| آرتين لتعليم اللغات https://forum.art-en.com/ |
|
| تعو نحكي بصراحة https://forum.art-en.com/viewtopic.php?t=24678 |
صفحة 1 من 1 |
| الكاتب: | nuwara89 [ الأربعاء يونيو 15, 2011 11:41 pm ] |
| عنوان المشاركة: | تعو نحكي بصراحة |
مرحباااا شباب وصبايا  بصراحة هالموضوع اليوم خطر ببالي وحبيت شارككن فيه وهو باختصار : (شو أكتر شي بتكرهو بحالك؟)  طبعا طالما اننا منعترف بشي منكرهو بحالنا  فهاد دليل ع معرفتنا بالغلط ومحاولتنا انو نصلحو  وانا رح ابدا من حالي: بالنسبة الي بكره اني (انفعالية بتصرفاتي)  يعني كلمة بتفجرني وكلمة بتهدينيوهلق دوركن... حبيت ذكركن بشغلات بتعتقدو انكن لازم تصلحوها بحالكن |
|
| الكاتب: | موسى محمد موسى [ الخميس يونيو 16, 2011 12:14 am ] |
| عنوان المشاركة: | تعو نحكي بصراحة |
nuwara89, شكراً إلك لأنك عم تشاركينا بأفكارك النادرة واللي رح يكسرنا الرد عليها  والله أنا في كتير أشيا بكرها بحالي كمثال يعني دائماً بحاول ما عصب بس مو بأيدي عصبي وشي تاني : بفكر كتير لدرجة إني ما بحسن نام كل الليل وأنا عم فكر  وكتير أشيا  عم حاول إني صلحا بإذن الله شكراً كتير على هالموضوع  |
|
| الكاتب: | rehab [ الخميس يونيو 16, 2011 1:08 am ] |
| عنوان المشاركة: | تعو نحكي بصراحة |
إني بحكي بصراحة والصراحة ما لازم تكون مع كل الناس بس مافيني شوف غلط وضل ساكتة حلو كتير موضوعك تسلم إيدك حبيبتي 
|
|
| الكاتب: | nuwara89 [ الخميس يونيو 16, 2011 2:34 am ] |
| عنوان المشاركة: | تعو نحكي بصراحة |
موسى شكرا لمرورك اخي الكريم ولمشاركتك وانا بشاركك هالطبع اني عصبية rehab معك حق صديقتي الصراحة بتزعج اناس احيانا وللاسف عم نحاول نأقلم حالنا معن رغم انو اغلب الوقت بتكون الصراحة هيي الصح مشكورة لمرورك
|
|
| الكاتب: | حلواني [ الجمعة يونيو 17, 2011 6:44 am ] |
| عنوان المشاركة: | تعو نحكي بصراحة |
أكتر شي بكرهو بحالي وماعد بنفع هالأيام هو الصدق وطيبه القلب |
|
| الكاتب: | nuwara89 [ السبت يونيو 18, 2011 2:27 am ] |
| عنوان المشاركة: | تعو نحكي بصراحة |
حلواني متلي تماما بس مارح قلك غير اني ما قطعت الأمل... لسه في (حدا) بيستحق او رح يستحق طيبة قلبك والله كريم شكرا لمرورك اخي
|
|
| الكاتب: | حلواني [ السبت يونيو 18, 2011 8:41 am ] |
| عنوان المشاركة: | تعو نحكي بصراحة |
اهلا وسهلا صديقتي الأمل بضلو موجود بس نقطة ببحر فينا نقول لأن الناس خلاص تجردت من ثوب الانسانية من زمان صار كلو مصلحة متبادلة بس |
|
| الكاتب: | nuwara89 [ السبت يونيو 18, 2011 10:02 pm ] |
| عنوان المشاركة: | تعو نحكي بصراحة |
صدقني هي مرحلة وبتمر (وعسى أن تكرهو شيئا وهو خير لكم) وما عم احكي نصايح كيف ما كان عم احكي عن تجربة شخصية أنا مريت بمرحلة يئست فيها من وجود أي شيء صادق وحسيت اني مذنبة لأني عم اتعامل مع الناس بطيبة قلب بس بعدين تبينلي أنو مافي شي بضيع عند ربك وبرجع بقلك(الله كريم) بتمنالك الأفضل
|
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|