آرتين لتعليم اللغات https://forum.art-en.com/
ديرو بالكن تقولو معنا 60 دقيقة مجانية وتحكو ها لانو .... https://forum.art-en.com/viewtopic.php?t=24274	صفحة 1 من 1

---

الكاتب:	عصام [ الأحد إبريل 03, 2011 6:46 pm ]
عنوان المشاركة:	ديرو بالكن تقولو معنا 60 دقيقة مجانية وتحكو ها لانو ....
لتخفيف الضغط عن الشبكة الخلوية قامت سيريتل بتعديل عرض "ستين دقيقة هدية" الذي اطلقته في الثاني من نيسان, ليصبح موزعا على ستة أشهر بمعدل عشر دقائق مجانية شهريا اعتبارا من اليوم حتى شهر ايلول 2011 هالرسالة اجتني اليوم وانو كل عم يحكي فوق عشر دقايق رح يحسبوها عليه بقا ديرو بالكن ونبهو معارفكن عندي رفيقي قلي بدو يخسر الشركة وانو اتصل عرفيقي التاني مشتهي شوف وشو وقت بقلو هالخبرية وبيكونو حاسبين عليه 50 دقيقة وحدات

---

الكاتب:	Mohammed [ الأحد إبريل 03, 2011 10:50 pm ]
عنوان المشاركة:	ديرو بالكن تقولو معنا 60 دقيقة مجانية وتحكو ها لانو ....
أنو وقت لي عطونا ياهن ما بعتولي رسالة وما خبرت لتاني يوم ... ووقت خبرت ما علق معي الخط ولا بمكالمة طول اليوم .. ووقت علق فتحنا سيرة ما لقينا غير الموبايل فصل فجأة ... طلع خالص العرض العجيب اليوم الساعة 4 كمان ما بعتولنا رسالة يعني لو ما عاملين هالهدية أريح بمليون مرة ... يا فرحتي عنا شركات موبايل وعروض مقتلة بعضها يخزي العين

---

الكاتب:	موسى محمد موسى [ الأحد إبريل 03, 2011 11:13 pm ]
عنوان المشاركة:	ديرو بالكن تقولو معنا 60 دقيقة مجانية وتحكو ها لانو ....
الله يجزيك الخير على هيك بشارة أنا عندي خطين وحكيت ساعتين يعني 120 دقيقة 120 - 20 دقيقة هدية الشركة = 100 دقيقة كسر أحسن شي سكر خطي ليخلص العرض أو في حل أحسن وأكتر دقة هو نبيع الموبايلات

---

الكاتب:	nouar86 [ الاثنين إبريل 04, 2011 12:10 am ]
عنوان المشاركة:	ديرو بالكن تقولو معنا 60 دقيقة مجانية وتحكو ها لانو ....
بوكره هالمقلب رح يطلع بالكاميرا الخفية برمضان ههههههههه

---

الكاتب:	فطوم [ الثلاثاء إبريل 05, 2011 12:44 am ]
عنوان المشاركة:	ديرو بالكن تقولو معنا 60 دقيقة مجانية وتحكو ها لانو ....
ههههههههههه واحد صفر لكل اللي حكو لكن الله يعطيك العافية اخي

---

الكاتب:	فارس [ الثلاثاء إبريل 05, 2011 1:13 pm ]
عنوان المشاركة:	ديرو بالكن تقولو معنا 60 دقيقة مجانية وتحكو ها لانو ....
اي يضربو هنن و هيك عرض قبل التعديل و بعد !!! يعني يا منطخو يا منكسر مخو !! ... لك أول ما اعلنو عن العرض و انشغلت كل شبكة المحمول من وراه ... قلت اكيد اللي حط هالعرض شي واحد مصيف و مانو عايش بسوريا و ما حاسب و ما و ما و ما ... بس بعد ما تعدل العرض ... تأكدت انو هالشخص مو بس مصيف ... لك مصيف فايت بالحيط و مأجر الطابق الفوقاني كمان ! لك ولي عليهم ... يعني ما بيعرفو يعملو عرض متل الخلق ؟ لك مين قلهم انو انا رح ابقى بسوريا 6 اشهر ؟؟ لك و مين قلهم انو هالعالم بعد خمس اشهر مثلا رح تتذكر انو معها هيك عرض ولا لشو كان و لا ولا ... خلص ما بدي انبحت عليهم هلأ .. سلام بس باين علي معصب مو ؟

---

الكاتب:	Mohammed [ الثلاثاء إبريل 05, 2011 10:31 pm ]
عنوان المشاركة:	ديرو بالكن تقولو معنا 60 دقيقة مجانية وتحكو ها لانو ....
مو

---

الكاتب:	هائل h [ الأربعاء إبريل 06, 2011 1:22 am ]
عنوان المشاركة:	ديرو بالكن تقولو معنا 60 دقيقة مجانية وتحكو ها لانو ....
العرض حلو شوي بس بنتمنى اسعار الاتصالات بشكل عام تكون رخيصة مو بس عروض

---

صفحة 1 من 1	جميع الأوقات تستخدم التوقيت العالمي+03:00
Powered by phpBB® Forum Software © phpBB Group http://www.phpbb.com/