!! يلي ما الها ثمن بينما بمشافي اوربا بتكلف اضعاف اضعاف
والتبرع هوي عملية انسانية مافي بيع ولا شراء هون ولا دفع مصاري لانو العمليات بتصير حسب الدور والتسجيل لكل المرضى حسب التسلسل ...
نحنا انشالله سنة الجاي رح نعمل حملة بالجامعة باغلب الكليات ورح نبلش حملة هاد الصيف بكل المحافظات السورية انشالله وفي كتير ناس متحمسة للمشروع ومن جيلنا نحنا الشباب بالتحديد ..
الفكرة جديدة كتير ولساتنا باول الطريق بس ما رح نتراجع شو ما صار...
ملاحظة: القانون السوري ووزارة الأوقاف والجهات الدينية المسؤولة جميعها تشرع هذا العمل الانساني...
بتمنى غير انو كون وصلت فكرتي ..وغير اني اسمع رايكن بالموضوع..بتمنى اي حدا ممكن يساعدنا ما يتردد
بدا شوية شجاعة الشغلة مو أكتر... لي بيحب يساهم اكيد الو كل الشكر والتقدير بالتحديد نحنا بحاجة لسا لناس من المحافظات التالية : حماة , طرطوس واللاذقية , دير الزور فأذا حدا بيحب يراسلني هون وشكرا
بتمنى النقاش يكون صريح لاااااااااااااااااااااااخر درجة وتانكس طولت عليكن
. يعني ضيف 4 قرنيات ع رصيد البنك