ارتين موقع همه الوحيد النصب عن طريق محاضراتي لبيتي

[color=#BF0040[/color]

إذا نصبو عليكي بنصحك اشتكي علين

شو هاد ما عاد حدي خاف من الله

أسف يا انسة رهام بس ماحدا جابرك تاخدي محاضراتك من هون ولشو هل الحكي

رهام,
أولاً أشك أنك نفسك صاحبة العضوية "رهام" و انما شخص سرق العضوية من خلال تخمين كلمة المرور السهلة اللي حاطتها صاحبة العضوية .

ما رح احذف الموضوع و انما عدلت الكلام القذر اللي انذكر فيه و بعبر عن مستوى شخصية كاتبو .

بالنسبة لخدمة محاضراتي لبيتي , فائدتها المادية لآرتين تكاد انو لا تقدم ولا تأخر , و الكل بيعرف انو آرتين ما بحاجة لا الها و لا لأي إيرادات مادية لحتى يتابع نجاحو ... نحن ماشيين من اكتر من 3 سنين و مافي اي شي صار بآرتين ممكن يغطي ولا حتى ربع تكلفة آرتين المادية .

انا ما لازم رد ع اللي كتب الموضوع , و انما لازم وضح للكل شو غاية آرتين الحقيقية من خدمة محاضراتي لبيتي .
كلنا كطلاب منعرف و متأكدين انو كل المكاتب لابد الا و أنو يكون في بمحاضراتها أخطاء , و لا استثناء لأي مكتبة . و لهالسبب فقط آرتين ما قدم خدمة محاضراتي من بداية إنشاؤه . لكن الطلب على محاضرات عبر آرتين كتر جداً و سعى آرتين جاهداً لتوفير المحاضرات من خلال مجموعة "فريق المراسلين" اللي تم إنشاءها لتزويد بقية الطلاب بمعلومات عن آخر مستجدات المواد .
فريق المراسلين و كل شخص فيهم يشكرون جزيلا ع جهودهم , و رؤية ما يكتبون في الموقع هو ليس حكر على أي أحد .. و هاد هدفنا , أن تعم الفائدة للجميع بالمجان , الفريق كان عبارة عن طلاب متطوعين مفيدين للمجتمع بفوتو ع آرتين و بيعطو ...
لكن عانينا من قلة هيك أشخاص مميزين فيهم الخير قولا و فعلا ... و استمرت الأصوات المطالبة بتزويد الطلاب بالمحاضرات عن طريق آرتين ... خاصة المغتربين .
و بعد دراسة لجدوى الموضوع للطلاب ... اطلقنا خدمة محاضراتي لبيتي بسعر رمزي جداً و هو ألف ليرة سورية فقط لكل محاضرات مواد الفصل . و كان هالسعر خدمة من أحد الأصدقاء و اللي هو عصام المشرف بآرتين هون المسلتم أحد المكتبات . لكن السنة اللي بعدها واجهنا صعوبات بالتفاوض مع المكتبة و ألزمونا بأنو نصل لهالسعر هاد .. اللي هو 2500 . و أكيد يبقى هاد السعر أقل من كل المكتبات الباقية اللي بتقدم خدمة المحاضرات ع الايميل ولولا هيك كنت لغيت الخدمة كلها.

و اشترك كتير طلاب بهي الخدمة و وصل عدد المشتركين للعشرات ... كلهم من المغتربين في الغالب . و ما وصلتني أي شكوى بخصوص الخدمة و هي اول مرة شخص بيحكي عنها و واضح من مجرد سرقتو لعضوية شخص تاني .. انو هدفو التخريب ع النجاح اللي وصلو آرتين .

بشكرك ع مساهمتك و اضافة المزيد من الثقة بآرتين من أعضاؤه من خلال محاولتك هي .

و رح يبقى آرتين بإذن الله خدمة و هدية من نخبة من الطلاب ذوي الأخلاق العالية ... لأخوتهم الطلاب أيضاً بدون انتظار أي شكر او فوائد تجارية . و لو شو ما صار إيرادات لآرتين من اي شي فيه ... مهما كانت ضئلة ... رح تبقى تروح كتغطية ولو لجزء صغير من تكلفة آرتين و تطويرو .

سلام

السلام عليكم:



حقيقة أول ما شفت هاد الكلام ارتفع ضغطي

أنا سبق وشكرت الأستاذ فارس على خدمة محاضراتي لبيتي لأنها السبب في نجاحي السنة الماضية وأنا مغتربة وكانت أكثر من رائعة

وهذه السنة سلمهم الله ما قصروا ولو مرة واحدة

أ ستاذ فارس الله يعطيك العافية وحتى الأسعار اللي ارتفعت شي قليل بالنسبة للفائدة

بيكفي الجهد اللي عم يبذلوه الزملاء هون وحتى لو كان في تقصير أو غلط بشي ما بيصير بتنطرح المشكلة وبتنحل بهدوء

يعطيكم العافية ادارة ومشرفين وأعضاء والله يجزيكم خير دائماً

رهام,
شو عم يوجعك بالضبط
يعني انو حدن دافشك هالدفشة العجيبة لحتى طالع صوتك مثلا
او انو حابة تعملي حركة شوي تخففي دمك
في حال عندك أي مشكلة ففينك تراسليني او تراسلي فارس مباشرة لحتى انو ماتضربي بصورتك هيك كل هالقد لانو آرتين كبييير كتير أكيد زبيمرق عراسو كتير هيك فتيشات وبيبقى كبير

a7mad alsibai, اولا انت مين قاصد بكلامك
تانيا ماحدن اجاها للانسة رهام او أيا يكن وصار يتحكم فيها
في سعر محدد للمواد وهي اخدت حقها
بقا قبل ماتوجه اي كلمة ان كان للمنتدى او للمكتبة زين كلامك مزبوط لانو عم ينحسب عليك


حلواني, المكتبة ما بتعترف على أي طالب رح يراجعها لأنو علاقتن بآرتين حصرا
ولما عم بيتم ارسال المحاضرات فهاد بيصير عن طريق موقع آرتين وبس
بقا لما بيصير أي خلل فالمسؤول انا وفارس حصرا