راح التخرج مشان عيون الدكتور وليد سراقبي والطرائق تبعو بوضع الأسئلة

omarblackman · **مرسل:** الأحد أغسطس 21, 2011 5:11 am

ياعالم شو مشان مادة الطرائق مادة المعدل سابقا المادة المساعدة متل ما بيقولوا مادة الثمانينات شو مشان أنها صار مادة العشرينات ؟؟؟؟؟؟

لك قدمناها الفصل الماضي (الثاني ) ورسبت وهلق قدمناها وكمان رح ترسب وراحت عليك ياعزيزي الطالب للفصل التاني السنة الجاي مشان عيون الدكتور وطرائقه
وفيما يلي تلخيص للأسئلة اللي أجت بالامتحان :

السؤال الأول: عدد أهداف الأعداد ؟ ومقوماته ؟ ومقومات الأعداد الخطي ؟؟ 30 د
الأهداف 4 تعدادات والمقومات 12 ومقومات الاعداد الخطي 9 يساوي 25 تعداد والأحلا من هيك حضرة الدكتور لا يقبل شرح التعداد وإنما بدو ياه بحرفيتو ؟؟؟!!!

السؤال الثاني

((السؤال المصبة المهمة المستحيلة ))عدد طرق تطوير تدريس القواعد النحوية ؟؟؟؟ 34 د
ياجماعة هادا سؤال هادا أنتحر يعني شق تيابي

؟؟؟؟ جوابو 17 تعداد موزعين ع 4 صفحات لك اذا نقلتهن من المحاضرة مباشرة بدهن ياكلو معك ساعة كتابة بالإضافة أنهن بدهن يعبولك الدفتر

السؤال التالت : ((المفاجأة )) 5 فراغااااااااااااااات ؟؟؟؟ 36 د
الأول (( ماشي حالو )) ايجابيات الطريقة القياسية
الثاني (( قال العالم مدري شو طينو)) شي عن جهاز النطق وهيك شي ؟؟؟؟ أي لكن نحن عم ندرس علوم طبيعية

الثالث (( سهلو الدكتور مشان الطالب ماينجلط بالقاعة )) عناصر التعبير
الرابع ((التقسيم عند سيرستون ))
الخامس ؟؟؟؟؟؟؟؟؟؟؟؟؟؟؟؟؟؟؟؟؟؟ أهم عامل في انتشار اللغة العربية لك أن تختار ماهو لاني دورت عليه بالمحاضرات وما لقيتو ؟؟؟!!
ناس قالتلي القران الكريم وناس التواصل بين البشر وناس الإسلام وناس مدري شو ؟؟؟ حتى في طالب من رفقاتي كتبلو أنو اهم عامل هو ::: مادة الطرائق لاني صاحبنا بدو يشتكي عليه لمجلس الأمن فبتالي رح تنتشر اللغة العربية

اييييييييييييييييييييييييييييه يا زمن *plz

يارا العلي · **مرسل:** الأحد أغسطس 21, 2011 11:50 am

omarblackman,
طوّل بالك أخي وانشالله بتطلع معك لاتكون متشائم
ياما في مواد بننجح فيها بدون مانكتب منيح ومواد بنكتب كتير منيح ومابتنجح
وعنجد معك حق تتدايق إذا راحت معك سنة كاملة كرمال هيك مادة
يعني لو (نثر ) أو (اتجاهات) كنا قلنا بتستاهل
بس الطرائق فعلا هي من يوم يومها مادة لرفع المعدّل
بس يبدو تحوّلت هلئ لرفع الضغط
هلئ المهم في رفع بالموضوع

يلا بسيطة بعين الله..الله يجعلها آخر المصايب
وانشالله يارب بتنجح فيها وبتتخرج وبنباركلك هون...

عاشقة العربية · **مرسل:** الأحد أغسطس 21, 2011 5:46 pm

فعلاً في مواد بتتحول رفع ضغط

لأنو بكون الواحد مأمّن وع أساس معدل قال، بلاقيا صارت عقبة
متل الطرائق
متل علم الجمال

المادة هي بالذات كل سنة دكتور، لهيك الطلاب ما عم يعرفو كيف عم تكون الأسئلة، لأ ويظهر انو كثيييفة ولازم تصورو تصوير الأجوبة من المحاضرات لأنو طويلة

يلا معلش لخير، بجوز هي المادة تنفعك أكتر شي بعدين.

omarblackman · **مرسل:** الاثنين أغسطس 22, 2011 8:36 am

لك اااااااااااااااخ خليها بالقلب تجرح ولا تطلع لبرا وتفضح سنة كاملة مشان مادة وحدة اييييييي ولووووووو والله كتييررررررررررر

hairat · **مرسل:** الأربعاء أغسطس 24, 2011 1:41 am

والله العظيم هاد الحكي ما بصييييييييييييييييييييييييييييييييييييييييييييييير ما بصير ، هاد ما امتحان هاد عملية تعجيزيّة ،يعني هالدكتور ....................... على هيك أسئلة ولازم يتقدم ضدو شكوى من كل الطلاب أحسن ما نلاقيه سنة الجاي بخلقتنا

ما بكفي يعني إنو هالدورة محسوبة علينا على الفاضي ،والقاعات تقريبا فاضي ، ولّا يوم الاثنين أحلى شي ،لأننا عم نقدم وصوت الرصاص بأدنينا ، وراح كل التركيز ، وبعد ما اطلعنا معد نلاقي مواصلات ترجعنا على بيوتنا ( على القليلة إلي بيتو بالسوق أو لازم يمر منو ليوصل لبيتو) لأ لسا علينا دكتو متل الدكتور وليد ما يخلي سؤال إلا يجيبو ، يعني كان يقلنا اكتبو كل المحاضراااااااااات يلا صايرة وصايرة وخربت وخربت ، مشان الله يا عاشقة العربية إذا بتقدري تساعدينا لازم يكون في حل لأن التقديم بهيك ظروف حرااااااااااااااااااااام إنو ينعمل اعتراض رسمي يتقدم لإدارة الجامعة مثلا أو أي حل تاني ، ياريت يقدر موقع أرتين إلي منحبو يساهم بحل يساعدنا ن والله نحنا طلاب السنة الرابعة هاي السنة حظنا قليل بس ما بقول إلا حسبي الله ونعم الوكيل

LATEST_POSTS

قوانين المنتدى

راح التخرج مشان عيون الدكتور وليد سراقبي والطرائق تبعو بوضع الأسئلة

الموجودون الآن