السلام عليكم :
هل يؤثر جمال الانسان على تقييمك لشخصيته وأخلاقه وأدائه؟
لأي درجة يؤثر الجمال على ثقة الانسان بنفسه أو بالآخرين ؟
آرائكم لو سمحتم
| آرتين لتعليم اللغات https://forum.art-en.com/ |
|
| تأثير الجمال https://forum.art-en.com/viewtopic.php?t=23792 |
صفحة 1 من 2 |
| الكاتب: | rehab [ السبت فبراير 05, 2011 9:04 am ] |
| عنوان المشاركة: | تأثير الجمال |
السلام عليكم : هل يؤثر جمال الانسان على تقييمك لشخصيته وأخلاقه وأدائه؟ لأي درجة يؤثر الجمال على ثقة الانسان بنفسه أو بالآخرين ؟ آرائكم لو سمحتم
|
|
| الكاتب: | أندلسية [ الأحد فبراير 06, 2011 12:36 am ] |
| عنوان المشاركة: | تأثير الجمال |
اقتباس:
هل يؤثر جمال الانسان على تقييمك لشخصيته وأخلاقه وأدائه؟
بالبداية نعم لكن لتقييم أخلاق أي شخص و أدائه سأعتمد على أشياء أخرى غير الجمال أيضاً ..و أما أن تعزز هذه الاشياء رأيي الاول بهذا الشخص أو تنفيه . باختصار الجمال يلعب دور كبير في تسويق شخصية ما لنفسِه و تقبل الاخرين له في المجتمع و في مجال العمل .. لكن الفيصل هو أداء الشخص نفسَه الحقيقي و مؤهلاته و تعامله الفعلي مع الناس . اقتباس:
لأي درجة يؤثر الجمال على ثقة الانسان بنفسه أو بالآخرين ؟
الثقة شيء داخلي .... و يمكن تعزيزه فيما بعد بأيدينا و بعوامل خارجية .. و من العوامل الخارجية التي تعزز ثقة الشخص بنفسه هو تقبّل المجتمع المحيط له لشكله و الاعجاب به .. أو ما يسمى ب" الجمال" .. لأنه الجمال مثلما نعلم هو نسبي .. أي أن "جميلاً " في سوريا ليس بالضرورة أن يكون "جميلاً" في سنغافورة ..و هكذا .. مقومات الجمال ذاتها تختلف حتى من أسرة لأسرة ... المهم أنه عندما يراني الناس الذين أتعامل معهم " جميلاً" فهذا بالتأكيد و على الأقل يعزز ثقتي بنفسي .. و فيما يخص الشطر الاخير من سؤالك ... هل يعزز الجمال ثقتي بالآخرين .. فخطر الآن في ذهني عندما أكون أمام موظفتين أو موظفين .. أو أياً يكن .. و عليّ التقدّم مثلا بورقة ما لأحدهما .. فعلى الأغلب أتوقع أن أتعامل مع الشخص الذي أحترم شكله أكثر ..........
|
|
| الكاتب: | حبيب [ الأحد فبراير 06, 2011 1:11 am ] |
| عنوان المشاركة: | تأثير الجمال |
ليس الجمال بأثواب تزيننا إنما الجمال جمال العلم والأدب |
|
| الكاتب: | فــلـك [ الأحد فبراير 06, 2011 2:55 am ] |
| عنوان المشاركة: | تأثير الجمال |
rehab,
اقتباس:
هل يؤثر جمال الانسان على تقييمك لشخصيته وأخلاقه وأدائه؟
اكيد لاءالجمال ممكن يخليني ارتاح بالتعامل مع الطرف الآخر...بينما تقيمي الو بكون من خلال تعاملو معي ومعرفتي بأخلاقو وسلوكو وطريقة تفكيرو...هالشي بخليني احترموا... الجمال برأيي لايعني انو شخص جميل متل ملك جمال او ملكة جمال... وانما انسان مرتب..نظيف..حسن الهيئة. اقتباس:
لأي درجة يؤثر الجمال على ثقة الانسان بنفسه أو بالآخرين ؟
درجة جيدة...الثقة بالنفس مابتجي عن طريق الجمال فقط.. بل عن طريق العلم والفهم والقدرة على حسن التعامل مع الناس.. يعني المكانة الاجتماعية..ووضعي بالمجتمع...وتأثيري سلباً او ايجاباً بهالمجتمع هوي يلي بيعطي الثقة بالنفس اولا... وبعدين بيجي الجمال ليعزز هالثقة اكتر واكتر.. موضوع جميل..  تقبلي مروري.. بانتظار جديدك.. |
|
| الكاتب: | رشا [ الأحد فبراير 06, 2011 8:54 pm ] |
| عنوان المشاركة: | تأثير الجمال |
شكرا كتير لموضوعك اول شي جمال الانسان بجمال روحه لو كان ملاكا من الخارج فكثيرا ما يخدع شباب او فتيات بجمال شخص اخر ولكن الجمال الحقيقي في الداخل احيانا نرى كثيرا من الاشخاص لديهم شكلا قبيحا لكن ارواحهم تكون رائعة جدا وانا نفسي التقيت اشخاصا من هذا النوع وهذا النوع ولكن اجمل شيئ تقابله ان تقابل شخصا جميل المنظر والروح وايضا التقيت باشخاص كهؤلاء لا اعني بذلك اي اهانة لكنه شيئ رائع ان تقابل ان تعرف انه لا يزال يوجد اشخاص غير معتدين بجمالهم الخارجي ويتمسكون بجمالهم الداخلي واخيرا اقول ان الجمال يذهب ويزول مثل وردة ندية ويبقى الجمال الحقيقي جمال الروح والادب والاخلاق الحسنة اشكرك رحاب على هذا الموضوع الجميل والذي يعد احد المواضيع الهامة في حياتنا |
|
| الكاتب: | سيرين [ الاثنين فبراير 07, 2011 5:36 pm ] |
| عنوان المشاركة: | تأثير الجمال |
rehab, اقتباس:
آرائكم لو سمحتم
تكرم عيونك 
اقتباس:
هل يؤثر جمال الانسان على تقييمك لشخصيته وأخلاقه وأدائه؟
وقت بدي قيم إنسان ما , تقيمي بكون مبني على موقف أو خليني قول تصرفات هاد الشخص بغض النظر عن مظهرو الخارجي , يعني شو بهمني جمالو إذا أخلاقو مو منيحة ؟؟ و بالمقابل ممكن يكون عادي جدا بس أخلاقو عالية كتير 
اقتباس:
لأي درجة يؤثر الجمال على ثقة الانسان بنفسه أو بالآخرين ؟
بتصور هاد الشي بيتوقف على نوعية الناس المحيطين و طريقة تفكيرن و تعاملن مع الناس و خص نص نظرتن لأصحاب الجمال الخارجي  rehab, أشكر لك هذا الطرح و وجودك معنا بيسعدنا أكيد 
|
|
| الكاتب: | rehab [ الثلاثاء فبراير 08, 2011 4:21 pm ] |
| عنوان المشاركة: | تأثير الجمال |
يتم الحكم على شخصية الانسان وأخلاقه بشكل أدق عندما يحمل هذا الشخص صفات جذابة أكثر. السبب كما يعتقد الخبراء هو أن الناس يصغون له كما يبدون له المزيد من الاهتمام عند الاستماع. في اللقاء الأول أو في المحادثة الأولى يتم تقييم طبع وشخصية الشخص بشكل افضل كلما كان هذا الشخص جذاباً اكثر بالنسبة للمستمع. هذا ما يعتقد به علماء نفس كنديون في دراسة تجريبية. طبعاً هذه الدراسة الأولى يعني انو أي انسان يتأثر في البداية بالجمال الخارجي ويقيم على اساسه ولكن بالتأكيد الحكم النهائي يكوم بعد المعاملة واكتشاف حقيقة الشخص حتى يتم تقييمه بشكل صحيح والإنسان الخلوق والمنطقي و...........الأفضل ان كان جميلاً أو لا والجمال جمال العلم والأدب باختصار شكراً جزيلاً لآرائكم. العقلانية المنطقية. أندلسية حبيب رشا فلك سيرين. أسعدتني آرائكم ومروركم 
|
|
| الكاتب: | الملاك [ الثلاثاء مارس 22, 2011 6:04 pm ] |
| عنوان المشاركة: | تأثير الجمال |
ممممممممممممممممممم  .... بعد صراع طويل مع نفسي قررت أكتب الحقيقة  بصراحة الموضوع شدني.... وعندي كلام كتير ممكن اكتبو عبر فيه أنو الجمال الداخلي هو الأهم وهو الأدوم وهو اللي بيجذبني للإنسان.... بس هادا مانو جزء من حقيقتي وأنا ماني مثالية لهالدرجة بصراحة  عنجد ماني مضطرة اكتب الحقيقة هون بالمنتدى... لأنو رح اطلع "بنت البطة السودة" لو عبرت عن رأيي وشعوري الحقيقي بهالموضوع بس حاسة أني لو كنت صريحة ممكن شجع البقية يكونو صريحين واسمع آراء أكتر لناس متلي ويمكن مافي متلي وكلن أحسن مني -أنا بصراحة بحكم عالإنسان من شكلو باللقاء الأول والتاني والعاشر ... شكل الإنسان بهمني ... وبضل متأثرة فيه لحتى يجبرني الزمن أو الظروف عاشر هالإنسان وحبو أو أكرهو لسبب غير "شكلو" -مستحيل أقدر شيل من جواتي الشعور بالشفقة أو الحزن على انسان "غير جميل" حتى لو بكون بقمة الذكاء والنبوغية وبيجمع شتى مكارم الأخلاق والخصال بشخصيتو...ببساطة بحسو ناقص -صعب كتير حب بنت أحلى مني.... إلا إذا كانت ملاك وعاملتني معاملة رائعة... وإلا بتجنبا وبتجنب المكان اللي هي موجودة فيه -برتاح بالتعامل مع جميلي الشكل والمظهر....وبحب وجودن حواليي... -شكلي هو أهم العوامل اللي بتحدد ثقتي بنفسي.... وعلى أساس شكلي ببادر وبحكي مع الآخرين وبناقشن...وليس بالاعتماد على ثقافتي ودرايتي أو أو أو... لأني مقتنعة أنو الشكل هو المفتاح اللي بخلي الآخر يسمعك وبعدا بيبدا دور الفكر اللي عندك ومستوى ثقافتك -إذا مر يوم ما كنت فيه "حلوة" ...(وطبعاً البنات بيعرفو أنن ما بكل الأيام بكونو بنفس القدر من الجمال...حسب الحالة النفسية والنوم ونوع الصابونة  ) شبه بتنعدم ثقتي بنفسي ولو ماشية بشارع بمشي عطرف الطريق ولو قابلت حدا بعرفو بتجنبو وعالأرجح بحط أكبر نضارة شمسية بس من ناحية أخرى... لازم وضح أنو مقاييس الجمال بالنسبة إلي هي ما بس تقاطيع الوجه والجسم...بميل أكتر لأناقة التياب وأنو تكون نضيفة "وجديدة تحديداً" والوقفة وطريقة الحركة "body language" وجمال الألفاظ واللهجة وطبقة الصوت بصراحة بقرا عن هالموضوع وأديه أنو داخل الإنسان أهم من خارجو... وتفاهة الاهتمام بالشكل الخارجي و و و .... وبحاول اقنع حالي أنو أنا "بتأثر تأثر" بالشكل ما أكتر... بس وقت براقب تصرفاتي بتأكد أني "لا إرادياً" بهتم بالشكل وبالجمال... وبحبو كتير وبعرف أنو هادا عيب فيني.... بس ما بسمحلو ينفشى أو باثر على علاقتي بالناس  ويومياً بتزيد قناعتي أنو في ناس ما عندن شكل حلو بس عندن قلوب متل السكر وبينحبو وأنا متعلقة فين كتير "بس لولا طول الزمن ما كنت رح حبن.... بسبب حكمي المبدأي عالشكل" وأنا صدقاً بجبر حالي أحياناً اتصرف تصرفات معاكسة لهالطبيعة اللي جواتي.. متل أني البس تياب عادية وبسيطة بيوم فيه الكل متأنقين وبالأخير متل ما قالت سيرين... شو بهمني شكلو إذا أخلاقو ما منيحة.... سدقوني حتى الناس اللي عندن نقطة هالضعف اللي أنا اعترفت فيا هلأ.... بعيشو مع الناس يوم بعد يوم ليتأكدو من أنو الشكل ما مهم وشكراً
|
|
| الكاتب: | rehab [ الثلاثاء مارس 22, 2011 6:39 pm ] |
| عنوان المشاركة: | تأثير الجمال |
ملاك انتي ملاك عجبني كلامك كتير بس برجع لأني مشغولة
|
|
| الكاتب: | rehab [ الأربعاء مارس 23, 2011 6:29 pm ] |
| عنوان المشاركة: | تأثير الجمال |
الملاك, اقتباس:
بعد صراع طويل مع نفسي قررت أكتب الحقيقة
عزيزتي دائماً بردودك بشوفك بتحكي الحقيقة لي هالصراع هلأ ,على كل الحقيقة دائماً أجمل اقتباس:
أنا بصراحة بحكم عالإنسان من شكلو باللقاء الأول والتاني والعاشر ... شكل الإنسان بهمني ... وبضل متأثرة فيه لحتى يجبرني الزمن أو الظروف عاشر هالإنسان وحبو أو أكرهو لسبب غير "شكلو"
يعني كلنا أكيد منحكم من الشكل وهاد طبيعي لأن الجمال أكيد الو وقعو بس بشكل عام اذا الانسان فيه صفات جذابة تانية متل موهبة ما بتنسينا شكلوا بعد وبعد فترة بيصير شكلو بالنسبة النا طبيعي نوعاً ما .بس انتي يمكن لأن عندك بداخلك الجمال الو أولوية عم تسيطر عليكي أكتر من أي شي تانيه اقتباس:
إذا مر يوم ما كنت فيه "حلوة" ...(وطبعاً البنات بيعرفو أنن ما بكل الأيام بكونو بنفس القدر من الجمال...حسب الحالة النفسية والنوم ونوع الصابونة ) شبه بتنعدم ثقتي بنفسي ولو ماشية بشارع بمشي عطرف الطريق ولو قابلت حدا بعرفو بتجنبو وعالأرجح بحط أكبر نضارة شمسية
أكيد بس متل أنا اذا ما كنت حابة تيابي مثلاً بحس انو ماني واثقة بنفسي وبمشي ملبكة او حتى الشوز مع انو ما حدا ممكن منتبه ,طيب وبالشتوية بتحطي نضارة عم امزح معك
اقتباس:
بس من ناحية أخرى... لازم وضح أنو مقاييس الجمال بالنسبة إلي هي ما بس تقاطيع الوجه والجسم...بميل أكتر لأناقة التياب وأنو تكون نضيفة "وجديدة تحديداً" والوقفة وطريقة الحركة "body language" وجمال الألفاظ واللهجة وطبقة الصوت
تماماً يا عيني عليكي وانا كمان هيك انا هدول الاشيا بيهموني أكتر من شكل الوجه بس موضروري تكون التياب جديدة المهم تكون مرتبة وبتهمني الماركة بس صعب تلاقي انسان بيحمل كل الصفاة هدول سوا ممكن يكون حلو الوجه وأنيق وذكي بس تقيل دم وطريقة كلامو ما حلوة شو الحل وقتها ؟ 
اقتباس:
بقرا عن هالموضوع وأديه أنو داخل الإنسان أهم من خارجو... وتفاهة الاهتمام بالشكل الخارجي و و و .... وبحاول اقنع حالي أنو أنا "بتأثر تأثر" بالشكل ما أكتر... بس وقت براقب تصرفاتي بتأكد أني "لا إرادياً" بهتم بالشكل وبالجمال... وبحبو كتير
كلنا منقتنع نظرياً لكن وقت التطبيق مشكلة بأي موضوع كان
اقتباس:
وبعرف أنو هادا عيب فيني.... بس ما بسمحلو ينفشى أو باثر على علاقتي بالناس ويومياً بتزيد قناعتي أنو في ناس ما عندن شكل حلو بس عندن قلوب متل السكر وبينحبو وأنا متعلقة فين كتير
كونو لازم نحكي بصراحة واضح انو موضوع الجمال الو الجزء الكبير من الأهمية عندكوهاد بظن صعب انك تقدري تتلافيه مع الناس وممكن تخسري ناس رائعين بسببو مع هيك أكيد انتي أدرى وبئيدك فيكي تتحكمي بهالشعور بس ما بعرف كيف اقتباس:
بس لولا طول الزمن ما كنت رح حبن.... بسبب حكمي المبدأي عالشكل"
الموضوع عاملك صراع مع نفسك بس ما تحملي نفسك كتير وأنا صدقاً بجبر حالي أحياناً اتصرف تصرفات معاكسة لهالطبيعة اللي جواتي.. متل أني البس تياب عادية وبسيطة بيوم فيه الكل متأنقين لما بدك تجبري نفسي تعملي اشيا غصب عنك بظن تعذبك اكتر ما انها تسيطر على هالطبيعة اللي جواتك عزيزتي كل انسان عندو نقاط ضعف ممكن تضعفو كتير اذا ما احتواها بشكل ما انتي الحمد لله عرفانة وين المشكلة ومقتنعة انو شعورك هاد overشوي فانتي أفضل من غيرك بكتير في ناس بتكذب على حالها وبتصدق الكذبة للأسف لما الانسان بيعيش الحياة العملية والاجتماعية وهو بمركز المسؤلية بقصد ( صاحب أسرة مثلاً او بيعيش بالغربة ) صدقيني كل المقاييس بتختلف عندو وكتير أمور كانت الها أولوية بعدين ما خفت بس لا تلاشت لأن الحياة أصعب من انو الشخص يكون جميل ولا تيابو حلوين ولا هيك اشيا . لا تزعلي أبداً كلو رح يتغير مع الأيام المهم الانسان يكون صادق وطيب ونيتو صافية ماعم احكي من باب المثاليات لا والله والله عن تجربة  بتشكرك كتير كتير ما دمت بتحبي الجمال فأكيد الجمال هو جزء منك ممكن بالشكل وممكن بالروح والقلب ولا العقل ما بعرف بتمنالك التوفيق 
|
|
| صفحة 1 من 2 | جميع الأوقات تستخدم التوقيت العالمي+03:00 |
| Powered by phpBB® Forum Software © phpBB Group http://www.phpbb.com/ |
|