| آرتين لتعليم اللغات https://forum.art-en.com/ |
|
| بدي نصيحة https://forum.art-en.com/viewtopic.php?t=24080 |
صفحة 1 من 1 |
| الكاتب: | R.angel [ الاثنين مارس 07, 2011 4:03 am ] |
| عنوان المشاركة: | بدي نصيحة |
 السلام عليكم :أنا من زمان حابة افتح دورات مشان قوي انكليزيتي بس محتارة وسألت كتير بس ما توصلت لشي لهيك قلت بسألكن لشوف شو رأيكون انتو  بس ما بعرف وين أو عند مين و ما في حل غير تنصحوني  وياريت اذا حدا عندو شي تجربة يخبرنا عن تجربتو شو رأيكون بلش بتوفل  طيب وين  وشكرا سلفا 
|
|
| الكاتب: | ameer [ الاثنين مارس 07, 2011 6:52 am ] |
| عنوان المشاركة: | بدي نصيحة |
السلام عليكم اختي بصراحة اول الشي رح احكيلك عن تجربتي . انا كنت متلك كمان حبيت انو قوي حالي في مجال المحادثة وفعلا اتجهت للمعهد العالي للغات بحلب وكان في انسة اسمها سوسن مطر من عندكم من حمص كانت كتير قوية وكتير استفدت عندا وهلأ ان شالله رح ادخل دورة تقوية بس بغير مجال رح ادخل بمجال الترجمة لانو الترجمة شيئ ضروري كتير النا نحن الاختصاصيين فهلأ انت المطلوب منك انو تشوفي حالك باي شي ضعيفة... بالقواعد ؟ بالترجمة ؟ بالمحادثة ؟ الخ اما اذا كنت ضعيفة شوي بالقواعد وشوي بالمحادثة وشوي بالترجمة فممكن انو تدخلي دورة عامة . في شي اسمو بالمعهد العالي للغات "دورة عامة" تشمل قواعد ومحادثة وترجمة ولكن بشكل مبسط اكتر من الاختصاص اما عن مساوئ المعهد العالي للغات فهي عدم توافر دورات بشكل متتالي يعني بالسنة كلها ممكن تعملي ثلاث او اربع مستويات فقط والاوقات غير مناسبة بالنسبة للامتحانات !!! فيكي تروحي على المعهد وتسألي هلأ في عندك خيار تاني وهو المعاهد الخاصة بس هي المعاهد غالية وماديين كتير في النهاية احب ان انوه الى الخطأ الشائع الذي يقع فيه اغلب الطلاب وهو اعتبار ان التوفل هو شهادة او انها منهاج يدرّس في المعاهد والاصل في ذلك هو ان التوفل ان جاز التعبير سوف اقول انه امتحان قبول لدخول الماستر بعبارة اخرى اي طالب من اي اختصاص عندما يريد ان يكمل دراسته في جامعة خارج البلد تطلب منه تلك الجامعة التوفل وعلامة التوفل من 720 فطالب الطب الذي يريد ان يكمل اختصاصه في الخارج يحتاج لان يجتاز التوفل بعلامة 520 من 720 امّا طالب اللغة العربية فيحتاج الى 300 من 720 مثلا والارقام ليست صحيحة بل تقريبية وهكذا بتمنالك التوفيق والنجاح وبعتذر على الاطالة 
|
|
| الكاتب: | R.angel [ الثلاثاء مارس 08, 2011 2:39 pm ] |
| عنوان المشاركة: | بدي نصيحة |
ameer, شكرا الك ع ردك
اقتباس:
انت المطلوب منك انو تشوفي حالك باي شي ضعيفة... بالقواعد ؟ بالترجمة ؟ بالمحادثة ؟ الخ
هلأ انا حاسة اني ضعيفة بالترجمة لانو علاماتي بالترجمة قليلة مع اني بنجح بس بتكون بالخمسينات بس ما بعرف محتارة انو دورة عامة ولا ترجمة
اقتباس:
اعتبار ان التوفل هو شهادة او انها منهاج يدرّس في المعاهد
هلأ انا برأي انو التوفل دورة بفتحها وبتعلم وبنفس الوقت باخد الشهادة هاد رأيي ما بعرف اذا غلط أو لاء شكرا الك امير 
|
|
| الكاتب: | عصام [ الأربعاء مارس 09, 2011 1:28 am ] |
| عنوان المشاركة: | بدي نصيحة |
R.angel, بحمص كلها للاسف مافي مركز متل الخلق والناس وعلى مستوى بينما بالشام في مراكز فوق المستوى ومنها المركز البريطاني بقا بحمص في معهد دار الالسن يمكن الاستاذ حسام السيوفي بسمع عنو انو منيح كتير من ناحية توفل فانو هو تجميع لقواعد اللي عم تاخدين بهالجامعة بقا اذا مانك مضطرة عليه مافي داعي الو وببساطة كتاب القواعد تبع السنة التانية اللي لونو ازرق من اقوى الكتب بمجال القواعد وفينك تعتمدي عليه وتقريه بهدف الاستفادة مو بهدف انو لتنجح المادة  الترجمة عندك معناتو ماعندك اسلوب تركيب الكلمات مع بعضن بشكل صح وانو في شوية نقط قواعدية يبدو وانشالله بتخلصي منن وبالتوفيق انشالله |
|
| الكاتب: | R.angel [ الجمعة مارس 11, 2011 2:38 pm ] |
| عنوان المشاركة: | بدي نصيحة |
عصام, كنت منتظرة ردك 
اقتباس:
بحمص كلها للاسف مافي مركز متل الخلق والناس وعلى مستوى
بعرف انو في بالشام كتير مراكز بس وين اناااااااا ووين الشام بينما بالشام في مراكز فوق المستوى ومنها المركز البريطاني يعني صعبة علي روح عالشام مشان افتح دورات
اقتباس:
من ناحية توفل فانو هو تجميع لقواعد اللي عم تاخدين بهالجامعة بقا اذا مانك مضطرة عليه مافي داعي الو
بصراحة انا كنت حابة افتح توفل بس هلأ انت ما عم تنصحني معناها رح شيل الفكرة من راسي
اقتباس:
الترجمة عندك معناتو ماعندك اسلوب تركيب الكلمات مع بعضن بشكل صح وانو في شوية نقط قواعدية يبدو وانشالله بتخلصي منن
اي صح في هيك شي طيب كيف رح اتخلص منن عصام شكرا
|
|
| صفحة 1 من 1 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|