اذا بدي اشترك مع مكتبة الوضاح كيف بتم الاشتراك
واي محاضرات بتوصل اسرع محاضراتي لبيتي و لا الوضاح
و الاثنتين بتوصل الكترونيا و لا شو؟؟؟؟؟؟؟؟؟؟؟؟
بليز جاوبوني

noor sham,
ماعندي فكرة عن اشتراك وضاح وطبعا ان كان وضاح او عن طريق ارتين فال2 بيكون عالايميل اللي بتحدديه ومن ناحية اسرع فما بعرف كيف وضاح بيبعتن باي ترتيب
محاضراتي لبيتي كل نهاية اسبوع بيبعتو محاضرات اللي نزلت خلال هالاسبوع بالمكتبة اللي بينتعامل معها وهي زيوس او المتنبي

اي بس ما بعرف اذا صح و لا لا قالولي انو محاضراتي لبيتي ماعم يبعتلوهم المحاضرات انا اسفة بس و الله هيك سمعت و حابة اتاكد و حابة اعرف فيني اعطيهم المصاري ع دفعات يعني كل ما بيبعتوا دفعة بعطيهم التانية و كيف فيني اشترك و انا اسفة بس حابة اتاكد و ارجو من كل حدا عندو نصيحة ينصحني.

noor sham,
اللي قلك هيك عالخاص خليه يقلنا هيك عالعام ويواجهنا بهالشي
وفي حال تم التاخير فبيكون بدل يوم الخميس مثلا انبعتو يوم الجمعية لضمان وصلو اكبر كمية من المحاضرات الجاهزة
ومن ناحية الدفع فبيكون دفعة وحدة

اختي نور مكتبة زيوس مو ماعبتبعت بس عبتتأخر لتبعت المحاضرات يعني رفيقتي اشتركت فيها السنة الماضية قالتلي نزلت عسوريا ولسا ما بعتولي غير كم محاضرة
وبالنسبة لوضاح لازم تبعتي حدا يدفعلو 3500 وبيعطيكي وصل وبصير بيبعتلك عالايميل سبت اي وسبت لاء المحاضرات

شكرا الك اخ عصام و اخت صبا ع الرد
بس عندي سوال كيف بدي ادرس المقارن لانو قالولي من الي علمهم الدكتور و باي وحدة بديوا المقارن و من شان المحاضرات اخت صبا رح اتوكل ع الله و اشترك بالوضاح اذا انت مجربتيه و شكرا.

siba-m,

وقت بيكون هيك تأخير فبيكون بسبب تاخير من الدكاترة وانو ليكي هالفصل دوام متل الخلق مافينك تعتبري حالك عم تداومي من ورا هالعطل والفوتان بالحيطان
ومن ناحية رفيقتك فانو في حال كانت مسجلة بالفصل التاني فخليها تتواصل معي مباشرة وتقلي انا كنت مسجلة كذا وكذا وانتو لتاريخ كذا مو باعتين لاعتذر منها مباشرة اي طريقة بتحب بس انو قيل عن قال ماحلوة هي لانو عم تشوه باسم مكتبة بشي انا واثق من مسارو الصحيح خلال الفصل التاني فما بعد وخلال هالسنة

السلام عليكم
انا سجلت بمكتبة زيوس ويوم السبت الماضي بعتولي المحاضرات الاولى اللي نزلت ووعدوني انو كل اسبوع راح يبعتولي المحاضرات وما بظن انوا من مصلحة المكتبة تتأخر ببعت المحاضرات فسجلي بزيوس وتوكلي على الله