تبدأ الدورة الثالثة 10/8 وتنتهي 5/9

hairat · **مرسل:** الأحد يوليو 03, 2011 1:35 am

قالت لي الموظفة في الجامعة أن الطلاب النظاميون غير مطالبين بالتسجيل وموعد الدورة الثالثة من 10/8 إلى 5/9

rose87 · **مرسل:** الأحد يوليو 03, 2011 1:45 am

يعني خلص ما نقدم اي طلب بس سمعت انو ازا الطالب معو اكتر من 8 مواد حتى لو نظامي بدو طلب فشو الوضع

Madlin Homsy · **مرسل:** الأحد يوليو 03, 2011 2:04 pm

يا جماعة شو طلع معكن بدنا نسجل ولا مافي تسجيل للنظاميين بدنا نعرف حالما احسنين بكرا تروح علينا الدورة

zeina88 · **مرسل:** الأحد يوليو 03, 2011 4:13 pm

يا ريت حدا يروح عالجامعة و يسأل و يتأكد عن التسجيل

Bashar-Sh-Ali · **مرسل:** الأحد يوليو 03, 2011 7:36 pm

حلو كتير التوقيت منيح بيكفي ل 6 مواد تبعوت الفصل التاني نفسن P:
هلئ انا سالت وخبروني انو ما ممكن يكون التسجيل للنظاميين بهيك دورة لانو رح تعمل عجقة وزجمة ناس ما طبيعية وفوق كل هاد الجو ما بيساعد ... يعني انا بتذكر منظر الموظفة باول فصل كانت رح تشيل سندويشات الزعتر وتبلش لسخ بهالطلاب عن بو جنب بعد ما حرموها من نعمة التنفس يلي هيي من حق كل انسان هههههه

كمان بهيك اجواء عم تعيشها سورية اكيد ما رح يخلو الطلاب تسافر ع الطرقات من كل سوريا بس مشان تسجل اسما !!!!!!!!!
فمشان هيك التسجيل رح يكون للي عندن ظروف خاصة ... يعني مستنفذين او راسبين بكل المواد.... مممم اي وهيك

A7mad · **مرسل:** الأحد يوليو 03, 2011 10:35 pm

بس اكيد بدها تبلش ب 10 8 ؟

my angel · **مرسل:** الاثنين يوليو 04, 2011 1:21 am

سلام
إذا سمحتو هلأ أنا شفت برنامج للدورة الصيفية بشي صفحة معقول يكون نزل بهالسرعة ولأ بيكون للسنة الماضية
وممكن تنزلو البرنامج ع الموقع أزا نزلوه

immortal pain · **مرسل:** الاثنين يوليو 04, 2011 4:11 am

ياريت ينزلو البرنامج بسرعة لانو عالقليلة الواحد بيقدر يعرف كيف يدرس وبانو مادة يبلش

crespo1989 · **مرسل:** الثلاثاء يوليو 05, 2011 5:57 am

باخر يوم بالفحص انا رحت لشوف القرار تبع التسجل بس طلعو شاطبين علي وكاتبين التسجيل غير مطلوب يعني مابدون تسجيل

zeina88 · **مرسل:** الثلاثاء يوليو 05, 2011 12:32 pm

يعني حتى اللي حامل اكتر من 8 مواد ما ضروري يسجل؟

LATEST_POSTS

قوانين المنتدى

تبدأ الدورة الثالثة 10/8 وتنتهي 5/9

الموجودون الآن