آرتين لتعليم اللغات
https://forum.art-en.com/

سؤال بخصوص القبول في الدراسات العليا واتمنى الرد اذا ممكن
https://forum.art-en.com/viewtopic.php?t=24362		 صفحة 1 من 1
الكاتب:  maiss999 [ الأحد إبريل 24, 2011 4:24 am ]
عنوان المشاركة:  سؤال بخصوص القبول في الدراسات العليا واتمنى الرد اذا ممكن
في البدايه تحيه لموقع ارتين الرائع:
اتمنى ان اسأل كيف يحتسب المعدل وهل تنقص منه علامات في حال لم يتخرج الطالب خلال الاربع سنوات وفي حال كان كم ينقص لكل سنه
وثانيا انا معدلي 60.97 ما هي الدراسات التي يمكن ان اقبل بها ولو حتى موازي وهل هناك علامات امتحانات خاصه بالقبول غير المعدل وفي حال وجودها متى تبدا هذه الامتحانات
مع العلم انني تخرجت بالتكميلية السنه الماضيه يعني 2010

بعرف اني سالت كتير بس انتوا ما في منكن واكيد حتجاوبوني
وشكراكتير
الكاتب:  عاشقة العربية [ الأحد إبريل 24, 2011 4:13 pm ]
عنوان المشاركة:  سؤال بخصوص القبول في الدراسات العليا واتمنى الرد اذا ممكن
maiss999,
طبعاً رح نجاوبك .. لأنو نحن آرتين :wink:

طيب ..
هلأ بما أنك تخرجتي تكميلية فهاد مالو علاقة بأي انتقاص لمعدلك، كل القصة انو بيتأجل تقديمك للدراسات العليا سنة.
وحتى انتقاص المعدل هاد مفهوم غلط، معدلك هاد هو وما بيتغير.

بالنسبة لمعدلك، ع الأغلب بيطلعلك دراسات عليا بالموازي، وحسب المتقدمين لأن لو في منن معدلات عالية ما بتقدري توصليلن إلا بموازي.
وبالدراسات العليا عندك: أدبيات ولغويات، وهدول بدهم امتحان لغة تخصصي قبل التقديم وامتحان معياري شامل.

أما بالنسبة لماجستيرات تأهيل وتخصص، فبدو امتحان ومقابلة هني بيحددوّا، وهي الامتحان والمقابلة بيرفعو معدلك لو قدمتي منيح.

وعلى هالأساس بكون معدلك جزء من قبولك :arrow:
لأنو رح ياخدو نسبة من الامتحان المعياري ونسبة من المقابلة، وع اساسها بتفاضلي.

فيكي تطلعي اكتر بهالرابط:
viewtopic.php?f=115&t=22119

موفقة.
الكاتب:  maiss999 [ الأحد إبريل 24, 2011 5:17 pm ]
عنوان المشاركة:  سؤال بخصوص القبول في الدراسات العليا واتمنى الرد اذا ممكن
شرا كتير كلك زوق
الكاتب:  hope is always there [ الثلاثاء إبريل 26, 2011 9:10 pm ]
عنوان المشاركة:  أرجوكم يرجى الرد بسرعة حول الدراسات العليا
بالنسبة لإمتحان القيد في اللغة الإنكليزية الذي سيجري بتاريخ 7/5/2011
ياترى فينا نعيد هادا الإمتحان بعدين لأنو في إمتحان قيد هلاء وإمتحان قيد بالشهر العاشر بصراحة لأني هلاء ماني مستعد إلو بس بدي قدمو على وجه التدرب وياريت تعطوني تفاصيل أكتر عن ماجتسر التأهيل والتخصص وشو بفيد إختبار القيد وياترى شو الخطوات يلي منساويا بعد هادا الإمتحان لحتى ننقبل بلماجستير أنا معدلي 64 وفواصل عندي أمل إنقبل ولا لاء وإيمت بصير القبول لهادا الماجستير
صفحة 1 من 1 جميع الأوقات تستخدم التوقيت العالمي+03:00
Powered by phpBB® Forum Software © phpBB Group
http://www.phpbb.com/