السلام عليكم ورحمة الله تعالى وبركاته
شكرا لكم على هذا الموقع المتميز الذي من خلاله نستطيع ايجاد حلول لمشكلاتنا
مشكلتي هذه المرة اني صارلي 3دورات عم قدم الادب المقارن1 وبرسب فيها والشي المضحك المبكي اني عملت مقارنة بين اخر محاضرة من الادب المقارن بين مكتبة وضاح ومكتبة زيوس فلقيت انو المحاضرتين ما بيشبهوا بعض ابدا حتى الافكار وانا هلأ كتيييييييييير محتارة فياريت اذا في حدا نجح هالمادة يذكرلي المكتبة اللي بيتعامل معها او حتى اذا عندو نوطة خاصة فيه ياريت يراسلني ويساعدني لأحصل عليها مع العلم اني مغتربة وما عم احضر ولكم كل الشكر
جزاكم الله خيرا

حفصة الشامي,
والله يا أختي هالمادة بالذات (وأنا عم احكي عن هادا الفصل بالتحديد ) ما خرج تندرس من المحاضرات أبدا لأنو الدكتور ما بيقدر يشرح كل شي
يعني اللي بيحفظ كل المحاضرات بصم ما بتوقع بيقدر ياخد أكتر من 40
المادة ضخمة وبدا حفظ وفهم بنفس الوقت, وحصرا من الكتاب
بالتوفيق انشالله

انا ما قدمت المقارن الحمدلله بس صرت مقدمة التعبير كتابي هي خامس مرة ودكتورة ما تنجحني يمكن مسألة حظ لان انا ماتم عندي امل بهالمادة

زوراء,
لا أختي الشغلة ما فيا حظ أبدا
بس بدا شوية تدريب ع كتابة المقالات وشوية انتباه عالأخطاء القواعدية والاملائية, يعني متل ما بتعرفي نحنا سنة رابعة هلأ ما معقول نتحاسب على إنو مبتدئين
انشالله بالدورة الجاي بترفعيا بمعدل

السلام عليكم
معقول مافي حدا رفع هالمادة شو القصة يا جماعة بدنا مساعدتكم اذا في حدا عندو اي معلومة يفيدني مشان الله

حفصة الشامي,

في حال عم تقارني بين زيوس ووضاح بقلك زيوس افضل

حفصة الشامي,
متل ما ذكرلك Wissamo بالضبط .. يعني المادة مابتندرس للفحص إلا من الكتاب ، والمحاضرات فين شرح الدكتور فقط يعني مو كل المعلومات المطلوبة
فالي عليك تعمليه هوي تلخيص كل شابتر لوحدا و تقرأي شو حكاالدكتور عنا بالمحاضرة لتعرفي شو الي ركّز عليه من هالشابتر .. و بالنهاية بصير عندك معرفة بأهم النقاط الي زكرا ووين موجودة بالكتاب و بعدين حفظن من الكتاب.
هداالشي لازم تبدي فيه من اليوم ولازم كل اسبوع بأسبوع تكوني مخلصة شابتر .. صحي صعب و بشع و قديم و مبعرف شو .. بس انت صبري و كملي
و ألا ما يوماً ما الله يرسللنا دكتور مختص بهالمادة متل جامعة دمشق و حلب مثلا ينزّل كتاب ع الأقل إصدار بعد ال 1960ليتوافئ شوي مع لغة و أفكار العصر
يلي عليك هلء تدرسي الكتاب الموجود بأي طريقة و تلتزمي فيه حرفياً بعد فهمو