يا شباب طلاب المناطق إلي فيها توتر ما حصلو حتى على المحاضرات الأخيرة( خصوصا طلاب السنة الرابعة ) وعم يقولو لو تتأجّل المادة الأولى على القليلة، فيا ريت أخ فارس إذا بتقدر تساعدنا بهالموضوع ،وإن شاء الله يرجع بلدنا الغالي متل ما كان

اللهم يسر أمورهم يا رب...لا حول ولا قوة إلا بالله

ان شاء الله كل الامور بتتيسر ؛؛ انا من فترة مرقت المحاضرات لأصحابي اللي بهال المناطق ؛؛ و فيكن تستفيدو من خدمة : محاضراتي لبيتي : و انا متأكد الأخ فارس ما حيقصر أبداً .

السلام عليكم :

نحنا كتير بنأسف على وضع الطلاب بتلبيسة و الرستن

وجد من الامور اللي بتحزن انو ما حيقدم طلاب البكالوريا و لا التاسع عندن هي السنة بسبب هالظروف

نحنا كتير متأثرين عليهم و بنتمنى يكون في تحرك من أجل طلاب تلبيسة و الرستن حتى يتسنى لجميع الطلبة

التاسع و البكالوريا و الجامعيين يقدموا فحص نظامي متل كل طلاب سوريا

بعتقد عدم تقديمهم للامتحان حيزيد من حدة الوضع

وان قدورا يقدموا فبالعكس هالشي ايجابي وحيكون الو اثر طيب

ان شاء الله

يا ريت يوصل صوتنا للمعنيين من أجلهم و نلحق قبل الامتحانات اللي بتبلش من بكرا

ونرجو من اخواننا تلبية لنداء الزميلة خيرات تقديم المعونة على قدر الامكان مشان طلاب الرابعة

وجزاكم الله خيراً

هلق بعرف ناس عندن نقص محاضرتين تلاتة الاخيرات بس.. فمانها نهاية العالم ولوووووو ومشان طلاب جامعة البعث بحمص او حماة ينزلو يستاجرو موقتا ويمضو الشهر بالمدينة جوا مشان اذا رجعت تازمت الامور ع طرقات السفر وهيك ما يروح علين شي.... هوي شهر وبيخلص
وفي الدورة التكميلية لكل السنوات يعني اذا شي حدا راحت عليه مادة عندو فرصة تانية كمان ما لازم يستسلم للظروف ..
طبعا اذا كان في نسبة طلاب مدينة كاملة او منطقة كبيرة ما حسنت تروح ع الفحص فهاي مشكلة هون لازم الجامعة تتصرف وتمنحن فرصة تانية باي طريقة لانو شو ذنبن هدول طلاب لا الن علاقة بالسياسة ولا بشي ........
طلاب البكلوريا كمان عندن دورة تانية .......
الله يوفق الجميع وانشالله الامور رواق فترة الامتحانات بكل سورية ..

عنجد شكرا لكل الزملاء إلي تعاطفو مع زملائنا بتلبيسة والرستن ، والحمد لله عرفت إنو كتير طلاب منن قدرو يقدمو الامتحان الأول ، والتوفيق للجميع إن شاء الله